Matiyu 11:5 - ALA KA KUMA

⁵ ko fiɲɛntɔw be yeli kɛra, murukuw be taamana, farisogobanatigiw be kɛnɛyara, tulogwerenw be mɛnni kɛra, suuw be kununna, kibaru diman be fɔra fantanw ye.

Jula NT of Côte d’Ivoire

⁵ ko: fiyentɔw bɛ yeri kɛra, nabaraw bɛ tagamana k’a ɲa, kunatɔw bɛ kɛnɛyara, torogberenw bɛ mɛnni kɛra, mɔgɔ saninw bɛ kununa ka bɔ saya ra, Kibaro Diman* bɛ fɔra fagantanw ye fana.

LAYIDUKURA

⁵ Finyɛntɔw bɛ yeli kɛra, nanbaranw bɛ taamana, kunatɔw bɛ kɛnɛyara, tulogwerenw bɛ mɛnni kɛra, suuw bɛ kununna, kibaru diman bɛ fɔra faantanw ye.

Matiyu 11:5 Iomraidhean Croise

Mas 2nan 5:14

O la, a jigira ka don Zurudɛn baji kɔnɔ k'a yɛrɛ tunu jii la siɲɛ wolonwula ka kɛɲɛ ni Ala ka mɔgɔ ka fɔta ye. A farisogo kɛra i n'a fɔ denmisɛn ta, a saniyara.

Mas 2nan 5:7

Isirayɛli mara masacɛ ye bataki nin kalan ka ban tuma min na, a y'a ka faniw faran k'a fɔ ko: «Ne ye Ala ye wa? Min be to ka mɔgɔw faga, ani ka mɔgɔ kunun wa, n'a be mɔgɔ ci ko n k'o tigi ka farisogobana ban? Aw ka l'a la ko a be sababu le ɲinina ka ne kɛlɛ.»

Zaburu 146:8

Masaba be fiɲɛntɔw ɲaa yɛlɛ. A be mɔgɔ barika banninw dɛmɛ. Mɔgɔtilenninw koo ka d'a ye.

Zaburu 22:26

Ne bena e tanu jamaba cɛma e yɛrɛ sababu la. Ne bena n ka dajuruw sara i ɲasiranbagaw ɲana.

Bɔri 4:11

Masaba y'a fɔ a ye ko: «Jɔn ye mɔgɔ daa dilan? Jɔn le be mɔgɔ kɛ bobo ye, walima tulogweren ye? Jɔn b'a kɛ a be yeli kɛ, walima k'a ɲaa fiɲɛn? O te ne, Masaba ye wa?

Ezayi 29:18

O loon na, tulogwerenw bena sɛbɛ nin kɔnɔnakuma mɛn, fiɲɛntɔw bena bɔ dibi la, u ɲaa bena yeli kɛ.

Ezayi 29:19

Mɔgɔmajigininw bena nisɔndiya Masaba barika la. Dɛsɛbagatɔw bena nisɔndiya Isirayɛli ka Ala barika la.

Ezayi 43:8

Aw ka bɔ ni fiɲɛntɔ nunu ye, k'a sɔrɔ ɲaa b'u fɛ! Tulogwerenw nunu, k'a sɔrɔ tulo b'u fɛ!

Ezayi 66:2

Ne le y'o fɛɛn nunu bɛɛ dan, o bɛɛ ye ne bulonɔ ye. Ne Masaba le ko ten. Mɔgɔ min b'a yɛrɛ majigi, mɔgɔ min dusu b'a jalaki, mɔgɔ min be siran ne ɲa ka sɔn n ka kuma ma, ne b'o tigi le filɛ.

Jakariya 11:7

«Begɛnfeerebagaw tun be taga ni saga minw ye fagayɔrɔ la, ne le kɛra olu dɛndɛbaga ye. Ne ye bere fila ta n bolo. Ne be fɔlɔ nin wele ko Teriya, ka filanan wele ko Jɛnɲɔgɔnya. Ne tora k'u dɛndɛ.

Matiyu 10:8

Aw ye banabagatɔw kɛnɛya, ka suuw kunun, ka farisogobanatigiw kɛnɛya, ka jinaw gwɛn ka bɔ mɔgɔw la. Ne y'o koow kɛ see d'aw ma gwansan, o la, aw fana k'o kɛ mɔgɔw ye gwansan.

