Luka 8:3 - ALA KA KUMA

³ ni Zaani min ye *Erɔdi ka nafolo kɔlɔsibaga Suza muso ye, ni Suzani, ani muso wɛrɛw, minw tun be Yezu n'a ka kalandenw dɛmɛ n'u bololafɛnw ye.

Jula NT of Côte d’Ivoire

³ ani Yahani, min tun ye masacɛ Herodi* ta bon kɔrɔsibaga Suza ta muso ye, ani Suzana, ani muso caman wɛrɛ. O musow bɛɛ tun bɛ to ka o borofɛn dɔw di Yesu ni a ta karamɔgɔdenw ma ka o dɛmɛ.

LAYIDUKURA

³ ni Zaani min ye Erɔdi ka nafolokɔlɔsibaga Suza muso ye, ni Suzani, ani muso wɛrɛw, o minw tun bɛ Yezu n'a ka kalandenw dɛmɛ n'u bololafɛnw ye.

Luka 8:3 Iomraidhean Croise

Lok fɔlɔ 29:14

Ne ye jɔn ye? N ka jama fana ye mun ye, fɔɔ an sera ka e boɲa ten? Fɛɛn bɛɛ be sɔrɔ e le barika la, e le y'o d'an ma an ka sɔrɔ k'o d'i ma.

Ezayi 23:18

Nga, a bena fɛɛn minw sɔrɔ o kakalaya la, o bena kɛ Masaba ta ye. O tena cɛ k'a ton ɲɔgɔn kan, a tena mara. Mɔgɔ minw be baara kɛ Masaba ɲakɔrɔ, a bena kɛ olu ka balo ye, k'u wasa, ani ka faniɲumanw sɔrɔ u ye.

Matiyu 14:1

O waati la, Galile mara masacɛ *Erɔdi ye Yezu koo mɛn.

Matiyu 14:3

Tiɲɛ na, Erɔdi tun ye Zan minɛ k'a siri k'a don kaso la a dɔgɔcɛ Filipu ka muso Erodiyadi kama,

Matiyu 14:6

O bɛɛ la, Erɔdi ka wololon sanyɛlɛma ɲanagwɛ la, Erodiyadi ka denmuso wilila ka dɔɔn kɛ ɲanagwɛ dumunikɛlaw ɲana. O diyara Erɔdi ye kosɔbɛ,

Matiyu 2:11

U donna soo kɔnɔ, ka denɲɛnin n'a bamuso Mariyamu ye. U y'u kunbiri gwan k'a deen boɲa. O kɔ, u y'u ka minanw dayɛlɛ, ka sanu ni wusulan ani tulu kasadiman di deen ma.

Matiyu 20:8

Baara jigira tuma min na, forotigi y'a fɔ a ka baarakuntigi ye ko a ka baarakɛla nunu wele k'u ka sara d'u ma, k'a daminɛ minw tagara laban na fɔɔ ka taga bila fɔlɔ taw ma.

Matiyu 25:40

A bena u jaabi ko: ‹Tiɲɛ na, ne b'a fɔ aw ye, ko aw y'o koo nunu kɛ ne balima o balima ye, aw y'o kɛ ne le ye.›

Matiyu 26:11

Aw bena to ni fantanw ye tuma bɛɛ. Nga ne tena to n'aw ye tuma bɛɛ.

Matiyu 27:55

Muso caaman tun lɔra yɔrɔjan ka to k'o filɛ. O muso nunu tun tugura Yezu kɔ ka bɔ Galile mara la, waasa k'a dɛmɛ.

Luka 24:10

O koo nunu lakalibagaw tun ye Zaki bamuso Mariyamu ye, ni Zaani, ani Mariyamu ka bɔ Magidala. Muso wɛrɛ minw tun be n'u ye, olu fana ye koo nunu lakali kalandenw ye ten.

Yuhana 12:6

A tun y'o kuma nin fɔ, a ma kɛ ko fantanw makari le tun b'a la dɛ, nga soon tun lo. Ale lo tun b'u ka wari mara, ni wari min dira a ma ko a k'a mara, a b'o dumu.

Kɛwalew 13:1

Kira ni karamɔgɔw tun be Krista ka jama cɛma Antiyɔsi. Olu tun ye: Barinabasi, ni Simeyɔn, min be wele ko Nizɛri, ani Lusiyusi ka bɔ Sirɛni, ni Manayɛn, min ni *Erɔdi ye denmisɛnya kɛ ɲɔgɔn fɛ. Sɔli ka fara u kan.

Kor 2nan 8:9

Bari aw b'an Matigi Yezu Krista ka ɲumanya lɔn, ale min tun ye fɛntigi ye, a y'a yɛrɛ kɛ fantan ye aw kosɔn, waasa aw ka se ka kɛ fɛntigiw ye.

Filipikaw 4:22

Krista kɔmɔgɔw minw be yan, olu bɛɛ b'aw fo, nga aw fɔbaga tigitigiw, o ye minw be masacɛ ka soo kɔnɔ.

Tim fɔlɔ 5:10

Ani a tɔgɔɲuman ka fɔ a ka kɛwaliɲuman kosɔn, a ka kɛ muso ye min y'a deenw lamɔ ka ɲa, ka kɛ lonan ladonbaga ye. A ka kɛ Ala ka mɔgɔw dɛmɛbaga ye. A ka kɛ mɔgɔ ye min y'a hakili to dɛsɛbagatɔw la k'u dɛmɛ, ani ka kɛwaliɲuman sifa bɛɛ kɛ.