Luka 3:16 - ALA KA KUMA

¹⁶ O la, Zan y'a fɔ u bɛɛ ye ko: «Ne b'aw batize ni jii ye, nga min bena na ne kɔ, o ka sebagaya ka bon ni ne ta ye. K'a ka sanbara juru foni, ne kuun ka dɔgɔ o ma. Ale bena aw batize ni Nii Senuman ni tasuma ye.

Jula NT of Côte d’Ivoire

¹⁶ O kosɔn Yuhana ka o jaabi k’a fɔ o bɛɛ ye ko: «Ne kɔni bɛ aw batizera ji le ra dɔrɔn; nka min bɛna na, o fanga ka bon ni ne ta ye. Hali ne tɛ se k’a fɔ ko ne bɛ a ta sanbara juru foni ka bɔ a sen na. Ale le bɛna aw batize ni Nin Saninman* ye, ani tasuma.

LAYIDUKURA

¹⁶ O la, Zan y'a fɔ u bɛɛ ye ko: “Ne b'aw batize ni jii ye, nga min bɛna na ne kɔ, o ka sebagaya ka bon ni ne ta ye. K'a ka sanbara juru foni, ne kuun ka dɔgɔ o ma. Ale bɛna aw batize ni Nii Senuman ni tasuma ye.

Luka 3:16 Iomraidhean Croise

Zanaw 1:23

Aw ye sɔn ne ka ladiliw ma. O la, ne bena n ka hakilitigiya di aw ma, aw bena ne ka kuma faamu.

Ezayi 32:15

Fɔɔ Ala Nii ka di aw ma ka bɔ sankolo la. O tuma na, kongokolon bena kɛ yiriforo ye, yiriforo bena kɛ tuu ye.

Ezayi 4:4

Ni Matigi ye Siyɔn musow ko ka bɔ u ka nɔgɔ la tuma min na, ka joli bɔnnin ko k'a fiyɛ ka bɔ Zeruzalɛmu kɔnɔ kiti ni tasuma barika la,

Ezekiyɛli 36:25

«Ne bena jiɲuman seriseri aw kan, aw bena saniya. Ne bena aw saniya ka bɔ aw ka nɔgɔtɔya koow n'aw ka josɔnko bɛɛ la.

Jakariya 13:9

O tilan kelen nin, n bena o don tasuma kɔnɔ. U be warigwɛ yelen k'a nɔgɔ bɔ cogo min na, ne bena u kɛ ten. Sanu be sɛgɛsɛgɛ cogo min na, ne bena u ka koo sɛgɛsɛgɛ ten. U bena ne wele, ne bena u jaabi. Ne bena u wele ko: ‹Ne ka mɔgɔw.› Olu ben'a fɔ ko: ‹Masaba le ye an ka Ala ye.› »

Matiyu 3:11

«Ne b'aw batize ni jii ye k'a yira ko aw nimisara ka faran aw ka kojuguw la. Nga, min bena na ne kɔ, o ka sebagaya ka bon ni ne ta ye. K'a ka sanbara bɔ a seen na, ne kuun ka dɔgɔ o ma. Ale bena aw batize ni Nii Senuman ni tasuma ye.

Matiyu 3:12

A ka sumanfiyɛminan b'a bolo. A ben'a ka *bile gosinin fiyɛ k'a kisɛ don a ka bondo kɔnɔ k'a ɲaga jɛni tasuma fagabali la.»

Yuhana 1:26

A y'u jaabi ko: «Ne kɔni be mɔgɔw batize jii la. Nga mɔgɔ dɔ b'aw cɛma, aw t'ale lɔn,

Yuhana 1:27

ale be na ne kɔ, ne ka dɔgɔ k'a ka sanbara juru foni.»

Yuhana 1:33

Ne tun t'a lɔn, nga min ye ne ci ka na mɔgɔw batize jii la, ale y'a fɔ n ye ko ni ne ye Nii Senuman jigitɔ ye ka sigi min kan, k'o tigi lo bena mɔgɔw batize ni Nii Senuman ye.

Yuhana 7:38

Ni mɔgɔ min lara ne la, o tigi bena kɛ jiɲuman buyiyɔrɔ ye i ko a fɔra Ala ka kuma na cogo min na.»

Kɛwalew 1:5

Zan ye mɔgɔw batize ni jii ye, nga yanni tile damani, aw bena batize ni Nii Senuman ye.»

Kɛwalew 10:44

Ka Piyɛri to kuma na, Nii Senuman jigira a ka kuma lamɛnbagaw bɛɛ kan.

Kɛwalew 2:33

A y'a wele k'a sigi a yɛrɛ kɔrɔ masaya la. A tun y'a daa di ko a bena Nii Senuman di. A y'o sɔrɔ a Faa fɛ k'o di anw ma. Aw b'o le ka sebagaya kuma mɛnna, ani k'a ka seko ye.

Kor fɔlɔ 12:13

bari an bɛɛ batizera Nii Senuman kelen le barika la, an ka se ka kɛ farikolo kelen ye, k'a ta zuwifu ma wo, walima siya wɛrɛ, jɔɔn, walima hɔrɔn, o Nii Senuman kelen lo be an bɛɛ la.