Matiyu 11:4

Yezu y'u jaabi ko: «Aw be min mɛnna, n'aw be min yera, aw ye taga o lakali Zan ye,

Matiyu 12:13

Yezu sɔrɔla k'a fɔ cɛɛ nin ye ko: «I bolo jan.» A y'a jan, a kɛnɛyara ka kɛ i n'a fɔ tɔ kelen nin be cogo min na.

Matiyu 21:14

Fiɲɛntɔw ni senkelenninw tagara Yezu fɛ Alabatosoba kɔnɔ. Yezu y'u kɛnɛya.

Matiyu 5:3

«Mɔgɔ minw b'a lɔn k'u mako be Ala la, olu dagamunin lo, bari *sankolo masaya ye u ta ye.

Matiyu 9:30

U ɲaa yɛlɛla. Yezu y'a gwɛlɛya u ma k'u kan'a fɔ mɔgɔ si ye ko ale lo y'u ɲaa yɛlɛ.

Marika 7:37

Mɔgɔw kabakoyaninba tun b'a fɔra ko: «A be koo minw kɛ, o bɛɛ ka ɲi kosɔbɛ! A be tulogwerenw yɛrɛ tulo yɛlɛ, k'a kɛ bobow be kuma.»

Marika 9:25

Yezu y'a ye ko jama be girinna ka na u kɔrɔ minkɛ, a ye kuma gwɛlɛya jina ma k'a fɔ a ye ko: «E min be mɔgɔ kɛ bobo ni tulogweren ye, n b'a fɔ i ye, bɔ kanbelen nin na, i kana don a la tugu.»

Luka 4:18

«Matigi ka Nii be ne fɛ, bari a ye ne woloma ka kibaru diman fɔ fantanw ye. A ye ne ci ko n k'a fɔ jɔɔnw ye k'u bena hɔrɔnya, ko n k'a fɔ fiɲɛntɔw ye k'u ɲaa bena yɛlɛ, ko n ka mɔgɔtɔɔrɔninw bɔ u juguw bolo k'u bila,

Yuhana 10:25

Yezu y'u jaabi ko: «Ne y'a fɔ aw ye ka ban, nga aw te lara ne la. O bɛɛ n'a ta, ne be kɛwali minw kɛ n Faa tɔgɔ la, o be ne ka koo yira fana.

Yuhana 10:38

Nga ne b'o kɛra, o bɛɛ n'a ta, aw te lara ne la. Ayiwa, n be baara minw kɛra, aw ye la olu la, janko aw ka se k'a lɔn ko n Faa be ni ne ye, ko ne be ni n Faa ye.»

Yuhana 2:23

Ka Yezu to Zeruzalɛmu *Hɔrɔnya ɲanagwɛ la, a ye kabako minw kɛ mɔgɔw ɲana, caaman lara a la olu kosɔn.

Yuhana 3:2

Ale nana Yezu sɔrɔ sufɛ k'a fɔ a ye ko: «Karamɔgɔ, anw y'a lɔn ko Ala le y'i ci. Bari i be kabako minw kɛ, ni Ala te e mɔgɔ min fɛ, e te se k'o kɛ.»

Yuhana 5:36

Ayiwa, seere wɛrɛ be ne la, min ka seereya ka bon ni Zan ta ye. N Faa ye baara minw di ne ma, ne be minw kɛ, o le b'a yira ko Faa ye ne ci.

Yuhana 9:7

k'a fɔ a ye ko: «Taga ko Silowe jii la.» (Silowe kɔrɔ ko ciden.) Fiɲɛntɔ nin tagara ko yen, a kɔsegitɔ, a tun be yeli kɛra.

Kɛwalew 2:22

«Ayiwa, Isirayɛli jama, n bena kuma minw fɔ sisan, aw ye u lamɛn dɛ! Ala ye Nazarɛtika Yezu ci aw fɛ, ka see d'a ma ka kabakow kɛ aw ɲana. Aw yɛrɛ y'o lɔn.

Yakuba 2:5

N badenw, aw minw koo ka di ne ye, aw ye mɛnni kɛ, minw be jati fantanw ye diɲɛ kɔnɔ, Ala m'u woloma k'u kɛ fɛntigiw ye lanaya la, ani k'u ladon a ka masaya la wa? A tun y'a daa di a kanubagaw ma min la.