Matiyu 10:1 - ALA KA KUMA

¹ Yezu y'a ka kalanden tan ni fila wele. A ye see d'u ma ka jinaw gwɛn, ani ka banabagatɔ sifa bɛɛ kɛnɛya.

Jula NT of Côte d’Ivoire

¹ Yesu ka a ta karamɔgɔden tan ni fla wele ka sebagaya di o ma janko o ye se ka jinaw gbɛn, ka mɔgɔw kɛnɛya ka bɔ o ta banaw, ani o ta tɔɔrɔw bɛɛ ra.

LAYIDUKURA

¹ Yezu y'a ka kalanden tan ni fila wele. A ye see d'u ma ka jinaw gwɛn ka bɔ mɔgɔw la, ani ka banabagatɔ sifa bɛɛ kɛnɛya.

Matiyu 10:1 Iomraidhean Croise

Matiyu 19:28

Yezu y'a fɔ u ye ko: «Tiɲɛ na, ne b'a fɔ aw ye ko ni diɲɛ nana kɛ diɲɛkura ye tuma min na, Mɔgɔ Dencɛ bena sigi a ka masasigilan kan. Aw minw tugura a kɔ, aw fana bena sigi masasigilan tan ni fila kan, ka Isirayɛli ka deen tan ni fila kɔmɔgɔw kiti.

Matiyu 26:20

Sufɛ, Yezu n'a ka kalanden tan ni fila nunu tun siginin be dumuni na.

Matiyu 26:47

Ka Yezu t'o kuma na, Zuda min tun ye kalanden tan ni fila nunu dɔ ye, ale sera ni jamaba ye. Murujanjan ni berew tun b'u bolo. Sarakalasebagaw kuntigiw ni cɛkɔrɔbaw le tun y'u ci.

Matiyu 4:23

Yezu tun be Galile mara bɛɛ yaala ka mɔgɔw kalan zuwifuw ka kalansow kɔnɔ. A tun be *sankolo masaya kibaru diman fɔ u ye, ani ka banabagatɔ sifa bɛɛ kɛnɛya jama cɛma.

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Matiyu 9:35

Yezu tun be taga dugubaba ni dugudenninw na ka mɔgɔw kalan zuwifuw ka kalansow kɔnɔ. A tun be *sankolo masaya koo fɔ, ani ka banabagatɔ sifa bɛɛ kɛnɛya.

Matiyu 9:38

Aw ka forotigi daali a ka baarakɛlaw ci ka ta'a ka suman tigɛ.»

Luka 10:19

N kɔni ye see d'aw ma ka taama saaw ni bunteniw kan, ani ka see d'aw ma k'aw jugu Sutana ka sebagaya nagasi. Fɛnjugu si ka dabari tena se aw kɔrɔ.

Luka 21:15

bari ne yɛrɛ bena hakilitigiya kuma don aw daa la fɔɔ aw jugu si tena se k'aw sɔsɔ, walima k'aw ka kuma kɔɔ kari.

Luka 24:49

Ne Faa y'a daa di ko a bena fɛɛn min d'aw ma, ne yɛrɛ bena o ci aw ma. Aw kɔni ka to dugu nin kɔnɔ fɔɔ aw ka sebagaya sɔrɔ ka bɔ Ala fɛ.»

Luka 6:13

Dugu gwɛra tuma min na, a y'a ka kalandenw wele, ka mɔgɔ tan ni fila woloma u cɛma k'olu tɔgɔ la ko cidenw.

Yuhana 17:2

bari i ye kuntigiya di ne ma adamaden bɛɛ kan, ka nii banbali di ne ka mɔgɔw bɛɛ ma i ye minw di ne ma.

Yuhana 3:27

Zan y'u jaabi ko: «Adamaden te se ka foyi sɔrɔ ni Ala m'a d'a ma.

Yuhana 3:35

Faa b'a Deen kanu fɔɔ a ye fɛɛnw bɛɛ don a bolo.

Yuhana 6:70

Yezu y'a fɔ u ye ko: «Ne m'aw mɔgɔ tan ni fila woloma wa? O bɛɛ n'a ta, mɔgɔ kelen b'aw cɛma min ye Sutana ye.»

Kɛwalew 1:8

Nga ni Nii Senuman jigira aw kan tuma min na, aw bena fanga sɔrɔ ka se ka n ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taga se diɲɛ faan bɛɛ la.»

Kɛwalew 19:15

Nga jina y'u jaabi ko: «Ne be Yezu lɔn, n be Pɔli fana lɔn. Nga aw do? Aw ye jɔnw ye?»

Yirari 12:1

O kɔ, ne ye kabakoba dɔ ye sankolo la. Muso dɔ tun lo, tile tun nɔrɔnin b'a kan, a seen lanin tun be kalo kan, lolo tan ni fila kɛnin tun be k'a kuun lamini.