Luka 7:7 - ALA KA KUMA

⁷ O kosɔn, ne yɛrɛ ma taga i fɛ. Nga kuma kelen fɔ, ne ka baaraden bena kɛnɛya,

Jula NT of Côte d’Ivoire

⁷ O le kosɔn ne k’a jate mina k’a ye ko ne yɛrɛ tun man kan ka taga i nɔ fɛ. Nka ni i ka kuma kelenpe le fɔ, o sababu ra ne ta baaraden bɛ kɛnɛya.

LAYIDUKURA

⁷ Ne y'a ye ko n ka dɔgɔ minkɛ, o le y'a to ne yɛrɛ ma taa i fɛ yen. Nga kuma kelen dama fɔ ne ka jɔɔn bɛna kɛnɛya,

Luka 7:7 Iomraidhean Croise

Zaburu 107:20

A kumana dɔrɔn, u kɛnɛyara, a y'u bɔsi saya bolo.

Zaburu 33:9

Bari a ka fɔta be kɛ wajibi, a fɔtɔ, a kɛtɔ.

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Marika 1:27

Mɔgɔ bɛɛ kabakoyara fɔɔ u tun b'a fɔ ɲɔgɔn ye ko: «Nin ye kabako ye dɛ. A be kuma barikaman fɔ ka fɛnkura ɲaa yira mɔgɔw la. Hali jinaw be sɔn a ta ma.»

Luka 4:36

Mɔgɔ bɛɛ kabakoyara fɔɔ u tun be ɲɔgɔn ɲininga ko: «Haan! Nin ye mun kuma ye? A be kuma jinaw fɛ ni fanga ni setigiya ye. U be bɔ mɔgɔw la fana.»

Luka 5:13

Yezu magara a la, k'a fɔ ko: «N sɔnna, kɛnɛya.» O yɔrɔnin bɛɛ, cɛɛ kɛnɛyara.

Luka 7:6

O la, Yezu tagara n'u ye. U surunyana sɔlidasi kuntigi nin ka soo la tuma min na, a y'a teri dɔw ci k'u ka taga fɔ Yezu ye ko: «Matigi, kana i yɛrɛ sigɛn, bari i ka don ne ka soo kɔnɔ, ne man kan n'o ye.

Luka 7:8

bari kuntigi dɔw be ne fɛ, ne fana be sɔlidasi dɔw kunna. N be se k'a fɔ kelen ye ko: ‹Taga yan fɛ›, a be taga. K'a fɔ dɔ wɛrɛ fana ye: ‹Na yan›, a be na. K'a fɔ n ka jɔɔn ye ko: ‹Nin kɛ ten›, a b'o kɛ.»

Sariya 32:39

Aw k'a lɔn sisan ko ne kelen le ye Ala ye! Batofɛn wɛrɛ te yen ni ne tɛ. Ne le be nii don mɔgɔ la, ne le be nii minɛ. Ne le be mɔgɔ mandimi, ne le be mɔgɔ kɛnɛya. Mɔgɔ si te se ka mɔgɔ bɔsi ne bolo.

Sam fɔlɔ 2:6

Masaba le b'a kɛ mɔgɔ be sa, ale lo be mɔgɔ to nii na fana, ale lo sababu la mɔgɔ be taga lahara, ale fana le b'u bɔ yen.