Matiyu 1:12 - ALA KA KUMA

¹² U bɔnin kɔ jɔnya la Babilɔni, Zekoniyasi ye Salatiyɛli wolo. Salatiyɛli fana ye Zorobabɛli wolo.

Jula NT of Côte d’Ivoire

¹² Izirayɛlimɔgɔw taganin kɔ Babilɔni: Yekoniya tun ye Salatiyɛli facɛ ye. Salatiyɛli tun ye Zorobabɛli facɛ ye.

LAYIDUKURA

¹² U bɔnin kɔ jɔnya la Babilɔni, Zekoniyasi ye Salatiyɛli wolo. Salatiyɛli fana ye Zorobabɛli wolo.

Matiyu 1:12 Iomraidhean Croise

Mas 2nan 24:14

A ye Zeruzalɛmu dugu mɔgɔw bɛɛ cɛ ka taga n'u ye, ɲamɔgɔw bɛɛ, ani mɔgɔbabaw bɛɛ. Mɔgɔ minw minɛna ka taga, olu tun be mɔgɔ waa tan (10 000) bɔ, bololabaarakɛlaw ni konnigɛdilanbagaw niin te o la. A tun ye jamana dɛsɛbagatɔw dama le to yen.

Mas 2nan 25:27

Zuda mara masacɛ Yoyakin minɛni ka taga jɔnya la, o saan bi saba ni wolonwulanan kalo tan ni filanan tile mugan ni wolonwulanan loon, Babilɔni masacɛ Ewili Merodaki yafara Zuda mara masacɛ Yoyakin ma k'a bɔ kaso la. O kɛra Ewili Merodaki ka masaya saan fɔlɔ la.

Lok fɔlɔ 3:17

Yekoniya min tun minɛna ka taga Babilɔni, ale deenw filɛ: Salitiyɛli,

Ɛsidarasi 3:2

Yozadaki dencɛ Zozuwe n'a tɔɲɔgɔn sarakalasebagaw, ani Salatiyɛli dencɛ Zorobabɛli n'a balimaw wilila ka sarakabɔyɔrɔ lɔ Isirayɛli ka Ala ye janko ka saraka jɛnitaw bɔ Ala ye ka kɛɲɛ ni Ala ka mɔgɔ Musa ka sariyasɛbɛ kɔnɔnakuma ye.

Ɛsidarasi 5:2

O la, Salatiyɛli dencɛ Zorobabɛli ni Yozadaki dencɛ Zozuwe wilila ka Ala ka soo lɔbaara daminɛ Zeruzalɛmu. Ala ka kiraw tun tora n'u ye o baara la fana k'u dɛmɛ.

Nehemi 12:1

Sarakalasebagaw ni Levi kɔmɔgɔ tɔɔ minw kɔsegira ka na ni Salitiyɛli dencɛ Zorobabɛli ye ani Yesuwa ye, olu tɔgɔw filɛ: Seraya ni Yirimeya, ni Ɛzira,

Yeremi 22:24

Masaba ko: «Tiɲɛ na, hali ni Yoyakimu dencɛ Koniyawu, Zuda mara masacɛ tun ye bololanigɛ ye ne kinibolo la, ne tun ben'a fosi ka bɔ!

Yeremi 22:28

O tuma na, Koniyawu kɛra i n'a fɔ minan min cira, minankolon mɔgɔ mako te min na wa? Mun na u y'ale n'a deenw gwɛn ka taga fɔɔ jamana dɔ la, u te min lɔn?

Yeremi 22:30

A ko: «Aw k'a sɛbɛn cɛɛ nin koo la ko dentan, mɔgɔ ta cɛnnin, bari a kɔmɔgɔ si tena se ka sigi Dawuda nɔɔ na masaya la, u si tena kɛ Zuda mara kunna.»

Yeremi 27:20

Babilɔni masacɛ Nabukodonozɔri tun ma sɔrɔ k'o minw ta Yoyakimu ka dencɛ, Zuda mara masacɛ Yekoniya minɛtuma na, ani Zeruzalɛmu faamaw bɛɛ, ni Zuda mara taw minɛtuma na ka bɔ Zeruzalɛmu ka taga Babilɔni.

Hagize 1:1

Dariyusi ka masaya saan filanan kalo wɔɔrɔnan tile fɔlɔ loon, Masaba ye kira Aze ci ka taga kuma Salitiyɛli dencɛ Zorobabɛli fɛ, min tun ye Zuda mara lasigiden ye, ani Yewosadaki dencɛ Zozuwe fɛ, min tun ye sarakalasebagaw kuntigi ye. A ko:

Hagize 1:12

O tuma na, Salitiyɛli dencɛ Zorobabɛli, ni Yewosadaki dencɛ Zozuwe, sarakalasebagaw kuntigi, ni jama tɔɔ min bɔra jɔnya la ka na, olu bɛɛ sɔnna Masaba u ka Ala ka kuma na. U sɔnna kira Aze ka kuma na, a ye min sɔrɔ Masaba u ka Ala fɛ. Jama siranna Masaba ɲa.

Hagize 1:14

Masaba ye baara nigɛ don Salitiyɛli dencɛ Zorobabɛli la, min tun ye Zuda mara lasigiden ye, ani Yewosadaki dencɛ Zozuwe la, min ye sarakalasebagaw kuntigi ye, ani jama tɔɔ minw bɔra jɔnya la. U nana Masaba, Setigi, u ka Ala ka soo baara daminɛ

Hagize 2:2

«A fɔ Salitiyɛli dencɛ Zorobabɛli ye, min ye Zuda mara lasigiden ye, ani Yewosadaki dencɛ Zozuwe sarakalasebagaw kuntigi ye, ani jama tɔɔ minw bɛɛ bɔra jɔnya la ka na ko ne ko:

Hagize 2:23

Masaba, Setigi ko: «O loon na, Salitiyɛli deen Zorobabɛli, e min ye ne ka baarakɛla ye, ne bena cii d'i ma. Ne Masaba le ko ten. Ne bena i kɛ i n'a fɔ masacɛ ka bololanigɛ, a be min kɛ k'a bulonɔ la fɛɛnw kan. Bari ne ye e le woloma.» Masaba, Setigi le ko ten.

Matiyu 1:11

Zoziyasi tun ye Zekoniyasi n'a balimaw facɛ ye. Zekoniyasi ka tile la, Babilɔnikaw ye see sɔrɔ u kan, u ye u cɛ ka taga u kɛ jɔɔnw ye Babilɔni.

Matiyu 1:13

Zorobabɛli fana ye Abiyudi wolo. Abiyudi fana ye Eliyakimu wolo. Eliyakimu fana ye Azɔri wolo.

Matiyu 1:17

K'a ta Ibrayima ma ka n'a bila Dawuda la, faa tan ni naani be olu cɛ. K'a ta Dawuda ma ka n'a bila u taawaati ma jɔnya la, faa tan ni naani be o waati cɛ. K'a ta jɔnya waati ma Babilɔni ka n'a bila Krista la, faa tan ni naani fana be o waati cɛ.

Luka 3:27

Zoda fana tun ye Zowanan deen ye, Zowanan fana tun ye Ereza deen ye, Ereza fana tun ye Zorobabɛli deen ye, Zorobabɛli fana tun ye Salatiyɛli deen ye, Salatiyɛli fana tun ye Neri deen ye.