Matiyu 11:1 - ALA KA KUMA

¹ Yezu y'o ladili di a ka kalanden tan ni fila ma ka ban tuma min na, a bɔra ka taga mɔgɔw waaju k'u kalan gɛrɛfɛduguw la.

Jula NT of Côte d’Ivoire

¹ Ayiwa, Yesu ka o kumaw fɔ a ta karamɔgɔden tan ni fla ye ka ban tuma min na, a bɔra o yɔrɔ ra ka taga mɔgɔw karan, ka o waaju o yɔrɔ duguw ra.

LAYIDUKURA

¹ Yezu y'o ladili di a ka kalanden tan ni fila ma ka ban tuma min na, a bɔra yen ka taa mɔgɔw waaju k'u kalan gɛrɛfɛ duguw la.

Matiyu 11:1 Iomraidhean Croise

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Matiyu 4:23

Yezu tun be Galile mara bɛɛ yaala ka mɔgɔw kalan zuwifuw ka kalansow kɔnɔ. A tun be *sankolo masaya kibaru diman fɔ u ye, ani ka banabagatɔ sifa bɛɛ kɛnɛya jama cɛma.

Matiyu 7:28

Yezu y'o kumaw fɔ ka ban tuma min na, jama bɛɛ kabakoyara a ka mɔgɔ kalancogo la,

Matiyu 9:35

Yezu tun be taga dugubaba ni dugudenninw na ka mɔgɔw kalan zuwifuw ka kalansow kɔnɔ. A tun be *sankolo masaya koo fɔ, ani ka banabagatɔ sifa bɛɛ kɛnɛya.

Marika 6:12

Kalanden tan ni fila tagara mɔgɔw waaju k'u ka nimisa ka faran u ka kojuguw la.

Luka 23:5

Nga u segira k'a fɔ ko: «A be mɔgɔw kalan an ka jamana yɔrɔ bɛɛ la. O le b'a to mɔgɔw be muruti. A y'a daminɛ Galile mara la fɔɔ ka na se yan Zude mara la.»

Luka 8:1

O kɔ, Yezu tun be yaala duguba ni dugudenninw na ka waajuli kɛ ka Ala ka masaya kibaru diman fɔ. A ka kalanden tan ni fila tun be n'a ye,

Yuhana 15:10

N'aw be ne ka ciiw bato, aw fana be to ne ka kanuya la, i n'a fɔ ne be n Faa ka ciiw bato cogo min na ka to a ka kanuya la.

Yuhana 15:14

Aw ye ne teriw ye ni aw be sɔn ka ne ka cii bato.

Kɛwalew 1:2

fɔɔ ka taga se a kɔrɔtalon ma ka taga arijana na, n y'o bɛɛ lakali o kɔnɔ. Yanni a ka yɛlɛ ka taga arijana na, a tun ye mɔgɔ minw woloma k'u kɛ a ka cidenw ye, a ye kangari la u ye Nii Senuman barika la.

Kɛwalew 10:38

Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Kɛwalew 10:42

O kɔ, a ye cii don an bolo ko an k'a fɔ jama ye ani k'a yira u la ko Ala ye ale lo sigi ka kɛ ɲanamanw ni suuw kitibaga ye.

Tes fɔlɔ 4:2

An y'aw ladi koo minw na Matigi Yezu barika la, aw be olu lɔn.

Tes 2nan 3:10

K'an to aw fɛ yen, an tun b'a fɔ aw ye tuma bɛɛ ko mɔgɔ min te sɔn baara ma, o tigi kana dumuni kɛ fana.

Tes 2nan 3:6

N balimaw, an b'aw daali an Matigi Yezu Krista tɔgɔ la ko aw ka faran ka bɔ aw balimakolonw na, minw te taama ka kɛɲɛ n'an ka kalan ye.

Tim fɔlɔ 6:14

ko baara min dira i ma, i ka jija k'o kɛ, jalakiyɔrɔ kana sɔrɔ i la, fɔɔ ka taga se an Matigi Yezu Krista nalon ma.