Matiyu 1:21 - ALA KA KUMA

²¹ A bena dencɛ wolo, i k'a tɔgɔ la ko Yezu, bari ale lo ben'a ka mɔgɔw kisi u ka hakɛw ma.»

Jula NT of Côte d’Ivoire

²¹ A bɛna dencɛ le woro; i bɛna a tɔgɔ la ko Yesu, sabu ale le bɛna a ta mɔgɔw kisi ka bɔ o ta jurumunw na.»

LAYIDUKURA

²¹ A bɛna dencɛ wolo, i k'a tɔgɔ la ko Yezu, bari ale le bɛn'a ka mɔgɔw kisi u ka kojuguw tɔɔrɔ ma.”

Matiyu 1:21 Iomraidhean Croise

Damina 17:19

Ala ko: «Kana siga, i muso Sara bena dencɛ wolo i ye, i ben'a tɔgɔ la ko Isiyaka. Ne bena bɛɛn n'a ye, bɛɛn lo min te cɛn abada fɔɔ ka ta'a bila a kɔmɔgɔw ma.

Damina 17:21

Nga ne bena bɛn ni Isiyaka le ye, Sara bena min wolo i ye saan wɛrɛ, nin waati ɲɔgɔn na.»

Damina 18:10

U dɔ ko: «Siga t'a la, ne bena kɔsegi ka na i fɛ yan saan wɛrɛ, nin waati nin ɲɔgɔn na, k'a sɔrɔ dencɛ b'i muso Sara bolo.» Sara yo kuma mɛn k'a to Ibrayima kɔfɛ fanibugu daa la.

Yeremi 23:6

Ale ka tile la, Zuda mara mɔgɔw bena kisi, Isirayɛli mara mɔgɔw bena sigi lafiya la. A bena wele ko: Masaba ye an ka koɲanabɔla ye.»

Yeremi 33:16

O waati la, Zuda mara mɔgɔw bena kisi, Zeruzalɛmu be to hakilisigi la. Dugu nin tɔgɔ bena wele ko: ‹An ka koɲanabɔbaga ye Masaba lo ye.› » Masaba le ko ten.

Daniyɛli 9:24

«Saan bi wolonwula sigiyɔrɔman wolonwula latigɛra i ka siya, ni dugu senuman kosɔn, a be min kɔnɔ, janko juguya ka ban, hakɛ ka dabila. Fili minw kɛra, olu ka lalaga, tilenninya ka kɛ tuma bɛɛ koo ye, janko koo min yera yelifɛnw na, o ka kɛ, ani min fɔra kirayakuma na, ani Alabatoso ka sɔrɔ ka kalifa Ala ma tugu.

Jakariya 9:9

*Siyɔnkaw, aw ye ɲanagwɛ kosɔbɛ! Zeruzalɛmukaw ka nisɔndiya ka mankan kɛ! Aw ka masacɛ natɔ filɛ aw fɛ! Mɔgɔtilennin lo, setigi lo, mɔgɔmajiginin lo. A be fali kan, a be faliden kan.

Matiyu 1:25

Nga, u ma jɛn fɔɔ Mariyamu nana jigi dencɛ la. Yusufu ye o deen nin tɔgɔ la ko Yezu.

Luka 1:13

Nga mɛlɛkɛ y'a fɔ a ye ko: «Zakari, kana siran, bari i ka daalili minɛna. I ka muso bena dencɛ wolo i ye, i k'a tɔgɔ la ko Zan.

Luka 1:31

A filɛ, i bena kɔnɔ ta ka dencɛ wolo, i k'a tɔgɔ la ko Yezu.

Luka 2:11

A filɛ, bii suu nin na, Kisibaga wolola aw ye Dawuda ka dugu la, ale lo ye Ala ka Mɔgɔ wolomanin nin ye, an Matigi lo.

Luka 2:21

Deen wolola, a tile seeginan, a kɛnɛkɛnɛlon sera minkɛ, a tɔgɔ lara ko Yezu i ko mɛlɛkɛ tun y'a fɔ cogo min na sanni a baa k'a kɔnɔ ta.

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: «Ala ka Sagaden filɛ min be mɔgɔw ka hakɛw ban.

Yuhana 4:42

U tora k'a fɔ muso nin ye ko: «K'i ka kuma yɛrɛ bɔ a la, anw lara a la bari an y'a yɛrɛ lamɛn. An lanin b'a la ko nin le ye diɲɛ kisibaga yɛrɛ yɛrɛ ye.»

Kɛwalew 13:23

Ala ye Dawuda deen dɔ lawili k'a kɛ Isirayɛlidenw kisibaga ye. O ye Yezu ye. Ala yɛrɛ tun y'a daa di o koo la.

Kɛwalew 3:26

Ala y'a ka baarakɛla ci aw le ma fɔlɔ, janko a ka hɛrɛ kɛ aw kelen kelen bɛɛ ye k'aw faran ka bɔ aw ka kɛwalijuguw la.»

Kɛwalew 4:12

Kisili te se ka sɔrɔ yɔrɔ si n'ale fɛ tɛ. Bari Ala ma mɔgɔ wɛrɛ ci diɲɛ na, adamaden be se ka kisi min tɔgɔ barika la.»

Kɛwalew 5:31

k'a kɛ mɔgɔbaba ye, k'a sigi a yɛrɛ kinibolo la masaya la, ani k'a kɛ kisibaga ye, janko ale sababu la, Isirayɛlidenw ka nimisa ka faran u ka kojuguw la, Ala k'u ka hakɛw yafa.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Zan fɔlɔ 1:7

Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ be cogo min na, o tuma na, jɛɛn be kɛ an bɛɛ ni ɲɔgɔn cɛ, a Dencɛ Yezu joli b'an ka hakɛw bɛɛ bɔ an na.

Zan fɔlɔ 3:5

Aw b'a lɔn ko Yezu nana janko ka mɔgɔw ka hakɛw yafa, a ma hakɛ si kɛ.

Yirari 7:14

N y'a jaabi ko: «E le b'o lɔn matigi.» A ko ne ma: «Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.

Kititigɛbagaw 13:3

Loon dɔ, Masaba ka mɛlɛkɛ y'a yɛrɛ yira muso nin na, k'a fɔ a ye ko: «Deen t'i fɛ, i kɛra deen wolobali ye. Nga i bena kɔnɔ ta ka dencɛ wolo.

Sam fɔlɔ 1:20

O saan nin kɔnɔ, Annɛ ye kɔnɔ ta ka dencɛ wolo. A y'a tɔgɔ la ko Samuyɛli, ko bari ale y'a daali Masaba fɛ.