Luka 3:8 - ALA KA KUMA

⁸ Aw ka kɛwaliɲumanw kɛ k'a yira ko aw nimisara ka faran aw ka kojuguw la. Aw kana miiri ko Ala bena aw kisi bari Ibrayima ye aw faa ye. Ne b'a fɔ aw ye ko Ala be se ka kabakuru nunu yɛlɛma k'u kɛ Ibrayima deenw ye.

Jula NT of Côte d’Ivoire

⁸ Aw ta kɛwalew le ka kan k’a yira ko can ra aw jusukun yɛlɛmana; aw kana a miiri dɔrɔn k’a fɔ ko: ‹Anw le ye Iburahima ta durujaw ye!› Sabu ni duruja ko lo, ne b’a fɔ aw ye ko Ala bɛ se ka hali nin kabakuruw yɛlɛma ka o kɛ Iburahima ta durujaw ye.

LAYIDUKURA

⁸ O tuma na, yiri minw bɛ dennyuman kɛ, aw ka kɛ i n'a fɔ olu. Aw ka kɛwalinyumanw kɛ k'a yira ko aw nimisara ka faran aw ka kojuguw la. Aw kan'a fɔ aw yɛrɛ kɔnɔ ko Ala bɛna aw kisi bari Ibrayima ye aw faa ye. Ne b'a fɔ aw ye ko Ala bɛ se ka kabakuru nunu yɛlɛma k'u kɛ Ibrayima deenw ye.

Luka 3:8 Iomraidhean Croise

Nehemi 5:11

Bii yɛrɛ aw ye fɛɛn minw minɛ u fɛ, aw k'o segi u ma, u ka ɛrɛzɛnforo ni olivuforow n'u ka foro tɔw, n'u ka soow. Aw ye wari ni dumuni, ani duvɛnkɛnɛ ni tulu minw minɛ u fɛ k'o kɛ aw ka tɔnɔ ye, aw ka olu fana kɔsegi u ma.»

Ezekiyɛli 33:24

«Adamaden, mɔgɔ minw siginin be tomo nin na Isirayɛli jamana na, olu b'a fɔra ko: ‹Ibrayima kelen tun lo, o bɛɛ n'a ta, a ye jamana nin tigiya kɛ. Anw ka ca, jamana nin dira anw ma!›

Matiyu 21:43

Yezu y'a fɔ u ye tugu ko: «Ne b'a fɔ aw ye k'o cogo kelen la, Ala ka masaya bena bɔsi aw la, ka di siya wɛrɛw ma. Olu bena kɛwaliɲuman kɛ. [

Matiyu 3:8

Aw ka kɛwaliɲumanw kɛ k'a yira ko aw nimisara ka faran aw ka kojuguw la.

Matiyu 3:9

Aw kana miiri ko Ala bena aw kisi bari Ibrayima ye aw faa ye. Ne b'a fɔ aw ye ko Ala be se ka kabakuru nunu yɛlɛma k'u kɛ Ibrayima deenw ye.

Luka 13:25

«Ni sotigi wilila ka daa sɔgɔ tuma min na k'aw to kɛnɛma, aw ben'a daminɛ ka daa kɔkɔ k'a fɔ ko: ‹Matigi, daa yɛlɛ an ye.› A bena aw jaabi ko a t'aw bɔyɔrɔ lɔn.

Luka 13:26

«O tuma na, aw ben'a fɔ a ye ko aw ye dumuni kɛ n'a ye, ko a y'aw kalan aw ka dugu forobayɔrɔw la.

Luka 14:9

Mɔgɔ min y'aw fila bɛɛ wele, ni ale nana k'a fɔ i ye ko i ka wili ka sigiyɔrɔ nin d'a ma, o tuma na, i bena wili ni maloya ye, ka taga sigi mɔgɔ bɛɛ kɔfɛ.

Luka 19:40

Yezu y'u jaabi ko: «Ne b'a fɔ aw ye ko hali n'u jera, kabakuruw bena mankan kɛ.»

Luka 19:9

O la, Yezu ko: «Kisili sera soo nin kɔnɔ bii, bari ale fana ye Ibrayima ka deen dɔ ye.

Luka 5:21

Sariya karamɔgɔw ni Fariziɲɛw y'a daminɛ ka miiri ko: «Nin ye jɔn ye n'a be Ala tɔgɔ cɛn ten? Jɔn le be se ka mɔgɔ ka hakɛw yafa a ma ni Ala kelen tɛ?»

Yuhana 8:33

U y'a jaabi ko: «Anw ye Ibrayima deenw ye. An ma deli ka kɛ mɔgɔ si ka jɔɔn ye. I be se k'a fɔ cogo di ko an bena kɛ hɔrɔnw ye?»

Yuhana 8:39

U y'a jaabi ko: «Anw faa ye Ibrayima le ye.» Yezu y'a fɔ u ye ko: «N'aw faa ye Ibrayima ye, aw k'a ka kɛwaliw ɲɔgɔn kɛ.

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Rɔmukaw 4:16

Ayiwa, Ala y'a daa di koo min na, o be sɔrɔ jigi le barika la, janko o ka kɛ nɛɛmako ye, Ibrayima kɔmɔgɔw bɛɛ ka se k'u niyɔrɔ sɔrɔ o la. Mɔgɔ minw be sariya bato, olu dama ka koo tɛ, nga mɔgɔ minw b'u jigi la Ala kan i n'a fɔ an bɛɛ faa Ibrayima, olu fana ta lo.

Rɔmukaw 9:7

Siya min bɔra Ibrayima la, olu bɛɛ ma wele ko a deenw, bari Ala tun y'a fɔ a ye ko: «Isiyaka le kɔmɔgɔw bena wele i deenw.»

Filipikaw 1:11

ani janko aw ka kɛwaliɲuman kɛ sɛbɛ la, min see be sɔrɔ Krista barika la, waasa boɲa ni tanuli ka kɛ Ala ye.