Matiyu 13:44 - ALA KA KUMA

⁴⁴ «*Sankolo masaya be i ko nafolo dogonin, foro dɔ la. Cɛɛ dɔ tagara o sɔrɔ k'a ta k'a dogo tugu. A nisɔn diyara kosɔbɛ, fɔɔ a tagar'a bololafɛn bɛɛ feere ka segi ka taga foro nin san.

Jula NT of Côte d’Ivoire

⁴⁴ Yesu ko: «Sankolo Masaya* bɛ i n’a fɔ naforo min tun dogonin bɛ foro dɔ kɔnɔ. Cɛ min tagara bɔ a kan, ale ka a lalaga ka a dogo a nɔ ra yi. A jusu diyaninba tagara a borofɛnw bɛɛ fiyeere ka na foro yɛrɛ san kunkelen.

LAYIDUKURA

⁴⁴ “Ala ka masaya yɔrɔ bɛ sɔrɔ cogo min na, koo min b'o gwɛya aw ye, o filɛ: A bɛ i n'a fɔ cɛɛ dɔ taara nafolo dogonin sɔrɔ foro dɔ la. A y'a ta k'a dogo tugu. A nisɔn diyara kosɛbɛ, fɔɔ a taar'a bololafɛn bɛɛ feere ka segi ka taa foro nin san.

Matiyu 13:44 Iomraidhean Croise

Ayuba 28:13

Adamadenw t'a sɔngɔ lɔn do! A te sɔrɔ diɲɛ kɔnɔ.

Zanaw 16:16

Ka lɔnniya sɔrɔ, o ka fisa ni sanu ye. Ka hakilitigiya sɔrɔ, o ka fisa ni warigwɛ ye.

Zanaw 17:16

Ka lɔnniya sansɔngɔ don naloman bolo, o be mun ɲa? Bari hakili t'a fɛ.

Zanaw 18:1

Yɛrɛnafaɲinibaga le be sigi a kelen, n'i ko i b'a ladi, a be dimi.

Zanaw 23:23

I ka tiɲɛ ɲini k'a mara. Lɔnniya, ni ladili, ani hakilitigiya ɲini fana.

Ezayi 55:1

«Minnɔgɔ be aw minw bɛɛ la, aw ye na jiyɔrɔ la. Hali ni wari te mɔgɔ min fɛ, o tigi ka na dumuni bɔ k'a dumu gwansan. Aw ye na duvɛn ni nɔnɔ minɛ, a te sara.

Matiyu 13:24

Yezu ye talen wɛrɛ la u ye. A ko: «*Sankolo masaya be i ko cɛɛ dɔ min ye sumansi ɲanaman dan a ka foro la.

Matiyu 13:46

A nana dɔ ye min ka ɲi, a tagar'a bololafɛn bɛɛ feere k'o kɔnɔkisɛ nin san.

Matiyu 13:47

«*Sankolo masaya be i ko jɔɔ, mɔnikɛla dɔ ye min fili baji la, ka jigɛ sifa bɛɛ minɛ.

Matiyu 19:21

Yezu y'a fɔ a ye ko: «N'i b'a fɛ i ka koow bɛɛ ka dafa, taga k'i bololafɛnw feere k'o wari tilan fantanw cɛ, o la, i bena nafolo sɔrɔ sankolo la. O kɔ, na tugu ne kɔ.»

Matiyu 19:27

Piyɛri ye Yezu ɲininga ko: «A filɛ, an ye fɛɛn bɛɛ to yen ka tugu e kɔ. An ta bena kɛ cogo di?»

Matiyu 19:29

Ani mɔgɔ o mɔgɔ min y'a ka soo to, walima a balimacɛw, n'a balimamusow, a faa n'a baa, a deenw, an'a ka foro ne kosɔn, o tigi bena o ɲɔgɔn caaman sɔrɔ, ani ka nii banbali sɔrɔ.

Matiyu 6:21

I ka nafolo be yɔrɔ min na, i ka miiriya be o yɔrɔ la fana.

Luka 14:33

N'aw dɔ b'a fɛ ka kɛ ne ka kalanden ye fana, fɔɔ aw k'aw ka bololafɛn bɛɛ to yen.

Yuhana 6:35

Yezu ko u ma: «Ne le ye dumunifɛn ye min be nii kura don mɔgɔ la. Ni mɔgɔ min sɔnna ne ma, kɔngɔ t'o tigi minɛ tugu. Ni min lara ne la, minnɔgɔ t'o tigi minɛ tugu.

Rɔmukaw 15:4

Koo minw bɛɛ tun fɔra Ala ka kuma na kabini fɔlɔfɔlɔ, o fɔra ka hakili d'an ma, janko an jaa ka gwɛlɛya ani ka muɲu, ka jigi sɔrɔ o barika la.

Kɔlɔsikaw 2:3

Mɔgɔ be se ka koo min bɛɛ lɔn Ala faan fɛ, Krista ye o le yira.

Kɔlɔsikaw 3:16

Krista ka kuma ka se ka sigi aw kɔnɔ kosɔbɛ. Aw ka ɲɔgɔn kalan ani ka ɲɔgɔn ladi ni hakilitigiya bɛɛ ye. Aw ka Ala tanu ka barika la a ye ni dɔnkiliw ye minw be sɔrɔ Ala ka kuma kɔnɔ, ani dɔnkili wɛrɛw, ni dɔnkili minw be sɔrɔ Nii Senuman barika la.

Heburuw 10:34

Aw sigɛnna ni kasodenw ye u ka tɔɔrɔw la. Aw sɔnna k'aw ka bololafɛnw to u bɔsibagaw bolo ni nisɔndiya ye. Bari, aw ko nafolo wɛrɛ b'aw fɛ min ka fisa n'o ye n'a te ban abada.

Yirari 3:18

Ayiwa, ne b'aw ladi. Aw ye na sanu yɛrɛ yɛrɛ san ne fɛ, fɛɛn min b'a to aw be kɛ fɛntigiw ye. Aw ye na fanigwɛ san k'aw ka maloya bɔ, ani ka ɲadimifura minɛ ne fɛ k'aw yɛrɛ furakɛ waasa aw ka yeli kɛ.