Luka 18:3 - ALA KA KUMA

³ O dugu kelen nin kɔnɔ, firiyamuso dɔ tun be yen min tun be to ka taga fɔ a ye ko fɛɛn min be ale n'a kɛlɛɲɔgɔn cɛ, a k'o ɲanabɔ ale ye.

Jula NT of Côte d’Ivoire

³ Muso dɔ fana tun bɛ o dugu kelen na, min cɛ tun sara. O muso tun bɛ to ka na a fɔ o kititigɛbaga ye ko: ‹Ne hakɛ bɔ ne jugu ra!›

LAYIDUKURA

³ O dugu kelen nin kɔnɔ, firiyamuso dɔ tun bɛ yen min tun bɛ to ka ta'a fɔ a ye ko koo min bɛ ale n'a kɛlɛnyɔgɔn cɛ, ko a k'o nyanabɔ ale ye.

Luka 18:3 Iomraidhean Croise

Ayuba 22:9

E tun be to ka ban ka firiyamusow sɔn, e tun be to ka falatɔw barika ban.

Ayuba 29:13

Sabagaw tun be to ka dubaw kɛ ne ye, n ma sɔn ka firiyamuso to ten ni n m'a dusu diya.

Ezayi 1:17

Aw ka koɲumankɛ degi, aw ka tilenninya kɛ, aw ka mɔgɔ tɔɔrɔninw dɛmɛ. Aw ka falatɔw ka tiɲɛ d'u ma. Aw ka firiyamusow kunko ɲanabɔ.

Yeremi 5:28

U ka bonbon, u be manamana! U ɲɔgɔn te yen juguya la. Falatɔ ka kan ni min ye, u t'o d'a ma. Nga olu ka koow le be yiriwa. Dɛsɛbagatɔw ka kan ni min ye, u t'o kɛ.

Matiyu 5:25

Ni koo dɔ be e ni mɔgɔ dɔ cