Matiyu 13:22 - ALA KA KUMA

²² Min bɔnin be ŋɔni yɔrɔ fɛ, o ye mɔgɔ ye min b'o kuma mɛn, nga, diɲɛ hamiko, ni nafoloko b'o kuma nagasi fɔɔ nafa dɔɔni yɛrɛ te sɔrɔ a la.

Jula NT of Côte d’Ivoire

²² Simankisɛ minw benbenna ŋaniw cɛ ra, o kɔrɔ ye mɔgɔ min bɛ kuma mɛn, nka dunuɲa ta kow hami, ani naforo jarabi bɛ a sɔrɔ, ka kɛ sababu ye ka o kuma degu, a tɛ foyi ɲa.

LAYIDUKURA

²² Mɔgɔ minw bɛ o kuma mɛn, nga, ni nafolo koo, ni dinyɛ hami koo, ni nyanagwɛ koow b'o kuma kɛ kuma gwansan ye u nyana, n'a tɛ foyi nya u ye, olu bɔnin bɛ binjugu yɔrɔ fɛ.

Matiyu 13:22 Iomraidhean Croise

Tim fɔlɔ 6:17

A fɔ bii fɛntigiw ye k'u kana u yɛrɛ boɲa, ani u kana u jigi la o fɛɛn tɛmɛta nunu kan, nga u k'u jigi la Ala kan, ale min be fɛɛnw bɛɛ di an ma caaman, waasa an ka nisɔndiya.

Luka 8:14

Mɔgɔ dɔ wɛrɛw fana bɔnin be ŋɔni yɔrɔ fɛ. Olu mana kuma mɛn, hamikow, ni nafoloko, ni diyanakow b'o kuma nagasi fɔɔ nafa te sɔrɔ a la.

Luka 12:15

O kɔ, Yezu y'a fɔ jama ye ko: «Aw k'aw yɛrɛ kɔlɔsi nafoloko hamikojugu ma, bari hali ni nafolo ka ca mɔgɔ fɛ cogo o cogo, o te se ka kɛ a tigi nii suturanin ye.»

Tim 2nan 4:10

Demasi faranna ne la bari a ye diɲɛ kanu ka tɛmɛ, a tagara Tesaloniki. Keresan tagara Galati mara la, Titi fana tagara Dalimati mara la.

Matiyu 13:7

Dɔw fana tagara ben ŋɔni yɔrɔ la, u ni ŋɔni falenna ɲɔgɔn fɛ. Ŋɔni wilila k'u degun.

Luka 12:21

Yezu y'a fɔ ko: «Mɔgɔ min be nafolo lajɛn a yɛrɛ ye ka Ala to yen, o ɲɔgɔn le ben'a tigi sɔrɔ.»

Zaburu 52:7

Ala bena e halaki k'i to kudayi, a bena e ta ka taga n'i ye. A bena i bɔ i sigiyɔrɔ la pewu, a bena e bɔ diɲɛ na.

Luka 21:34

«Aw k'aw yɛrɛw kɔlɔsi, aw kan'a to nugubagatɔya, ni dɔrɔtɔya, ani diɲɛ hamikow k'aw hakili ɲagami, n'o tɛ, laban loon bena bari aw la,

Yeremi 4:3

Masaba b'a fɔra Zeruzalɛmukaw, ni Zuda mara mɔgɔw ye ko: «Aw ka forokura waga sasa aw yɛrɛ ye, aw kana foyi dan biin na.

Zanaw 11:28

Mɔgɔ min b'a jigi la a ka nafolo kan, o bena ben. Nga mɔgɔtilennin bena nugu i ko yirifuraburu.

Zaburu 62:10

Adamadenw be i ko fɔɲɔ. U be galon tigɛ. U man gwili sumanikɛlan kan, u be i ko fɔɲɔ.

Kɛwalew 8:18

Simɔn y'a ye ko cidenw y'u bolo la mɔgɔ nunu kuun na n'u ye Nii Senuman sɔrɔ minkɛ, a tun b'a fɛ ka wari d'u ma,

Waajurikɛbaga 4:8

Mɔgɔ dɔ be yen min b'a kelen, deen t'a fɛ, balima t'a fɛ. K'a sɔrɔ, daan t'a ka baara kɛta la. A te wasa nafolo la. A be tila k'a fɔ ko: «O tuma na sa, ne be baara min kɛra, ni n te lafiɲɛ, ne b'o kɛra jɔn ye?» O fana ye kabako ye, kojugu lo.

Zanaw 23:5

I ɲaa latɔ a kan, a tunutɔ lo. A be i ko gaman b'a fɛ, i n'a fɔ sɛgɛn, ka van sankolo kɔnɔ.

Matiyu 12:32

Ni mɔgɔ min ye Mɔgɔ Dencɛ tɔgɔ cɛn, o tigi bena o yafa sɔrɔ. Nga ni mɔgɔ min ye Nii Senuman tɔgɔ cɛn, o tigi tena o yafa sɔrɔ bii, a ten'a sɔrɔ sini fana.

Matiyu 13:39

Jugu min ye binjugu kisɛ seri foro nin kɔnɔ, o ye Sutana yɛrɛ ye. Sumantigɛtuma, o ye diɲɛ laban tuma ye. Sumantigɛlaw ye mɛlɛkɛw ye.

Matiyu 13:40

U be binjugu tigɛ k'a jɛni cogo min na, o koo ɲɔgɔn bena kɛ diɲɛ laban tuma na.

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Kor fɔlɔ 1:20

Lɔnnikɛla be min? Kalanfa be min? Bii diɲɛ nin lɔnniya ɲinibagaw be min? Ala ma diɲɛ nin ka lɔnniya yɛlɛma k'o kɛ nalomanya ye wa?

Kor fɔlɔ 2:6

Mɔgɔ minw tagara ɲa Krista ka koo la, an kɔni be olu kalan ni lɔnniya ye. O lɔnniya nin te diɲɛ ta ye, walima nin diɲɛ kuntigiw ta, minw ye halakitaw ye.

Kor fɔlɔ 2:8

Diɲɛ kuntigiw si m'o lɔn, n'u tun y'o lɔn, u tun tena sɔn ka Nɔɔrɔtigi gwengwen lɔgɔ kan.

Kor fɔlɔ 3:18

Mɔgɔ si kan'a yɛrɛ nigɛ. Ni mɔgɔ dɔ b'aw cɛma min b'a yɛrɛ jati hakilitigi ye diɲɛ na, o tigi ka sɔn fatɔya ma fɔlɔ ka sɔrɔ ka kɛ hakilitigi ye,

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Ɛfɛsikaw 2:2

aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.