Matiyu 18:3 - ALA KA KUMA

³ k'a fɔ u ye ko: «Tiɲɛ na, n b'a fɔ aw ye ko n'aw m'aw sɔɔn yɛlɛma k'a kɛ i n'a fɔ denmisɛnw ta, aw tena don sankolo masaya la.

Jula NT of Côte d’Ivoire

³ k’a fɔ o ye ko: «Can ra ne b’a fɔ aw ye ko ni aw ma aw cogoya yɛlɛma ka kɛ i ko denfitiniw, aw tɛna don sankolo Masaya ra fiyewu.

LAYIDUKURA

³ k'a fɔ u ye ko: “Tinyɛ na, n b'a fɔ aw ye ko n'aw m'aw sɔɔn yɛlɛma k'a kɛ i n'a fɔ denmisɛnw ta, aw tɛna don Ala ka masaya yɔrɔ la.

Matiyu 18:3 Iomraidhean Croise

Zaburu 131:2

Nga, ne ye n ɲamalɔ ka je i ko denmisɛn min b'a bamuso gɛrɛfɛ. N be i ko o denmisɛn hakili siginin.

Ezayi 6:10

A kɛ jama nin tulo ka gwɛlɛya! U tulow geren k'u ɲaaw nɔrɔ! U kana yeli kɛ, u kana mɛnni kɛ. U kana foyi faamu, u kana se ka nimisa ka faran u ka kojuguw la, ka kɛnɛya.»

Matiyu 13:15

Bari u tulo ka gwɛlɛ, u te miiri, u t'a fɛ ka yeli kɛ, u t'a fɛ ka mɛnni kɛ. N'u tun ye yeli kɛ ka mɛnni kɛ, u tun bena nimisa ka faran u ka kojuguw la. Ne tun bena u kɛnɛya.›

Matiyu 18:2

Yezu ye denmisɛn dɔ wele k'o lɔ u cɛma,

Matiyu 18:4

O la, mɔgɔ min b'a yɛrɛ majigi ka kɛ i n'a fɔ denmisɛn nin, o tigi bena kɛ mɔgɔbaba ye sankolo masaya la.

Matiyu 19:14

Yezu y'a fɔ u ye ko: «Aw ka denmisɛnw to u ka na ne fɛ, aw kana u bali, bari *sankolo masaya ye olu bɔɲɔgɔnw le ta ye.»

Matiyu 19:23

Yezu y'a fɔ a ka kalandenw ye ko: «Tiɲɛ na, ne b'a fɔ aw ye ko nafolotigi donko ka gwɛlɛ *sankolo masaya la.

Matiyu 5:18

Tiɲɛ na, ne b'a fɔ aw ye ko ka sankolo ni dugukolo to yen, Ala ye sariya minw sigi, foyi tena bɔ u la, hali kuma kelen tena yɛlɛma u la, a bɛɛ ka kan ka bato fɔɔ a bɛɛ ka kɛ.

Matiyu 5:20

Ne b'a fɔ aw ye ko ni aw ka tilenninya ma tɛmɛ sariya karamɔgɔw ni *Fariziɲɛw ta kan, aw tena se ka don sankolo masaya la fewu.

Matiyu 6:16

«N'aw be suun na tuma min na, aw kana aw ɲaa kumu i n'a fɔ tɔgɔɲinilaw. Olu b'u ɲaa kumu janko mɔgɔw k'a lɔn k'u be suun na. Tiɲɛ na, ne b'a fɔ aw ye k'u y'u ka tɔnɔ sɔrɔ ka ban.

Matiyu 6:2

O la, n'i be fɛɛn dɔ di dɛsɛbagatɔw ma, i kana buru fiyɛ i ɲafɛ i n'a fɔ tɔgɔɲinilaw b'a kɛ cogo min na kalansow kɔnɔ, ani sira daaw la janko mɔgɔw k'u tanu. Tiɲɛ na, ne b'a fɔ aw ye ko olu y'u ka tɔnɔ sɔrɔ ka ban.

Matiyu 6:5

«N'aw be Ala daali, aw kan'a kɛ i n'a fɔ filakanfɔlaw b'a kɛ cogo min na. Ka lɔ kalansow kɔnɔ ani sira daaw la ka Ala daali, o le ka di u ye. U b'a kɛ ten janko mɔgɔw k'u ye. Tiɲɛ na, ne b'a fɔ aw ye k'u y'u ka tɔnɔ sɔrɔ ka ban.

Marika 4:12

O cogo la, ‹u bena filɛli kɛ ka ɲa, u tena foyi ye, u bena u tulo malɔ, u tena foyi faamu. N'u tun b'a faamu, u tun bena nimisa ka faran u ka kojuguw la, Ala tun bena yafa u ma. Nga u te miiri o la.› »

Luka 13:24

«Aw ye jija ka don ni dafitini ye bari ne b'a fɔ aw ye ko mɔgɔ caaman bena cogo ɲini ka don, nga u tena se.

Luka 22:32

nga, ne ye Ala daali i ye waasa i ka lanaya kana cɛn. N'i segira ne ma tuma min na, e k'i tɔɲɔgɔnw dɛmɛ.»

Yuhana 1:51

Yezu y'a fɔ tugu ko: «Tiɲɛ tiɲɛ na, aw bena sankolo dayɛlɛnin ye ka Ala ka mɛlɛkɛw yɛlɛtɔ n'u jigitɔ ye Mɔgɔ Dencɛ kan.»

Yuhana 3:3

Yezu y'a fɔ a ye ko: «Tiɲɛ tiɲɛ na, ne b'a fɔ i ye ko ni mɔgɔ min ma segi ka wolo tugu, o tigi te se ka don Ala ka masaya la.»

Yuhana 3:5

Yezu y'a jaabi ko: «Tiɲɛ tiɲɛ na, ne b'a fɔ i ye ko ni mɔgɔ min ma wolo jii, ani Nii Senuman barika la, o tigi te se ka don Ala ka masaya la.

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Kɛwalew 28:27

Jama nin tulo ka gwɛlɛ. U y'u tulo datugu, k'u ɲaa tugu, waasa u kana yeli kɛ, u kana mɛnni kɛ, janko u kana faamuli kɛ. N'u tun y'a faamu, u tun bena u sɔɔn yɛlɛma. O la, ne Ala tun bena u kɛnɛya.›

Kɛwalew 3:19

O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Kor fɔlɔ 14:20

N balimaw, aw ka miiricogo la, aw kana kɛ denmisɛnw ye tugu. Kojugu faan fɛ, ɔnhɔn, aw ka kɛ i n'a fɔ denmisɛnw, nga aw ka miiriya la, aw ka kɛ mɔgɔkɔrɔbaw ye.

Piy fɔlɔ 2:2

Siin ka di denɲɛnin ye cogo min na, Ala ka kuma fana ka kɛ aw fɛ ten janko aw ka kɔgɔ ka kisi,

Piy 2nan 1:11

O la, aw bena se ka kunbɛn koɲuman sɔrɔ an Matigi n'an Kisibaga Yezu Krista ka masaya la min te cɛn ka ye.