Luka 9:5 - ALA KA KUMA

⁵ Ni dugu dɔ mɔgɔw banna ka jigiyɔrɔ d'aw ma, aw ye bɔ yen, k'aw sennabuguri furanfuran. O bena kɛ taamasiɲɛ ye k'u lasɔmi.»

Jula NT of Côte d’Ivoire

⁵ Nka ni yɔrɔ min mɔgɔw ma sɔn ka aw lajigi, aw bɔtɔ o yɔrɔ ra, aw ye aw sennabuguri gbongbon; o bɛna kɛ aw seere ye o mɔgɔw kama.»

LAYIDUKURA

⁵ Ni dugu dɔ mɔgɔw banna ka jigiyɔrɔ d'aw ma, aw ye bɔ yen, k'aw ka sennabuguri furanfuran ka bɔ aw seen na. O bɛna kɛ taamasinyɛ ye k'a yira u la k'u bɛn'a ye.”

Luka 9:5 Iomraidhean Croise

Nehemi 5:13

O la, ne ye n ka foroca minɛ k'a yuguyugu, k'a fɔ ko: «Ni mɔgɔ min ma sɔn k'a ka fɔta kɛ, Ala k'o tigi yuguyugu ten, k'a bɔ a ka soo kɔnɔ, a ka bɔnɔ a bololafɛnw na, a bololakolon ka to!» Jama bɛɛ y'a fɔ amiina, ka sɔrɔ ka Masaba tanu. Jama fana kɛra kantigi ye.

Matiyu 10:18

U bena aw minɛ ka taga n'aw ye faamaw ni masaw fɛ bari aw ye ne ka kalandenw ye. O bena kɛ sababu ye aw bena ne koo fɔ u ye, ani siya wɛrɛw ye.

Marika 6:11

Ni yɔrɔ dɔ mɔgɔw banna ka jigiyɔrɔ d'aw ma, n'u ma sɔn k'aw ka kuma lamɛn, aw ka bɔ o dugu la. Aw bɔtɔ, aw k'aw sennabuguri furanfuran. O bena kɛ lasɔmiko ye u fɛ.»

Marika 9:37

«Ni mɔgɔ min ye denmisɛn nin ɲɔgɔn minɛ ka ɲa ne kosɔn, o tigi ye ne le minɛ ka ɲa. Mɔgɔ min ye ne minɛ ka ɲa, o tigi ma o kɛ ne ye, nga a ye ne cibaga le minɛ ka ɲa.»

Luka 10:16

O kɔ, a y'a fɔ a ka kalandenw ye ko: «Mɔgɔ minw mana aw lamɛn, o tigiw be ne yɛrɛ le lamɛn. Mɔgɔ minw mana ban k'aw ladon, u banna ka ne yɛrɛ le ladon. Ni mɔgɔ minw banna ka ne ladon, o be banna ne cibaga le la.»

Luka 5:14

O kɔ, Yezu y'a gwɛlɛya a ma kosɔbɛ ko: «Kan'a fɔ mɔgɔ si ye ko ne le y'i kɛnɛya dɛ. Nga taga i yɛrɛ yira sarakalasebaga la. Musa ye saraka min koo fɔ saniyali faan fɛ, i k'o bɔ k'a yira mɔgɔw la ko i kɛnɛyara.»

Luka 9:4

N'aw ye jatigila sɔrɔ yɔrɔ o yɔrɔ, aw ye to yen fɔɔ aw bɔtuma ka se o dugu kɔnɔ.

Luka 9:48

k'a fɔ u ye ko: «Ni mɔgɔ min ye nin denmisɛn ɲɔgɔn minɛ ka ɲa ne kosɔn, o tigi ye ne le minɛ ka ɲa. Mɔgɔ min ye ne minɛ ka ɲa, o tigi ye ne cibaga le minɛ ka ɲa. Aw te mɔgɔ min jati aw cɛma, o tigi le ye mɔgɔbaba ye.»

Kɛwalew 13:51

U bɔtɔ, Pɔli ni Barinabasi y'u seen furanfuran ka buguri bɔ a la ka taga Ikoniyɔmu.

Kɛwalew 18:6

Zuwifuw tun te sɔnna Pɔli ka kuma na. U tora k'a nɛni. O la, Pɔli tora k'a ka faniw furanfuran k'a fɔ u ye ko: «N daa t'aw ka koo la tugu. N'aw halakira sini, o y'aw kunko ye. Ne kɔni niin t'o la tugu. Ayiwa, ne bena taga siya wɛrɛw le waaju sisan.»