Luka 7:13 - ALA KA KUMA

¹³ Matigi ye muso nin ye minkɛ, a hinɛ donn'a la kosɔbɛ. A y'a fɔ a ye ko a kana kasi tugu.

Jula NT of Côte d’Ivoire

¹³ Matigi ka o muso ye minkɛ, a hina donna a ra. A ko muso ma ko: «I kana kasi.»

LAYIDUKURA

¹³ Matigi ye muso nin ye minkɛ, a hinɛ donna a la kosɛbɛ. A y'a fɔ a ye ko a kana kasi tugu.

Luka 7:13 Iomraidhean Croise

Zaburu 103:13

Faa be hinɛ a deenw na cogo min na, o cogo kelen na, Masaba be hinɛ a ɲasiranbagaw la.

Zaburu 86:15

Nga Matigi, e kɔni ye Ala ye, i be makari, i be hinɛ. E te dimi joona, e ka ɲumanya ka bon, e ye kantigi ye fana.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Ezayi 63:9

u ka tɔɔrɔwaatiw bɛɛ la. A ma mɔgɔ si ci ka na u kisi, ale yɛrɛ le y'u kisi. A b'u kanu, a be makari u la, o la, a y'u kunmabɔ. A y'u ɲun, a y'u ta fɔlɔfɔlɔ tilew bɛɛ la.

Yeremi 31:20

Efarayimu kɔmɔgɔw le te ne deenw ye, minw koo ka gwɛlɛ ne ma, ani minw koo ka di ne ye haali wa? Tuma o tuma ni ne ka kan k'o jalaki, ne be to ka miiri u la. O le y'a to u nigɛ be to ka kɛ ne la. Ne bena makari u la sɔbɛ la.» Masaba ko ten.

Marika 8:2

«Jama nin hinɛ be ne la, bari, u be ni ne ye, a tile saba ye bii ye, foyi t'u fɛ k'a dumu.

Luka 10:1

O kɔ, Matigi ye kalanden bi wolonwula ni fila wɛrɛ woloma. A yɛrɛ tun ka kan ka taga duguba ni dugudennin minw na, a y'u ci ka taga o yɔrɔw la a yɛrɛ ɲa mɔgɔ fila fila.

Luka 11:1

Loon dɔ, Yezu tun be Ala daalila yɔrɔ dɔ. A tilara tuma min na, a ka kalandenw la kelen y'a fɔ a ye ko: «Matigi, an dege Aladali la i n'a fɔ Zan y'a taw dege cogo min na.»

Luka 11:39

Matigi y'a fɔ a ye ko: «Aw Fariziɲɛw kɔni be ten. Aw be jifilenw ni tasaw kɔfɛlaw ko k'u gwɛ, k'a sɔrɔ benkanni ani juguya le fanin be aw kɔnɔ.

Luka 12:42

Matigi y'a jaabi ko: «Baaraden tilennin hakiliman jumɛn be yen, n'a kuntigi y'a sigi a ka baaraden tɔw kunna waasa a ka dumuni d'u ma a diwaati la?

Luka 13:15

Matigi y'a fɔ ko: «Aw ye filakanfɔlaw le ye! Lafiɲɛlon na, aw kelen kelen bɛɛ te aw ka misi, walima aw ka fali foni ka taga u sɔn jii la wa?

Luka 17:5

Cidenw y'a fɔ Matigi ye ko: «Matigi, dɔ fara an ka lanaya kan.»

Luka 17:6

A y'a fɔ u ye ko: «N'aw tun be la ne la dɔɔni dɔrɔn, hali n'o lanaya boɲa tun be mutaridikisɛ bɔ, aw tun bena se k'a fɔ yiriba nin ye ko a ka bɔn ka bɔ yan ka taga yɛrɛ tutu kɔgɔji la. A tun bena sɔn aw ta ma.

Luka 18:6

O la, Matigi ko: «Aw ka kititigɛla tiɲɛfɔbali nin ka kuma lajɛ.

Luka 19:8

Nga Zase y'a fɔ Matigi ye ko: «Matigi, sisan ne bena n ka nafolo tilancɛ di fantanw ma, ni ne ye mɔgɔ min namara, ne bena o ɲɔgɔn naani segi a tigi ma.»

Luka 22:61

Matigi y'a ɲaa yɛlɛma ka Piyɛri filɛ. Piyɛri hakili jigira a ka kuma na, a tun ye min fɔ a ye ko: «Sanni dondo bɛ kasi bii, i ben'a fɔ fɔɔ siɲɛ saba ko i te ne lɔn.»

