Luka 23:2 - ALA KA KUMA

² U y'a daminɛ ka Yezu jalaki ko: «An y'a ye ko cɛɛ nin b'an ka siya kunnacɛnna. A b'u bali ka lɛnpo sara Ɔrɔmu masacɛ ma. A ko ale ye Ala ka Mɔgɔ wolomanin nin ye, ko ale ye masa ye.»

Jula NT of Côte d’Ivoire

² O sera Pilati fɛ minkɛ, o ka kɛ Yesu jaraki ye, ko: «An k’a kɔrɔsi k’a ye ko nin cɛ bɛ an ta jamana mɔgɔw kɔnɔnɔsura, ka o lamuruti, ka o bari ka ninsɔngɔ sara masacɛba Sezari ma; a ko fana, ko ale ye Kisibaga* ye, ko ale ye masacɛ ye.»

LAYIDUKURA

² U y'a daminɛ ka Yezu jalaki ko: “An y'a ye ko cɛɛ nin b'an ka siya kuun cɛnna. A b'u bali ka nisɔngɔ sara Ɔrɔmu masacɛ ye. A ko ale ye Ala ka Mɔgɔwolomanin nin ye, o kɔrɔ ko ale ye masa ye.”

Luka 23:2 Iomraidhean Croise

Mas fɔlɔ 18:17

A y'a ye dɔrɔn, a y'a fɔ a ye ko: «Isirayɛlidenw sɛgɛnbaga, ele yɛrɛ lo wa?»

Zaburu 35:11

Seerejuguw be wili, u be ne ɲininga koo la ne te minw kala ma.

Zaburu 62:4

Aw bena jɛn ka to mɔgɔ kelen le kan wa? Aw b'a halakiyɔrɔ le ɲinina, i ko u be jɛn kogo jɛngɛnin kan k'a ci cogo min na, walima luu kogo min be cɛnna.

Yeremi 20:10

Mɔgɔ caaman be ŋunuŋununa, ne b'o mɛnna. U ko: «Jatigɛ be yɔrɔ bɛɛ! Aw y'a koo fɔ, an ben'a koo fɔ!» Ne ni mɔgɔ minw tun bɛnnin lo, olu bɛɛ be ne dɛndɛna k'a filɛ ni ne bena fili. U ko: «N'a sɔrɔ, a ben'a to an b'a sɔrɔ cɔ! An bena s'a kɔrɔ k'an dimi bɔ a la!»

Yeremi 38:4

Ɲamɔgɔ nunu y'a fɔ masacɛ ye ko: «Fɔɔ cɛɛ nin ka faga le, bari kɛlɛden tɔɔ minw tora dugu kɔnɔ, a be olu ni jama bɛɛ fari fagara. Cɛɛ nin te siya nin ka hɛrɛ fɛ fɔɔ a ka halaki.»

Amɔsi 7:10

Sarakalasebagaw ɲamɔgɔ min tun be Betɛli dugu kɔnɔ, n'o ye Amaziyasi ye, ale ye mɔgɔ ci ka ta'a fɔ Isirayɛli masacɛ Zerobowamu ye ko: «Amɔsi b'a fɛ ka janfa siri i la Isirayɛlidenw cɛma dɛ! Jamanadenw te sera k'a ka kuma muɲu tugu dɛ! Bari a b'a fɔra ko:

Jakariya 11:8

O kɔ, ne ye dɛndɛbaga mɔgɔ saba gwɛn kalo kelen kɔnɔ. Sagaw nigɛ tun bɔra ne la, ne fana nigɛ bɔra u la.

Matiyu 17:27

Nga waasa miiriyajugu kana don mɔgɔ nunu kuun na, o kama, i ka dulen ta ka taga baa la k'a fili yen. N'i kɔnna ka jigɛ min minɛ, i k'a daa yɛlɛ ka filɛ yen. I bena wari sɔrɔ yen min be i ka bolomafara ni ne ta bɔ. I ka taga o di.»

Matiyu 22:21

U y'a jaabi ko: «Masacɛ ta lo.» O kɔ, Yezu y'a fɔ u ye ko: «Fɛɛn min ye masacɛ ta ye, aw k'o di masacɛ ma, ka Ala ta di Ala ma.»

Matiyu 27:11

Yezu lɔra masacɛ ka lasigiden ɲafɛ. Lasigiden y'a ɲininga ko: «I ye zuwifuw ka masacɛ ye wa?» Yezu y'a jaabi ko: «E ko ten.»

Marika 12:17

O tuma na, Yezu y'a fɔ u ye ko: «Fɛɛn min ye masacɛ ta ye, aw k'o di masacɛ ma, ka Ala ta di Ala ma.» O kuma nin y'u kabakoya kosɔbɛ.

Marika 15:2

Pilati y'a ɲininga ko: «I ye zuwifuw ka masacɛ ye wa?» Yezu y'a jaabi ko: «I yɛrɛ y'a fɔ.»

Luka 23:14

k'a fɔ u ye ko: «Aw le nana ni cɛɛ nin ye k'a fɔ ne ye ko a be mɔgɔw kunnacɛn. Ayiwa, ne y'a ɲininga aw ɲana. Aw ye koo minw fɔ k'olu y'a jalakikun ye, ne y'a ye ko jalakita tɛ.

Luka 23:5

Nga u segira k'a fɔ ko: «A be mɔgɔw kalan an ka jamana yɔrɔ bɛɛ la. O le b'a to mɔgɔw be muruti. A y'a daminɛ Galile mara la fɔɔ ka na se yan Zude mara la.»

Yuhana 18:29

Pilati bɔra ka taga u fɛ k'u ɲininga ko: «Aw be cɛɛ nin jalaki mun le kama?»

Yuhana 18:30

U ye Pilati jaabi ko: «N'a tun te kojugukɛla ye, an tun ten'a minɛ ka na n'a ye e fɛ.»

Yuhana 19:12

Pilati y'o kuma mɛn dɔrɔn, a tun be cogo ɲinina ka Yezu labila, nga zuwifuw tora ka pɛrɛn ko: «N'i y'a bila, i te Ɔrɔmu masacɛ teri ye tugu. Bari mɔgɔ min b'a yɛrɛ kɛ masa ye, o tigi be wili masacɛ le kama.»

Kɛwalew 24:13

Mɔgɔ nunu ko ne ye min kɛ, fɛɛn min b'a yira ko tiɲɛ lo, u k'o fɔ.

Kɛwalew 24:5

«Ayiwa, an y'a ye ko cɛɛ nin kɛra i n'a fɔ fɔɲɔbana. A be zuwifuw kuun gosi ɲɔgɔn na diɲɛ faan bɛɛ la. Nazarɛtika ka dinakura ɲamɔgɔ dɔ lo.

Rɔmukaw 13:7

Fɛɛn min ka kan ka di mɔgɔ min ma, aw k'o di o tigi ma, nisara, ni wusuru ka kan ka di min ma, o ka di o tigi ma. Aw ka kan ka siran mɔgɔ min ɲa, aw ka siran o tigi ɲa, min ka kan ni boɲa ye, aw k'o boɲa.