Matiyu 18:16 - ALA KA KUMA

¹⁶ Nga n'a banna k'i lamɛn, i ka mɔgɔ kelen, walima fila fara i kan ka ta'a fɛ tugu, waasa mɔgɔ fila, walima mɔgɔ saba k'o koo ɲanabɔ.

Jula NT of Côte d’Ivoire

¹⁶ Nka ni a ma sɔn ka i lamɛn, i ye mɔgɔ kelen, walama mɔgɔ fla fara i yɛrɛ kan, aw ye taga a fɛ, janko o ko bɛɛ ye ɲanabɔ ka kaɲa ni seere fla, walama ni seere saba ta kuma ye.

LAYIDUKURA

¹⁶ Nga n'a banna k'i lamɛn, i ka mɔgɔ kelen walima fila fara i kan ka ta'a fɛ tugu, waasa mɔgɔ fila walima mɔgɔ saba k'o koo nyanabɔ.

Matiyu 18:16 Iomraidhean Croise

Mas fɔlɔ 21:13

Mɔgɔjugu fila nana sigi Nabɔti ɲafɛ, k'a fɔ jama ɲana ko: «Nabɔti ye Ala nɛni, ka masacɛ danga.» O kɔ, u ye Nabɔti minɛ ka taga n'a ye dugu kɔfɛ k'a bon ni kabakuruw ye k'a faga.

Jateri 35:30

«Ni mɔgɔ dɔ ye mɔgɔ faga, o tigi te se ka faga fɔɔ seerew ka sɔrɔ o la. A fana man kan ka faga mɔgɔ kelenpe dama ka seereya kosɔn.

Yuhana 8:17

A yɛrɛ fɔra aw ka sariya la ko ni mɔgɔ fila ka seereya bɛnna ɲɔgɔn ma, o ye tiɲɛ tigitigi ye.

Kor 2nan 13:1

Nin taama nin bena kɛ ne taako sabanan ye aw fɛ. «Koo o koo minw be yen, u bena latigɛ, ka kɛɲɛ ni mɔgɔ fila, walima mɔgɔ saba ka seereya ye» i ko a fɔra Ala ka kuma na cogo min na.

Sariya 17:6

Mɔgɔ min ka jalaki ser'a fagako ma, o tigi be se ka faga ni seere mɔgɔ fila, walima saba sɔrɔla. N'o tɛ, a te se ka faga seere kelen kosɔn.

Sariya 19:15

«N'a kɛra ko mɔgɔ dɔ ye kojugu dɔ kɛ, walima hakɛ dɔ, walima kodagabali sifa wɛrɛ, o tigi te se ka jalaki seere kelen ka kuma kama. Tiɲɛ be se ka lɔn seere fila, walima seere saba ka kuma le kosɔn.

Tim fɔlɔ 5:19

I kana sɔn ka Krista ka jama ɲamɔgɔ jalaki, n'i m'a ka koo kɛnin mɛn seere fila, walima mɔgɔ saba daa la.

Heburuw 10:28

Ni mɔgɔ o mɔgɔ ye Musa ka sariya cɛn, ni seere fila, walima saba, sɔrɔla k'a fɔ ko tiɲɛ lo, o tigi ka kan ka faga, u man kan ka makari a la yɛrɛ.

Yirari 11:3

Nga n bena sira di n ka seere fila ma, u bena dusukasifani don u kaan na ka waajuli kɛ tile waa kelen ni kɛmɛ fila ni bi wɔɔrɔ kɔnɔ.»