Luka 2:13 - ALA KA KUMA

¹³ O yɔrɔnin bɛɛ, mɛlɛkɛ caaman bɔra sankolo la ka na fara mɛlɛkɛ dɔ nin kan. U tun be Ala tanu ko:

Jula NT of Côte d’Ivoire

¹³ O yɔrɔnin bɛɛ ra, mɛlɛkɛ camanba barara ka bɔ sankolo ra ka na fara mɛlɛkɛ fɔlɔ kan. O ka kɛ Ala tando ye k’a fɔ ko:

LAYIDUKURA

¹³ O yɔrɔnin bɛ, mɛlɛkɛ caaman dɔ bɔra sankolo la ka na fara mɛlɛkɛ dɔ nin kan. U tun bɛ Ala tando ko:

Luka 2:13 Iomraidhean Croise

Damina 28:12

A sikora ka yɛlɛyɛlɛnan dɔ ye min juu tun be dugukolo kan, a kuun tagara sɛmɛ sankolo la. A ye Ala ka mɛlɛkɛw yɛlɛtɔ n'u jigitɔ ye o kan.

Mas fɔlɔ 22:19

Mise y'a fɔ a ye tugu ko: «Masaba ka kuma mɛn sa! Ne ye Masaba siginin ye a ka masasigilan kan, sankolo kɔnɔ. A ka kɛlɛbolo bɛɛ lɔnin be k'a lamini, dɔ b'a kinibolo fɛ, dɔ b'a numanbolo fɛ.

Ayuba 38:7

O waati la, dugugwɛda lolow tun b'a la ka dɔnkili la, mɛlɛkɛw bɛɛ tun b'a la ka nisɔndiya, ka pɛrɛn.

Zaburu 148:2

Aw k'a tanu, a ka mɛlɛkɛw bɛɛ, aw k'a tanu, sanfɛfɛnw bɛɛ.

Zaburu 68:17

Kulu kuun caaman, mun na i be keliya Ala ka kulu kosɔn? Ala y'e min woloma ka sigi yen. Masaba bena to yen kudayi.

Ezekiyɛli 3:12

O tuma na, Ala Nii ye ne kɔrɔta. Ne ye pɛrɛnkan dɔ mɛn n kɔfɛ, n'a b'a fɔra ko: «Boɲa ka la Masaba ka nɔɔrɔ kan, a sigiyɔrɔ la.»

Daniyɛli 7:10

Tasuma tun be bɔr'a ɲafɛ ka kɛ i n'a fɔ baji be woyo cogo min na. Nimanfɛn waa caaman caaman tun b'a ɲafɛ ka to k'a mako ɲa. Kititigɛlaw sigira, sɛbɛ dɔw daa yɛlɛla.

Luka 15:10

Ne b'a fɔ aw ye ko ni hakɛkɛla kelen nimisara ka faran a ka kojuguw la, nisɔndiya be kɛ Ala ka mɛlɛkɛw fɛ o tigi kosɔn o cogo la.»

Luka 2:12

Aw ben'a lɔn taamasiɲɛ min fɛ, o filɛ: Aw bena denɲɛnin dɔ lanin ye kolokolo dɔ kɔnɔ, fani melekenin b'a la.»

Luka 2:14

«Ala ka tanu sanfɛ yɔrɔjan na, hɛrɛ ka kɛ dugukolo kan a diyanamɔgɔw ye.»

Ɛfɛsikaw 3:10

O la, sankolo kɔnɔ fangatigiw ni setigiw na se ka Ala ka hakilitigiya cogo bɛɛ lɔn, Krista ka jama barika la bii,

Tim fɔlɔ 3:16

Alaɲasiran ye gundoba ye! A y'a yɛrɛ kɛ mɔgɔ ye ka na, Nii Senuman y'a ka tilenninya yira, mɛlɛkɛw y'a ye. A ka kibaru fɔra siya wɛrɛw cɛma, ani mɔgɔw lar'a la diɲɛ kɔnɔ, Ala y'a ta ka taga n'a ye a ka nɔɔrɔ la. Mɔgɔ si te se k'o sɔsɔ.

Heburuw 1:14

Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Yirari 5:11

Ne tun be filɛli kɛra halibi, ne ye mɛlɛkɛ caaman kaan mɛn, u tun ka ca haali, fɔɔ u te se ka jati ka daa lɔn. U lɔnin tun be ka masasigilan ni nimanfɛnw ni cɛkɔrɔba nunu lamini.