Luka 2:41 - ALA KA KUMA

⁴¹ Yezu wolobagaw tun be to ka taga *Hɔrɔnya ɲanagwɛ la Zeruzalɛmu saan o saan.

Jula NT of Côte d’Ivoire

⁴¹ Yesu worobagaw tun bɛ taga Zeruzalɛmu san o san, ka taga Jɔnyaban ɲanagbɛ kɛ.

LAYIDUKURA

⁴¹ Yezu wolobagaw tun bɛ to ka taa Hɔrɔnya nyanagwɛ la Zeruzalɛmu saan o saan.

Luka 2:41 Iomraidhean Croise

Bɔri 12:11

Aw ka kan k'o dumu cogo min na, o filɛ nin ye: aw k'aw cɛɛ siri k'aw ka sanbaraw don k'aw ka bere minɛ aw bolo. Aw k'a dumu teliya la. O ye Masaba ka *Hɔrɔnya loon ye.

Bɔri 12:14

Aw ka kan k'aw hakili to o loon nin koo la, k'a kɛ landa ye, a ɲanagwɛ ka to ka kɛ tuma bɛɛ aw kɔmɔgɔw cɛma.

Bɔri 34:23

«Aw ka cɛdenw bɛɛ bena na ne Matigi, Masaba, Isirayɛli ka Ala ɲakɔrɔ, siɲɛ saba saan o saan.

Sarakalasebagaw 23:5

«Saan kalo fɔlɔ, tile tan ni naaninan loon tile bentuma na, *Hɔrɔnya ɲanagwɛ min be kɛ ka ne Masaba boɲa, o be daminɛ.

Jateri 28:16

«Saan kalo fɔlɔ tile tan ni naaninan loon, aw ka *Hɔrɔnya ɲanagwɛ kɛ ka ne Masaba bato.

Luka 2:42

Yezu ye saan tan ni fila sɔrɔ tuma min na, u bɛɛ tagara ɲɔgɔn fɛ Zeruzalɛmu ka kɛɲɛ ni ɲanagwɛ landa ye.

Yuhana 11:55

O waati la, zuwifuw ka *Hɔrɔnya ɲanagwɛ loon tun sera ka ban. A tɔɔ tun tora tile damani, mɔgɔ caaman tun be bɔ dugudenninw na ka na Zeruzalɛmu janko k'u yɛrɛ saniya ka kɛɲɛ n'u ka landa ye.

Yuhana 13:1

*Hɔrɔnya ɲanagwɛ tun ma se fɔlɔ, Yezu tun y'a lɔn ko ale ka bɔwaati sera diɲɛ na ka ta'a Faa fɛ. A ka mɔgɔ minw tun be diɲɛ na, olu koo tun ka d'a ye, a y'u kanu fɔɔ ka taga se a daan na.

Yuhana 2:13

Zuwifuw ka *Hɔrɔnya ɲanagwɛ tun surunyana, Yezu tagara Zeruzalɛmu.

Yuhana 6:4

O y'a sɔrɔ *Hɔrɔnya ɲanagwɛ tun surunyana, min ye zuwifuw ka ɲanagwɛ ye.

Sariya 12:11

Masaba aw ka Ala bena yɔrɔ min woloma k'a kɛ a sigiyɔrɔ ye, ne be fɛɛn minw bɛɛ fɔra aw ye, aw bena taga n'u ye o yɔrɔ la: Aw ka saraka jɛnitaw, ni saraka wɛrɛw, n'aw ka jakaw, n'aw ka boɲafɛnw, n'aw ka dajuru sarataw.

Sariya 12:18

Nga Masaba aw ka Ala bena yɔrɔ min woloma, aw k'u dumu a ɲakɔrɔ o yɔrɔ la, aw n'aw dencɛw n'aw denmusow, n'aw ka baaradenw, a cɛman fara musomanw kan, ani Levi kɔmɔgɔ minw b'aw ka duguw la. Aw ka nisɔndiya Masaba aw ka Ala ɲakɔrɔ aw ka kokɛtaw bɛɛ kosɔn.

Sariya 16:16

«Saan o saan, cɛɛ bɛɛ ka kan ka taga u yɛrɛ yira siɲɛ saba Masaba aw ka Ala ɲakɔrɔ a ka yɔrɔ wolomanin na: *Buru funubali ɲanagwɛ tuma na, ani Sumanladon ɲanagwɛ, ani Gwatakɔrɔsigi ta tuma na. U kana taga Masaba ɲakɔrɔ u bololakolon.

Sam fɔlɔ 1:21

O kɔ, a cɛɛ Ɛlikana tagara Silo n'a ka somɔgɔw bɛɛ ye janko ka saan o saan saraka bɔ Masaba ye, ani k'a ka dajuru sara.

Sam fɔlɔ 1:3

Saan o saan, cɛɛ nin tun be to ka bɔ a ka dugu la, ka taga Silo ka saraka bɔ Masaba, Setigi ye. Eli ka deen fila Ofini ni Pinasi le tun ye Masaba ka sarakalasebagaw ye o yɔrɔ la.