Luka 7:6 - ALA KA KUMA

⁶ O la, Yezu tagara n'u ye. U surunyana sɔlidasi kuntigi nin ka soo la tuma min na, a y'a teri dɔw ci k'u ka taga fɔ Yezu ye ko: «Matigi, kana i yɛrɛ sigɛn, bari i ka don ne ka soo kɔnɔ, ne man kan n'o ye.

Jula NT of Côte d’Ivoire

⁶ Yesu tagara ni o ye. O surunyara sorasikuntigi ta bon na minkɛ, sorasikuntigi ka a teri dɔw ci Yesu fɛ, k’a fɔ a ye ko: «Matigi, i kana i yɛrɛ tɔɔrɔ, sabu a man kan ko ele ye na ne ɲɔgɔn ta so.

LAYIDUKURA

⁶ O la, Yezu taara n'u ye. U surunyana sɔlidasi kuntigi nin ka soo la tuma min na, o cɛɛ y'a teriw dɔw ci k'u ka ta'a fɔ Yezu ye ko: “Matigi, i kana i yɛrɛ sɛgɛn, bari ne ka dɔgɔ i ka na fɔɔ ne ka soo.

Luka 7:6 Iomraidhean Croise

Damina 32:10

O kɔ, Yakuba ye Ala daali ko: «Ne mamacɛ Ibrayima ka Ala, ne faa Isiyaka ka Ala, Masaba, e y'a fɔ ne ye ko ne ka kɔsegi ka taga n faso la n balimaw fɛ, ko i bena koɲuman kɛ ne ye.

Zanaw 29:23

Adamaden ka yɛrɛboɲa b'a dɔgɔya. Nga yɛrɛmajigi miiriya be min fɛ, o tigi bena boɲa sɔrɔ.

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Matiyu 3:11

«Ne b'aw batize ni jii ye k'a yira ko aw nimisara ka faran aw ka kojuguw la. Nga, min bena na ne kɔ, o ka sebagaya ka bon ni ne ta ye. K'a ka sanbara bɔ a seen na, ne kuun ka dɔgɔ o ma. Ale bena aw batize ni Nii Senuman ni tasuma ye.

Marika 5:24

U ye Zayirisi ka soo sira ta. Jamaba tugura Yezu kɔ k'a degun.

Luka 5:8

Simɔn Piyɛri y'o ye minkɛ, a y'a kunbiri gwan Yezu kɔrɔ k'a fɔ ko: «Matigi, kana gwɛrɛ n na, bari ne ye hakɛkɛla ye.»

Luka 7:4

Olu sera Yezu fɛ, u y'a daali k'a daali kosɔbɛ ko: «Cɛɛ nin ka kan n'i ka dɛmɛli ye,

Luka 7:5

bari an ka siya koo ka d'a ye. Ale lo lɔra n'an ka kalanso lɔli musakaw ye.»

Luka 7:7

O kosɔn, ne yɛrɛ ma taga i fɛ. Nga kuma kelen fɔ, ne ka baaraden bena kɛnɛya,

Luka 8:49

Ka Yezu to o kuma na, mɔgɔ dɔ bɔra kuntigi Zayirisi ka soo ka na a fɔ a ye ko: «I denmuso banna, kana karamɔgɔ sigɛn tugu.»

Kɛwalew 10:38

Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Yakuba 4:10

Aw k'aw yɛrɛ majigi Matigi ye, a bena kunkɔrɔta di aw ma.

Yakuba 4:6

A be koo bɛɛ kɛ k'a ka nɛɛma yira. O la, a fɔra Ala ka kuma na ko: «A be nɛɛma kɛ mɔgɔmajigininw ye, ka fariya yɛrɛboɲalaw ma.»