Luka 9:11 - ALA KA KUMA

¹¹ Nga jama nana a lɔn minkɛ, u tagar'a fɛ. Yezu y'u kunbɛn ni nisɔndiya ye, ani ka u kalan Ala ka masaya koo la. Minw tun be kɛnɛyali fɛ, a y'olu kɛnɛya.

Jula NT of Côte d’Ivoire

¹¹ Mɔgɔw nana a lɔn ten minkɛ, o tugura o kɔ. Yesu ka o mina ka ɲa; a ka Ala ta Masaya* ko fɔ o ye. Minw fana tun man kɛnɛ, a ka olugu kɛnɛya.

LAYIDUKURA

¹¹ Nga jama nana a lɔn minkɛ, u taar'a fɛ. Yezu y'u kunbɛn ni nisɔndiya ye, ani ka u kalan Ala ka masaya koo la. Minw tun bɛ kɛnɛyali fɛ, a ye olu kɛnɛya.

Luka 9:11 Iomraidhean Croise

Ezayi 61:1

Matigi, Masaba ka Nii be ne fɛ. Bari, a ye ne woloma ka n ci ka kibaru diman fɔ fantanw ye, ka mɔgɔ dusukasininw dusu saalo, ka hɔrɔnya wango la mɔgɔw ye minw minɛna ka taga, ka kasodenw bilako wango la.

Matiyu 12:15

Yezu bɔra *Fariziɲɛw ka koo nin kala ma minkɛ, a bɔra o yɔrɔ la ka taga. Jamaba tugura a kɔ. A ye banabagatɔw bɛɛ kɛnɛya.

Matiyu 14:14

Yezu bɔra kurun kɔnɔ tuma min na, ka jamaba ye, u hinɛ donna a la, a y'u ka banabagatɔw kɛnɛya.

Matiyu 21:31

O deen fila nunu cɛma, jumɛn le ye a facɛ sago kɛ?» U y'a jaabi ko deen fɔlɔ kɛ. Yezu y'a fɔ u ye ko: «Ne b'a fɔ aw ye tiɲɛ na ko lɛnpominɛlaw ni kakalamusow bena kɔn ka don aw ɲa Ala ka masaya kɔnɔ.

Matiyu 21:43

Yezu y'a fɔ u ye tugu ko: «Ne b'a fɔ aw ye k'o cogo kelen la, Ala ka masaya bena bɔsi aw la, ka di siya wɛrɛw ma. Olu bena kɛwaliɲuman kɛ. [

Luka 1:53

A ye fɛnɲuman caaman di kɔngɔtɔw ma ka fɛntigiw bololakolon bila ka taga.

Luka 5:31

Yezu ye kuma ta k'u jaabi ko: «Mɔgɔ minw ka kɛnɛ, olu mako te furakɛla la, banabagatɔw le mako b'a la.

Luka 8:1

O kɔ, Yezu tun be yaala duguba ni dugudenninw na ka waajuli kɛ ka Ala ka masaya kibaru diman fɔ. A ka kalanden tan ni fila tun be n'a ye,

Luka 8:10

A y'u jaabi ko: «See dira aw ma ka Ala ka masaya gundow lɔn. Nga a koo be fɔ tɔw ye talen le la, waasa u filɛli kɛtɔ, u kana foyi ye, u mɛnni kɛtɔ, u kana foyi faamu.

Luka 9:10

Cidenw kɔsegira tuma min na, u ye koo minw kɛ, u y'o bɛɛ lakali Yezu ye. A tagara n'u ye danna dugu dɔ faan fɛ min tɔgɔ ko Bɛtisayida.

Luka 9:12

Tile tun be ɲini ka ban minkɛ, a ka kalandenw gwɛrɛla a la k'a fɔ a ye ko: «Sira di jama ma u ka taga dafɛduguw la ka dumuni ani layɔrɔ ɲini bari an be yɔrɔlakolon na yan.»

Luka 9:2

O kɔ, a y'u ci ka taga Ala ka masaya koo fɔ, ka banabagatɔw kɛnɛya.

Yuhana 4:34

O la, Yezu y'a fɔ u ye ko: «Ka n cibaga sago kɛ, o le ye n ka dumuni ye. Ne ka kan k'a ka baara kɛ fɔɔ ka se a daan na.

Yuhana 6:37

Ni n Faa ye mɔgɔ o mɔgɔ di ne ma, o bena la ne la, ne fana tena ban o tigi la.

Kɛwalew 28:31

A tun be Ala ka masaya koo fɔ u ye, ka mɔgɔw kalan Matigi Yezu Krista ka koow la ni jagwɛlɛya ye, mɔgɔ si tun t'a bali.

Rɔmukaw 10:14

U be se ka kɛ cogo di ka Matigi daali, n'u ma l'a la? U fana be se ka l'a la cogo di, n'u m'a koo mɛn? U fana be se k'a koo mɛn cogo di, ni mɔgɔ m'a fɔ u ye?

Rɔmukaw 10:17

O la, mɔgɔ be waajuli mɛn ka sɔrɔ ka la Krista la, waajuli le ye Krista ka koo ɲafɔli ye.

Rɔmukaw 15:3

Fɛɛn min tun ka di Krista ye, a m'o kɛ, i ko a fɔra Ala ka kuma na cogo min na ko: «I nɛnibagaw ka nɛnili le sera ne ma.»

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni muɲuli ye u kalanwaati la.

Heburuw 4:16

O tuma na sa, an k'an jigi la a kan, ka gwɛrɛ a ka masasigilan yɔrɔ la ni hakilisigi ye, a ka nɛɛma kosɔn janko a ka makari an na, ka nɛɛma kɛ an ye, k'an dɛmɛ an dɛsɛ tuma na.