Luka 2:4 - ALA KA KUMA

⁴ Yusufu fana bɔra Nazarɛti, Galile mara la, ka taga Zude mara dugu dɔ la min tɔgɔ ko Bɛtilehɛmu, o ye masacɛ Dawuda ka dugu ye, bari a buruju tun bɔra Dawuda la.

Jula NT of Côte d’Ivoire

⁴ O ra, Yusufu fana bɔra Nazarɛti, Galile mara ra, ka taga Zude mara ra, Dawuda ta dugu ra, min bɛ wele ko Bɛtilɛhɛmu, sabu ale tun ye Dawuda ta gbamɔgɔ dɔ le ye.

LAYIDUKURA

⁴ Yusufu fana bɔra Nazarɛti, Galile mara la, ka taa Zude mara dugu dɔ la min tɔgɔ ko Bɛtilehɛmu, n'o ye masacɛ Dawuda ka dugu ye, bari a buruju tun bɔra Dawuda la.

Luka 2:4 Iomraidhean Croise

Damina 35:19

Arasɛli sara, u y'a suu don Efarata sira daa la, dugu min be wele fana ko Bɛtilehɛmu.

Damina 48:7

Ne kɔsegitɔ ka bɔ Mezopotami jamana na, dusukasi ye ne sɔrɔ. Arasɛli sara sira la Kanaan jamana na, yɔrɔ dɔ la Efarata gɛrɛfɛ. Ne y'a suu don Efarata sira daa la yen.» Efarata le be wele bii ko Bɛtilehɛmu.

Mise 5:2

O kama, Ala ben'a ka mɔgɔw bila a bolo kɔfɛ fɔɔ tuma min na, muso min ka kan ka deen wolo, ale ka deen sɔrɔ. O tuma na, a badenw tɔɔ min bena to sii la, olu bena kɔsegi ka na fara Isirayɛliden tɔw kan.

Matiyu 1:20

K'a to o miiriya la, Matigi ka mɛlɛkɛ dɔ y'a yɛrɛ yira a la siko la k'a fɔ a ye ko: «Dawuda deen Yusufu, i kana siran ka Mariyamu furu, bari a ye kɔnɔ ta Nii Senuman barika la.

Matiyu 2:23

ka taga sigi dugu dɔ la, min tɔgɔ ko Nazarɛti. O kɛra ten janko kiraw tun ye min fɔ, o ka dafa. U tun ko: «U ben'a wele ko Nazarɛtika.»

Luka 2:3

Mɔgɔw bɛɛ tagara u ka dugu la waasa u tɔgɔ ka sɛbɛn yen.

Luka 2:5

A tagara yen n'a maminɛmuso Mariyamu ye, waasa u tɔgɔ ka sɛbɛn yen. Mariyamu kɔnɔman tun lo.

Luka 4:16

Yezu tagara Nazarɛti a mɔna dugu min na. Lafiɲɛlon, a donna kalanso kɔnɔ i n'a fɔ a tun be to k'a kɛ cogo min na. A wilila waasa ka kitabu kalan.

Yuhana 1:46

Natanayɛli ko: «Ka bɔ Nazarɛti? Fɛnɲuman be se ka bɔ Nazarɛti wa?» Filipu y'a jaabi ko: «E ka na sa, e ben'a ye.»

Yuhana 7:42

A ma fɔ Ala ka kuma na ko Ala ka Mɔgɔ wolomanin buruju bena bɔ masacɛ Dawuda la wa? N'o ka dugu ye Bɛtilehɛmu ye.»

Ruti 1:19

U ye sira minɛ ɲɔgɔn fɛ ka taga Bɛtilehɛmu. U sera yen tuma min na, dugu mɔgɔw bɛɛ kabakoyara u kosɔn, musow tun b'a fɔra ko: «Nin te Nawomi ye wa?»

Ruti 2:4

Boozi bɔra dugu kɔnɔ ka na foro kɔnɔ, a y'a ka sumantigɛbagaw fo ko: «Masaba k'aw dɛmɛ.» U y'a jaabi ko: «Masaba ka barika don e fana na.»

Ruti 4:11

Jama ni cɛkɔrɔba minw tun be daa la, olu bɛɛ y'a fɔ ko: «An y'e seerew ye. Muso nin min be donna i ka soo, Masaba k'a kɛ i n'a fɔ Arasɛli ni Leya, minw ye Isirayɛli ka soo sii ye! E ka kɛ mɔgɔbaba ye Efarata ka sokala la, i tɔgɔ ka bɔ Bɛtilehɛmu!

Ruti 4:17

Nawomi tɔɲɔgɔnw ko dencɛ sɔrɔla Nawomi ye! U y'a tɔgɔ la ko Obɛdi. Ale lo ye Zese facɛ ye, Zese fana ye Dawuda facɛ ye.

Sam fɔlɔ 16:1

Masaba y'a fɔ Samuyɛli ye ko: «I bena to ka kasi Sayuli kosɔn fɔɔ tuma jumɛn? Ne bann'a la, a te se ka kɛ masacɛ ye Isirayɛlidenw kunna tugu. Wili k'i ka gɔɔn fa tulu la ka taga. Ne b'i ci Zese fɛ ka bɔ Bɛtilehɛmu, bari ne ye masacɛ woloma a deenw cɛma.»

Sam fɔlɔ 16:4

Masaba ye fɛɛn min fɔ, Samuyɛli y'o kɛ. A tagara Bɛtilehɛmu. Dugu cɛkɔrɔbaw sirantɔ y'a kunbɛn, fɔɔ u be yɛrɛyɛrɛ. U y'a ɲininga ko kɔni a ka di dɛ.

Sam fɔlɔ 17:12

Dawuda tun ye Efaratika deen ye ka bɔ Bɛtilehɛmu, Zuda mara la, a tɔgɔ tun ko Zese. Dencɛ seegi tun b'a fɛ. Sayuli ka waati la, a tun kɛra cɛkɔrɔba ye kosɔbɛ.

Sam fɔlɔ 17:58

Sayuli ye Dawuda ɲininga ko: «N deen, e ye joon ka deen ye?» Dawuda y'a jaabi ko ale ye a ka baaraden Zese deen ye ka bɔ Bɛtilehɛmu.

Sam fɔlɔ 20:6

N'i facɛ y'a ye ko n te yen, i b'a fɔ ko ne y'i daali kosɔbɛ ko i ka sira di n be boli ka taga n ka dugu la Bɛtilehɛmu, bari n ka fadenyabolo mɔgɔw bɛɛ bena sanyɛlɛma saraka dɔ bɔ.