Luka 4:18 - ALA KA KUMA

¹⁸ «Matigi ka Nii be ne fɛ, bari a ye ne woloma ka kibaru diman fɔ fantanw ye. A ye ne ci ko n k'a fɔ jɔɔnw ye k'u bena hɔrɔnya, ko n k'a fɔ fiɲɛntɔw ye k'u ɲaa bena yɛlɛ, ko n ka mɔgɔtɔɔrɔninw bɔ u juguw bolo k'u bila,

Jula NT of Côte d’Ivoire

¹⁸ «Matigi Ala Nin* bɛ ne kan, sabu a ka ne ɲanawoloma ko ne ye na Kibaro Diman* fɔ fagantanw ye, ani ka kasodenw lablari ko fɔ, ka fiyentɔw ɲa yɛlɛko kibaro fɔ; ka mɔgɔ tɔɔrɔninw bɔ o tɔɔrɔbagaw boro,

LAYIDUKURA

¹⁸ “Matigi Ala Nii bɛ ne fɛ, bari a ye ne woloma ka kibaru diman fɔ faantanw ye. A ye ne ci ko n k'a fɔ jɔɔnw ye ko u bɛna hɔrɔnya, ko n k'a fɔ finyɛntɔw ye k'u nyaa bɛna yɛlɛ, ko n ka mɔgɔtɔɔrɔninw bɔ u juguw bolo k'u bila,

Luka 4:18 Iomraidhean Croise

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Lok 2nan 34:27

Ne Ala kumana yan yɔrɔ nin n'a kɔnɔ mɔgɔw kama ka min fɔ, i y'o mɛn tuma min na, i dusu kasira, i y'i yɛrɛ majigi ne ɲakɔrɔ. I y'i yɛrɛ majigi ne ɲakɔrɔ k'i ka faniw faran, ani ka kasi ne ɲakɔrɔ minkɛ, ne ye mɛnni kɛ. Ne Masaba le ko ten.

Zaburu 102:20

Ka Masaba to a ka yɔrɔ la, a ye filɛli kɛ. K'a to sankolo la, a ye yeli kɛ dugukolo kan.

Zaburu 147:3

A be dusukasininw jigi tugu k'u mandimiyɔrɔw furakɛ.

Zaburu 2:2

Masacɛw wilila, jamana ɲamɔgɔw y'u kaan bɛn ka Masaba n'a ka mɔgɔwolomanin kɛlɛ.

Zaburu 2:6

A ko: «Ne le ye n ka Masacɛ sigi masaya la *Siyɔn kulu kan, ne ka kulu senuman.»

Zaburu 34:18

A daan ye mɔgɔtilenninw ka kasi dɔrɔn, Masaba b'u kaan mɛn. A b'u kisi ka bɔ u ka dusukasi bɛɛ la.

Zaburu 45:7

Ala, e ka masaya be to seen kan kudayi! I ka masabere ye tilenninya ta ye.

Zaburu 51:17

Matigi, daa di ne ma janko ne ka se k'i tanu.

Ezayi 32:3

Minw be yeli kɛ, olu bena yeli kɛ ka ɲa. Minw be mɛnni kɛ, olu bena u tulo malɔ.

Ezayi 35:5

O tuma na, fiɲɛntɔw ɲaa bena yɛlɛ, tulogwerenw tulo bena mɛnni kɛ.

Ezayi 42:7

ka fiɲɛntɔw ɲaa yɛlɛ, ka kasodenw bɔ kaso la, ka mɔgɔ datuguninw bɔ dibi la.

Ezayi 45:13

Ne le ye Sirusi woloma n ka tilenninya kosɔn, ne ben'a ka siraw bɛɛ dakɛɲɛ. Ale lo bena n ka dugu lɔ kura ye, U tun ye ne ka mɔgɔ minw minɛ ka taga n'u ye, ale bena olu bila ka taga, hali u tena foyi sara, u tena boɲafɛn di.» Masaba, Setigi le ko ten.

Ezayi 49:9

Ne ben'a fɔ kasodenw ye k'u ka bɔ, k'a fɔ dibi kɔnɔ mɔgɔw ye k'u ka bɔ kɛnɛ kan! U bena kɛ i ko sagakulu min be dumuni kɛ siradaw la, ani kuluw kunna.

Ezayi 50:4

Matigi, Masaba ye ne dege kuma na, janko n ka se ka sigɛnbagatɔw jaa gwɛlɛya n'o kuma ye. Sɔgɔma o sɔgɔma, a be ne kunun, ka ne dɛmɛ ka mɛnni kɛ i ko kalanden.

Ezayi 57:15

Bari, min siginin be fɔɔ sanfɛ, fɛɛn bɛɛ sanfɛ, ale min be yen tuma bɛɛ, ale min tɔgɔ ko Senuman, ale lo ko: Ne sigiyɔrɔ be fɔɔ sanfɛ, yɔrɔ senuman na. O bɛɛ n'a ta, ne be ni nimisabaga ye, min majiginin be, waasa ka barika don a la k'a jaa gwɛlɛya.

Ezayi 59:21

Masaba ko: «Ne be layidu min ta aw ye, o filɛ: Ne ye n Nii min d'aw ma, ne ye n ka kuma min don aw daa la, aw tena o fɔ dabila fewu, aw deenw tena o fɔ dabila, aw deenw ka deenw tena o fɔ dabila fana, kabini sisan fɔɔ tuma bɛɛ.» Masaba le ko ten.

Ezayi 61:1

Matigi, Masaba ka Nii be ne fɛ. Bari, a ye ne woloma ka n ci ka kibaru diman fɔ fantanw ye, ka mɔgɔ dusukasininw dusu saalo, ka hɔrɔnya wango la mɔgɔw ye minw minɛna ka taga, ka kasodenw bilako wango la.

