Luka 6:8 - ALA KA KUMA

⁸ Nga Yezu tun y'u ka miiriya lɔn, o la, a y'a fɔ cɛɛ bolofaganin ye ko: «Wili ka lɔ mɔgɔw cɛma yan.» A wilila ka lɔ.

Jula NT of Côte d’Ivoire

⁸ Nka Yesu tun ka o ta miiriya lɔn; a ko cɛ boro faganin ma ko: «Wuri ka na lɔ cɛmancɛ ra yan, jama bɛɛ ɲa kɔrɔ!» Cɛ wurira ka lɔ.

LAYIDUKURA

⁸ Nga Yezu tun y'u ka miiriya lɔn, o la, a y'a fɔ cɛɛ bolo sanin ye ko: “Wili ka lɔ mɔgɔw cɛma yan.” A wilila ka lɔ.

Luka 6:8 Iomraidhean Croise

Lok fɔlɔ 28:9

«Ayiwa, ne deen Solomani, ele kɔni, i ka banba k'i faa ka Ala lɔn, ani ka baara kɛ a ye ni kɔnɔgwɛ ye, k'i yɛrɛ bɛɛ d'a ma, bari Masaba be adamadenw bɛɛ kɔnɔnako sɛgɛsɛgɛ ani k'u ka miiriya bɛɛ lɔn. N'i y'a ɲini, a ben'a yɛrɛ yira i la, nga n'i bann'a la, a fana bena ban i la pewu.

Lok fɔlɔ 29:17

N ka Ala, n y'a lɔn ko i be mɔgɔ kɔnɔnako lɔn, ko tilenninya fana le ka d'i ye. Ne ye fɛɛn nunu di ni kɔnɔgwɛ ye nisɔndiya la. N y'a ye fana ko i ka jama min lajɛnnin be yan, olu y'i boɲa ni dusudiya ye.

Ayuba 42:2

«Ne y'a lɔn ko i be se koo bɛɛ la, i te dɛsɛ i ka kolatigɛnin si la.

Zaburu 44:21

N'a kɛra ko an le ɲinɛna an ka Ala kɔ, n'a kɛra ko an ye batofɛn wɛrɛ le daali,

Ezayi 42:4

A barika tena ban, a fari tena faga fɔɔ a ka tilenninya sigi dugukolo kan. Jii cɛma dugukolo kan mɔgɔw b'a ka sariya makɔnɔna.»

Matiyu 9:4

Yezu y'u kɔnɔna ta lɔn minkɛ, a ko: «Mun na miiriyajugu b'aw kɔnɔ ten?

Marika 3:3

Yezu y'a fɔ cɛɛ bolofaganin ye ko: «Wili ka na lɔ yan mɔgɔw bɛɛ ɲafɛ.»

Luka 13:12

Yezu y'a ye tuma min na, a y'a wele k'a fɔ a ye ko: «Muso, i kɛnɛyatɔ filɛ nin ye.»

Luka 5:22

Nga Yezu y'u ka miiriya lɔn k'a fɔ u ye ko: «Mun na aw be miiri ten?

Luka 6:9

O kɔ, Yezu y'a fɔ u ye ko: «Ne b'aw ɲininga, a daganin be ka koɲuman kɛ lafiɲɛlon na wa, walima ka kojugu kɛ? Ka mɔgɔ kisi wa, walima k'a faga?»

Yuhana 2:25

Ka mɔgɔw ka koo ɲafɔ a ye, a mako tun te o la, bari a be adamaden n'a kɔnɔnako bɛɛ lɔn.

Yuhana 21:17

O kɔ, a y'a fɔ a ye a siɲɛ sabanan na ko: «Zan dencɛ Simɔn, ne koo ka d'i ye wa?» Piyɛri hakili ɲagamina bari Yezu y'a ɲininga fɔɔ siɲɛ saba ko ale koo ka d'a ye wa. A y'a jaabi ko: «Matigi, e yɛrɛ be koo bɛɛ lɔn, e b'a lɔn ko e koo ka di ne ye.» Yezu y'a fɔ a ye ko: «Ne ka sagaw dɛndɛ.»

Yuhana 9:4

Tile be yen tuma min na, an ka kan ka n cibaga ka baara kɛ o waati la le. Yanni dɔɔni, ni suu kora, baara te se ka kɛ tugu.

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 26:26

Ne b'o koow fɔra masa min ye, a b'o lɔn, hali a kelen ma dogo a ma, n lanin b'o la. Bari o koow ma kɛ yɔrɔdogonin na.

Filipikaw 1:28

Aw kana sɔn aw juguw ka siranya bila aw la cogo si la. Ni aw jaa ma tigɛ fewu, u ben'a lɔn ko olu ta ye halakili ye, ani ko aw ta ye kisili ye min bɔra Ala fɛ.

Heburuw 4:13

O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

Piy fɔlɔ 4:1

Krista tɔɔrɔla minkɛ, aw fana ka kɛ n'o miiriya ye. Bari mɔgɔ min tɔɔrɔla, o tigi seen te hakɛ la tugu.

Yirari 2:23

N bena saya lase a deenw ma, o la Krista ka jama bɛɛ ben'a lɔn ko ne le be mɔgɔ bɛɛ kɔnɔnako n'u ka ŋaniyaw lɔn. N bena aw kelen kelen bɛɛ sara ka kɛɲɛ n'aw ka kɛwaliw ye.