Luka 2:11 - ALA KA KUMA

¹¹ A filɛ, bii suu nin na, Kisibaga wolola aw ye Dawuda ka dugu la, ale lo ye Ala ka Mɔgɔ wolomanin nin ye, an Matigi lo.

Jula NT of Côte d’Ivoire

¹¹ Kisibaga* worora aw ye bi su nin na, Dawuda ta dugu ra. Ale le ye Matigi ye, Ala ka min ɲanawoloma ka a kɛ Kisibaga ye.

LAYIDUKURA

¹¹ A filɛ, bii suu nin na, Kisibaga wolola aw ye Dawuda ka dugu la, ale lo ye Ala ka Mɔgɔwolomanin nin ye, an Matigi lo.

Luka 2:11 Iomraidhean Croise

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Damina 49:10

Masaya tena bɔ Zuda ka somɔgɔw bolo, masabere tena bɔ u bolo, fɔɔ ni a tigi yɛrɛ yɛrɛ nana, siyaw ka kan ka sɔn ale min ta ma.

Zaburu 2:2

Masacɛw wilila, jamana ɲamɔgɔw y'u kaan bɛn ka Masaba n'a ka mɔgɔwolomanin kɛlɛ.

Ezayi 9:6

A ka fanga bena boɲa, a ka masaya hɛrɛ tena ban. A bena to Dawuda ka masasigilan kan masaya la. A bena o masaya sabati, ka barika don a la tiɲɛ, ni tilenninya la kabini sisan ni tuma bɛɛ. Masaba, Setigi bena o kɛ bari a jijanin lo o kama.

Matiyu 1:16

Yakuba fana ye Yusufu wolo. Yusufu ye Mariyamu furu. Mɔgɔw be Yezu min wele ko Krista, Mariyamu ye ale bamuso ye.

Matiyu 1:21

A bena dencɛ wolo, i k'a tɔgɔ la ko Yezu, bari ale lo ben'a ka mɔgɔw kisi u ka hakɛw ma.»

Matiyu 16:16

Simɔn Piyɛri y'a jaabi ko: «I ye Ala ka Mɔgɔ wolomanin nin ye, Ala Dencɛ.»

Matiyu 16:20

O kɔ, Yezu y'a fɔ k'a gwɛlɛya a ka kalandenw ye k'u kana sɔn k'a fɔ mɔgɔ si ɲana ko ale ye Ala ka Mɔgɔ wolomanin nin ye.

Luka 1:43

Ne ye jɔn ye fɔɔ ne Matigi bamuso yɛrɛ be na bɔ ne fɛ?

Luka 1:69

A ye kisibaga barikaman lawili an ye, a y'a bɔ a ka baarakɛla Dawuda buruju la,

Luka 2:26

Nii Senuman tun y'a yira a la ko a tena sa n'a ɲaa ma la Matigi ka Mɔgɔ wolomanin kan.

Luka 2:4

Yusufu fana bɔra Nazarɛti, Galile mara la, ka taga Zude mara dugu dɔ la min tɔgɔ ko Bɛtilehɛmu, o ye masacɛ Dawuda ka dugu ye, bari a buruju tun bɔra Dawuda la.

Yuhana 1:41

A sinna ka taga fɔ a kɔrɔcɛ Simɔn ye ko: «Anw ye Krista ye», o kɔrɔ ko Ala ka Mɔgɔ wolomanin nin.

Yuhana 1:45

Filipu ye Natanayɛli kunbɛn k'a fɔ a ye ko: «Mɔgɔ min koo fɔnin be Musa ka sariya sɛbɛ ni kiraw ka sɛbɛw kɔnɔ, anw y'a ye. Nazarɛtika Yezu lo, Yusufu dencɛ.»

Yuhana 11:27

A y'a jaabi ko: «Ɔnhɔn Matigi, ne lanin b'a la ko e le ye Ala ka Mɔgɔ wolomanin nin ye, Ala Dencɛ, min ka kan ka na diɲɛ na.»

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka nii banbali sɔrɔ a barika la.

Yuhana 4:25

Muso ko: «Ne y'a lɔn ko Ala ka Mɔgɔ wolomanin ka kan ka na, min be wele ko Krista. N'ale nana, a bena koo bɛɛ fɔ an ye.»

Yuhana 4:42

U tora k'a fɔ muso nin ye ko: «K'i ka kuma yɛrɛ bɔ a la, anw lara a la bari an y'a yɛrɛ lamɛn. An lanin b'a la ko nin le ye diɲɛ kisibaga yɛrɛ yɛrɛ ye.»

Yuhana 6:69

Anw kɔni lara e la, an y'a lɔn fana ko i ye Ala ka mɔgɔɲuman ye a ye min ci.»

Yuhana 7:41

Dɔw ko: «Ala ka Mɔgɔ wolomanin lo.» Nga dɔw ko: «A ka kan ka bɔ Galile wa?

Kɛwalew 10:36

Kibaru diman, min ye hɛrɛ sɔrɔ kuma ye, Ala y'o fɔ Isirayɛlidenw ye Yezu Krista sababu la, ale min ye mɔgɔw bɛɛ ka Matigi ye.

Kɛwalew 13:23

Ala ye Dawuda deen dɔ lawili k'a kɛ Isirayɛlidenw kisibaga ye. O ye Yezu ye. Ala yɛrɛ tun y'a daa di o koo la.

Kɛwalew 17:3

A y'o kɔrɔ fɔ u ye, k'a gwɛ ko Ala tun ka kan k'a ka Mɔgɔ wolomanin min ci ka na, k'o ye Yezu le ye. Ko ale Pɔli be min ka koo fɔra u ye, ko ale lo. Ko wajibi tun lo, a tun ka tɔɔrɔ, ka sa, ka kunun.

Kɛwalew 2:36

Ayiwa, aw Isirayɛli jama, aw k'a faamu kosɔbɛ ko aw ye Yezu min faga lɔgɔ kan, Ala y'ale lo woloma k'a kɛ an Matigi ye.»

Kɛwalew 5:31

k'a kɛ mɔgɔbaba ye, k'a sigi a yɛrɛ kinibolo la masaya la, ani k'a kɛ kisibaga ye, janko ale sababu la, Isirayɛlidenw ka nimisa ka faran u ka kojuguw la, Ala k'u ka hakɛw yafa.

Kor fɔlɔ 15:47

Mɔgɔ min kɔnna ka dan, ale bɔra dugukolo la. Mɔgɔ filanan, ale bɔra sankolo la.

Filipikaw 2:11

ani bɛɛ k'a fɔ ko Yezu Krista ye Matigi ye, ka boɲa la an Faa Ala tɔgɔ kan.

Filipikaw 3:8

Tiɲɛ na, ne sera ka n Matigi Yezu Krista lɔn minkɛ, n'o ye koba ye, o le kama, ne b'o koo bɛɛ filɛ fuu ye. Ale lo kosɔn ne sɔnna ka fɛɛn bɛɛ ye k'o to yen. Ani ne be fɛɛn bɛɛ filɛ i n'a fɔ ɲamaɲama, waasa ne ka Krista sɔrɔ,

Kɔlɔsikaw 2:6

Aw lara an Matigi Yezu Krista la cogo min na, aw ka taama ka kɛɲɛ n'ale sago ye.

Zan fɔlɔ 4:14

Faa Ala y'a Dencɛ ci diɲɛ na, waasa ka mɔgɔw kisi. Anw ɲaa lara o kan, anw b'o seereya kɛ.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.