Matiyu 18:7 - ALA KA KUMA

⁷ Diɲɛ mɔgɔ minw kɛra sababu ye ka mɔgɔ caaman kunna cɛn, bɔnɛ ye olu ta ye. Wajibi lo dɔw kunna bena cɛn, nga mɔgɔ min bena kɛ o dɔ sababu ye, bɔnɛ y'o tigi ta ye.

Jula NT of Côte d’Ivoire

⁷ «Bɔnɔ bɛ dunuɲamɔgɔw sɔrɔ o ta kunnacɛnnikow kosɔn, sabu o kunnacɛnni kow kɛ ye jagboya le ye. Nka mɔgɔ min bɛ kɛ sababu ye ka o kɛ, bɔnɔ bɛna o tigi sɔrɔ!

LAYIDUKURA

⁷ Bɔnɛ ye dinyɛ mɔgɔw ta ye. Olu bɛ kɛ sababu ye ka mɔgɔ caaman kunna cɛn. Wajibi lo dɔw kunna bɛna cɛn, nga mɔgɔ min bɛna kɛ o dɔ sababu ye, bɔnɛ y'o tigi ta ye.

Matiyu 18:7 Iomraidhean Croise

Damina 13:7

Loon dɔ, kɛlɛ donna Abramu ka begɛndɛndɛbagaw ni Lɔti taw cɛ. (O y'a sɔrɔ kanaanw ni periziw siginin tun be jamana nin kɔnɔ.)

Sam 2nan 12:14

Nga ko a y'a kɛ Masaba juguw y'a tɔgɔ cɛnyɔrɔ sɔrɔ koo nin kama minkɛ, k'o la, i deen nin bena sa.

Matiyu 16:23

Yezu y'a ɲaa yɛlɛma k'a fɔ Piyɛri ye ko: «E Sutana nin, taga ka bɔ n kɔrɔ. E be ne ka koow cɛnyɔrɔ le ɲinina. I ka miiriya ni Ala ta te kelen ye, i be miiri i n'a fɔ adamaden tɔw.»

Matiyu 26:24

Mɔgɔ Dencɛ bena sa i ko a fɔra Ala ka kuma na a ka koo la cogo min na. Nga min bena Mɔgɔ Dencɛ don mɔgɔjuguw bolo, bɔnɛ bena o tigi sɔrɔ. N'a tigi yɛrɛ tun ma wolo, o tun ka fisa a ma.»

Marika 13:7

N'aw ye kɛlɛw kibaru, ani kɛlɛw mankan mɛn tuma min na, aw hakili kana ɲagami. Wajibi lo o koow ka kɛ, nga o tena kɛ a laban ye fɔlɔ.

Luka 17:1

Yezu y'a fɔ a ka kalandenw ye ko: «Wajibi lo sababu bena sɔrɔ min b'a to mɔgɔw kunna be cɛn, nga mɔgɔ min bena kɛ o sababu nin ye, bɔnɛ be o tigi ye.

Yuhana 17:12

Ka ne to n'olu ye yan, i ye minw woloma k'o di ne ma, ne y'o bɛɛ mara i barika la, k'u tanga juguman ma, fɔɔ min tun latigɛra halaki ma. O fana kɛra janko min fɔra i ka kuma na, o ka kɛ.

Kɛwalew 1:16

«N balimaw, Ala ka kuma kɔnɔ Nii Senuman tun ye kuma min don Dawuda daa la Zuda ka koo la, wajibi tun lo o ka kɛ. Ale Zuda le nana kɛ sababu ye u ye Yezu minɛ.

Kor fɔlɔ 11:19

Tilanni yɛrɛ ka kan ka kɛ aw cɛma, janko mɔgɔsɔbɛw ka se ka lɔn.

Tim fɔlɔ 6:1

Jɔɔnw k'u kuntigiw boɲa ka ɲa, waasa mɔgɔ si kana sababu sɔrɔ ka Ala tɔgɔ cɛn, ani ka kumajugu fɔ an ka kalan koo la.

Tite 2:5

U ka kɛ musosɔbɛw ye minw ɲamalɔnin lo, minw jijanin be u ka sokɔnɔbaaraw la, ani minw sɔɔn ka ɲi, ani u b'u yɛrɛ majigi u cɛɛw ye, waasa mɔgɔw kana se ka Ala ka kuma lɔgɔbɔ.

Tite 2:8

I ka kuma ka kɛ kuma ye, mɔgɔ te se ka min sɔsɔ waasa an juguw kana fɔta sɔrɔ an kama, u ka to maloya la.

Zude 1:4

Bari namaramɔgɔ dɔw donna aw cɛma minw ka jalakiko fɔra Ala ka kuma na kabini tumajan. O Alaɲasiranbali nunu be an ka Ala ka nɛɛma koo ta k'o kɛ kokolon kɛli ye, ani u bɛɛ be ban an Matigi Yezu Krista la, ale min kelenpe ye an kuntigi ye.

Sam fɔlɔ 2:17

Eli ka deen nunu tun be to ka hakɛ kɛ Masaba faan fɛ kosɔbɛ, bari u tun b'a ka saraka bɔko mafiɲɛya ten.