Ezayi 66:2

Ne le y'o fɛɛn nunu bɛɛ dan, o bɛɛ ye ne bulonɔ ye. Ne Masaba le ko ten. Mɔgɔ min b'a yɛrɛ majigi, mɔgɔ min dusu b'a jalaki, mɔgɔ min be siran ne ɲa ka sɔn n ka kuma ma, ne b'o tigi le filɛ.

Ezekiyɛli 9:4

k'a fɔ a ye ko: «Taga Zeruzalɛmu dugu yaala. Mɔgɔ minw dusu kasinin lo, n'u be kasira kokolonw bɛɛ kosɔn minw be kɛra dugu kɔnɔ, i ka taamasiɲɛ la olu teen na.»

Daniyɛli 9:24

«Saan bi wolonwula sigiyɔrɔman wolonwula latigɛra i ka siya, ni dugu senuman kosɔn, a be min kɔnɔ, janko juguya ka ban, hakɛ ka dabila. Fili minw kɛra, olu ka lalaga, tilenninya ka kɛ tuma bɛɛ koo ye, janko koo min yera yelifɛnw na, o ka kɛ, ani min fɔra kirayakuma na, ani Alabatoso ka sɔrɔ ka kalifa Ala ma tugu.

Sofoni 3:12

Mɔgɔ minw majiginin lo ani see t'u ye, ne bena olu to dugu kɔnɔ. Minw ye ne Masaba kɛ u tangabaga ye.

Jakariya 11:11

A cɛnna o loon na, begɛnfeerebaga minw tun be ne kɔlɔsira, olu y'a lɔn o le fɛ ko Masaba ka kuma tun lo.

Matiyu 11:5

ko fiɲɛntɔw be yeli kɛra, murukuw be taamana, farisogobanatigiw be kɛnɛyara, tulogwerenw be mɛnni kɛra, suuw be kununna, kibaru diman be fɔra fantanw ye.

Matiyu 12:18

«Ne ye baarakɛla min woloma, o filɛ nin ye. Ne b'a kanu, a diyara ne ye k'a woloma. Ne bena n ka Nii don a la, a bena tilenninyako fɔ siyaw ye.

Matiyu 12:20

A tena buruku fɔnsɔnnin tigɛ, fitinɛ min be sisi bɔra, a tena o tɔɔ faga. A bena to o la fɔɔ k'a kɛ tilenninya be see sɔrɔ.

Matiyu 4:16

jama min siginin be dibi la, yeelenba bɔra u ye. Minw siginin be dibiba la, yeelen bɔra u ye.»

Matiyu 5:3

«Mɔgɔ minw b'a lɔn k'u mako be Ala la, olu dagamunin lo, bari *sankolo masaya ye u ta ye.

Luka 4:17

Kira Ezayi ye kitabu min sɛbɛn, o dira a ma. A y'a dayɛlɛ ka yɔrɔ dɔ kalan. A sɛbɛnnin be yen ko:

Luka 6:20

O tuma na, Yezu y'a ka kalandenw filɛ, k'a fɔ ko: «Aw minw ye fantanw ye, aw dagamunin lo, bari Ala ka masaya y'aw ta ye.

Luka 7:22

O kɔ, a ye cidenw jaabi ko: «Aw ye min ye, ani aw ye min mɛn, aw ye taga o lakali Zan ye, ko fiɲɛntɔw be yeli kɛra, murukuw be taama, farisogobanatigiw be kɛnɛyara, tulogwerenw be mɛnni kɛra, suuw be kununna, kibaru diman be fɔra fantanw ye.

Yuhana 1:41

A sinna ka taga fɔ a kɔrɔcɛ Simɔn ye ko: «Anw ye Krista ye», o kɔrɔ ko Ala ka Mɔgɔ wolomanin nin.

Yuhana 12:46

Ne nana diɲɛ na i n'a fɔ yeelen, janko mɔgɔ o mɔgɔ lara ne la, o tigi kana to dibi la.

Yuhana 3:34

Ala ye mɔgɔ min ci, o tigi be Ala ka kuma yɛrɛ le fɔ bari Ala be Nii Senuman d'a ma, daan te min dili la.

Kɛwalew 10:38

Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Kɛwalew 26:18

k'u ɲaa yɛlɛ u ka dibidibikow dabila, k'u sama ka bɔ Sutana bolo k'u ɲasin Ala ma. N'u lara ne la, u ka hakɛw bena yafa, u bena sigiyɔrɔ sɔrɔ Ala ka mɔgɔw cɛma.›

Kɛwalew 4:26

Masacɛw wilila, jamana ɲamɔgɔw y'u kaan bɛn, ka Matigi n'a ka Mɔgɔwolomanin kɛlɛ.›

Kɛwalew 4:27

Tiɲɛ na, Pɔnsi Pilati, ni *Erɔdi, ni Isirayɛli jama ani siya wɛrɛw ye ɲɔgɔn lajɛn dugu nin kɔnɔ i ka baarakɛla senuman Yezu kama i ye min kɛ diɲɛ kisibaga ye.

Kɔlɔsikaw 1:13

A y'an tila ka bɔ dibi ka fanga bolo, ani k'an don a Deen ka masaya la, deen min koo ka di a ye kosɔbɛ.

Yakuba 2:5

N badenw, aw minw koo ka di ne ye, aw ye mɛnni kɛ, minw be jati fantanw ye diɲɛ kɔnɔ, Ala m'u woloma k'u kɛ fɛntigiw ye lanaya la, ani k'u ladon a ka masaya la wa? A tun y'a daa di a kanubagaw ma min la.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.