Luka 5:6 - ALA KA KUMA

⁶ O la, u ye jɔɔ fili. U ka jɔɔ ye jigɛ caaman minɛ fɔɔ jɔɔ daminɛna ka faranfaran.

Jula NT of Côte d’Ivoire

⁶ Ayiwa, o ka jɔw firi minkɛ, o ka jɛgɛ camanba mina fɔ o ta jɔw ka kɛ tigɛtigɛ ye.

LAYIDUKURA

⁶ O la, u ye jɔɔ fili. U ka jɔɔ ye jigɛ caaman minɛ fɔɔ jɔɔw daminɛna ka faranfaran.

Luka 5:6 Iomraidhean Croise

Waajurikɛbaga 11:6

K'a ta sɔgɔma, i ka danni kɛ, i kana lafiɲɛ fɔɔ ka taga se wulafɛ ma. Bari, i ka baara min bena ɲa, i t'o lɔn. Nafa bena bɔ a bɛɛ la wa, i t'o lɔn.

Luka 5:7

U y'u bolo kɛ ka u tɔɲɔgɔnw wele kurun dɔ nin kɔnɔ ko u ka na u dɛmɛ. Olu tagara, u ye kurun fila nunu bɛɛ fa jigɛ la fɔɔ kurunw tun be ɲini ka jigi jii jukɔrɔ.

Kɛwalew 2:41

Olu lara Piyɛri ka kuma na o tuma na. U y'u batize. Minw farala kalandenw kan o loon na, u tun be mɔgɔ waa saba bɔ.

Kɛwalew 4:4

O bɛɛ n'a ta, mɔgɔ minw tun ye ciden fila nunu ka kuma lamɛn, olu caaman lara Yezu la. Dɔ farala kalandenw kan. Cɛɛw bɛɛ lajɛnnin tagara se mɔgɔ waa duuru ɲɔgɔn ma.

Kor fɔlɔ 15:58

O kosɔn, ne balima kanunlenw, aw ye jija kosɔbɛ, aw kana siran, aw ye taga ɲa Matigi ka baara la tuma bɛɛ, ka l'a la ko aw be baara min kɛra Matigi ye, k'o tena kɛ gwansan ye.

Galasikaw 6:9

An kana sigɛn koɲuman kɛli la, bari n'an ma dɛsɛ k'o dabila, an ben'a tɔnɔ sɔrɔ n'a waati sera tuma min na.