Matiyu 13:21 - ALA KA KUMA

²¹ Nga o kuma te sigiyɔrɔ sɔrɔ a kɔnɔ, a te muɲuli kɛ. Ni gwɛlɛya nana, walima ni mɔgɔ b'a tɔɔrɔ o kuma kosɔn dɔrɔn, a be sin ka ban Ala ma.

Jula NT of Côte d’Ivoire

²¹ nka o kuma tɛ lilin don ka taga yɔrɔjan o tigi kɔnɔ. A ta miiriya yɛlɛma ka di. O kosɔn ni sɛgɛ sera a ma, walama ni mɔgɔw ka a tɔɔrɔ Ala ta Kuma kosɔn, o bɛ kɛ sababu ye ka a kunnacɛn o yɔrɔnin bɛɛ.

LAYIDUKURA

²¹ U t'a to o kuma ka sigiyɔrɔ sɔrɔ u kɔnɔ, u bɛ nyinɛ a kɔ joona. O le y'a to ni mɔgɔ b'u tɔɔrɔ o kuma kɔsɔn dɔrɔn, u bɛ sin ka ban Ala ma.

Matiyu 13:21 Iomraidhean Croise

Ayuba 19:28

Aw ben'a fɔ ko: ‹An bena tugu a kɔ cogo di? An bena sababu jumɛn sɔrɔ ka se k'a kiti?›

Zaburu 36:3

Nga a b'a yɛrɛ nigɛra le fɔɔ a t'a yɛrɛ ka fili ye, o koo fana te goy'a ye.

Zanaw 12:12

Mɔgɔjugu ɲaa be bɔ namarafɛn fɛ. Nga mɔgɔtilennin ka koo be ɲa.

Zanaw 12:3

Mɔgɔ si te yiriwa juguya barika la. Nga mɔgɔtilennin tena yuguyugu fewu.

Oze ta kitabu 6:4

«Ne bena mun le kɛ aw la sa, Efarayimu kɔmɔgɔw? Zuda mara mɔgɔw, ne bena mun kɛ aw la sa? Aw ka kanuya kɛra i ko sɔgɔma kabaforoko, i ko komiji min be tunu joona.

Matiyu 10:22

Mɔgɔ bɛɛ bena aw kɔniya ne tɔgɔ kosɔn. Nga ni mɔgɔ min muɲuna fɔɔ ka taga se a laban ma, o tigi bena kisi.

Matiyu 11:6

Ni mɔgɔ min kunna ma cɛn ne kosɔn, o tigi dagamunin lo.»

Matiyu 13:20

Mɔgɔ min bɔnin be farayɔrɔ fɛ kisɛ benna min na, o ye mɔgɔ ye min b'o kuma mɛn ka sɔn a ma o yɔrɔnin bɛɛ ni nisɔndiya ye.

Matiyu 13:57

O miiriya le y'a to u ma la Yezu la. O la, Yezu y'a fɔ u ye ko: «Kira be boɲa sɔrɔ yɔrɔ bɛɛ, fɔɔ a ka dugumɔgɔw n'a ka somɔgɔw cɛma.»

Matiyu 13:6

Nga tile fariyara tuma min na, u jɛnina ka ja bari lili ɲanaman tun t'u la.

Matiyu 24:13

Nga ni mɔgɔ min muɲuna fɔɔ ka taga se a laban ma, o tigi bena kisi.

Matiyu 26:31

O kɔ, Yezu y'a fɔ a ka kalandenw ye ko: «Bii suu nin na, aw bɛɛ bena boli ka ne to, bari a fɔra Ala ka kuma na ko: ‹Ni bena sagadɛndɛbaga bugɔ, sagaw be jɛnsɛn.› »

Matiyu 26:33

Piyɛri y'a fɔ a ye ko: «Hali ni bɛɛ bolila k'i to, ne kɔni tena boli abada.»

Marika 4:17

Nga o kuma te sigiyɔrɔ sɔrɔ u kɔnɔ. U te muɲu, ni gwɛlɛya nana, walima ni mɔgɔw b'u tɔɔrɔ o kuma kosɔn dɔrɔn, u be sin ka ban Ala ma.

Luka 8:13

Mɔgɔ dɔw fana bɔnin be farayɔrɔ fɛ. N'u y'o kuma mɛn, u be sɔn a ma ni nisɔndiya ye. Nga a te sigiyɔrɔ sɔrɔ u kɔnɔ, u be la o kuma na tumanin kelen dɔrɔn, ni kɔrɔbɔli nana, u be ban a kuma la.

Yuhana 6:26

Yezu y'u jaabi ko: «Tiɲɛ tiɲɛ na, ne b'a fɔ aw ye ko ne ye kabako minw kɛ aw ɲana, aw te ne yɔrɔ ɲinina olu kosɔn, nga aw be ne yɔrɔ ɲinina bari aw ye buru sɔrɔ k'a ɲimi fɔɔ ka fa a la.

Rɔmukaw 2:7

Mɔgɔ minw jijanin lo ka baaraɲuman kɛ n'u be boɲa, ni kunkɔrɔta ani nii banbali le ɲinina, a bena nii banbali di olu ma.

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Galasikaw 6:12

Yɛrɛyirabagaw le b'a fɛ aw ka kɛnɛkɛnɛ wajibi. U ka koo bɛɛ kuun ye nin ye: waasa u kana tɔɔrɔ sɔrɔ Krista kosɔn.

Galasikaw 6:15

Kɛnɛkɛnɛko, walima kɛnɛkɛnɛbaliya, o si te foyi ye. Min ye fɛɛn ye, o ye i ka kɛ danfɛnkura ye.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Filipikaw 1:6

Ne lanin b'a la ko Ala min ye baaraɲuman nin daminɛ aw dusu la, ko ale bena taga ɲa k'aw dɛmɛ o la fɔɔ ka taga se Yezu Krista kɔsegilon ma.

Tim 2nan 1:15

E y'a lɔn ko Krista kɔmɔgɔ minw be Azi mara la, olu bɛɛ banna ne la. Fizɛli ani Ɛmozɛni niin b'o la.

Tim 2nan 4:10

Demasi faranna ne la bari a ye diɲɛ kanu ka tɛmɛ, a tagara Tesaloniki. Keresan tagara Galati mara la, Titi fana tagara Dalimati mara la.

Yakuba 3:2

An bɛɛ be fili cogo caaman na. Mɔgɔ min te fili kuma na, o tigi ye mɔgɔdafanin ye, a be se k'a yɛrɛ minɛ fana.

Piy fɔlɔ 1:5

Setigi Ala be aw minw mara aw jigi kosɔn fɔɔ ka taga se kisili loon yɛrɛ yɛrɛ ma. Ala y' min latigɛ n'o bena kɛ diɲɛ laban tuma na.

Yirari 2:13

Aw be dugu min na, ne y'a lɔn ko Sutana ka masasigilan b'o yɔrɔ la. O n'a ta bɛɛ, aw nɔrɔnin bɛ ne la, aw ma tigɛ ne la. U ye ne ka seereɲuman Antipasi faga aw fɛ loon min na, hali o waati la, aw m'aw jigi bɔ ne kan k'aw to Sutana ka sigiyɔrɔ nin na.