Luka 24:3

U donna kaburu kɔnɔ, u ma Matigi Yezu suu ye.

Luka 24:34

Olu y'a fɔ mɔgɔ fila nunu ye ko Matigi kununna tiɲɛ na, u ko a y'a yɛrɛ yira Simɔn na.

Luka 7:12

U surunyana dugu donda la, u ye mɔgɔ dɔw kunbɛn n'u be tagara ni suu ye kaburutu la. Firiyamuso dɔ ka dencɛ kelenpe tun lo. Jamaba tun be yen.

Luka 7:14

O kɔ, a gwɛrɛla ka maga sukɛsu la. Suu tabagaw lɔra. Yezu y'a fɔ kanbelen suu ma ko a ka wili.

Luka 7:19

k'u ci Matigi fɛ k'u ka ta'a ɲininga ko: «Ala ka Mɔgɔ wolomanin min ka kan ka na, ale lo wa? Walima an ka kan ka mɔgɔ wɛrɛ kɔnɔ?»

Luka 8:52

Mɔgɔ bɛɛ tun be kasira ka kule sungurunin ka saya koo la. Yezu y'a fɔ u ye ko: «Aw kana kasi, sungurunin ma sa, nga a be sinɔgɔra le.»

Yuhana 11:2

Ale Mariyamu le tun ye tulu kasadiman bon Matigi seen kan ani k'a kunsigi kɛ k'a jɔsi, ale balimacɛ Lazari le tun man kɛnɛ.

Yuhana 11:3

U ye mɔgɔ bila ka taga fɔ Yezu ye ko: «Matigi, i tericɛ man kɛnɛ.»

Yuhana 20:13

Mɛlɛkɛ nunu y'a ɲininga ko: «Muso, mun na i be kasira?» A y'u jaabi ko: «Dɔw ye ne Matigi suu ta ka bɔ a layɔrɔ la, ne m'a lɔn u y'a bila yɔrɔ min na.»

Yuhana 20:15

Yezu y'a fɔ a ye ko: «Muso, mun na i be kasira? I be jɔn le yɔrɔ ɲinina?» Mariyamu tun be miiri ko nankɔ kɔlɔsibaga lo, o la a y'a fɔ a ye ko: «Baba, ni ele lo y'a ta, e k'a bilayɔrɔ fɔ n ye n be taga ta.»

Yuhana 4:1

Yezu bɔra a kala ma ko *Fariziɲɛw y'a mɛn ko ale ye kalanden caaman sɔrɔ ka tɛmɛ Zan kan ani ka to ka mɔgɔw batize ka tɛmɛ a kan fana.

Yuhana 6:23

Matigi ye barika la Ala ye ka buru caya k'a di mɔgɔw ma yɔrɔ min na, kurun dɔw bɔra Tiberiyadi ka na se o yɔrɔ.

Kor fɔlɔ 7:30

Mɔgɔ minw be kasira, olu ka kɛ i n'a fɔ u te kasira. Minw be nisɔndiyara, olu ka kɛ i n'a fɔ u te nisɔndiyara. Minw be sanni kɛra, olu ka kɛ i n'a fɔ u te foyi sɔrɔla.

Tes fɔlɔ 4:13

N balimaw, mɔgɔ minw sara, an t'a fɛ aw ka to olu ka koo lɔnbaliya la, waasa aw dusu kana kasi i n'a fɔ mɔgɔ tɔw, jigi te minw fɛ.

Heburuw 2:17

O kama, a tun ka kan ka kɛ a badenw bɔɲɔgɔnko ye koo bɛɛ la, janko a ka kɛ sarakalasebagaw kuntigiba kantigi ye min be makari mɔgɔw la, ka baara kɛ Ala ye, ani ka kɛ sababu ye mɔgɔw ka hakɛw ka yafa.

Heburuw 4:15

Bari, see b'an ka sarakalasebagaw kuntigiba nin ye k'an faamu an ka dɛsɛyɔrɔ la. A ye kɔrɔbɔli sifa bɛɛ sɔrɔ i n'a fɔ anw, nga a ma hakɛ kɛ.

Kititigɛbagaw 10:16

U ye siya wɛrɛw ka joo nunu ta k'u fili, ani ka Masaba bato. Isirayɛlidenw ka tɔɔrɔ digira Masaba la fɔɔ a ma se k'o muɲu tugu.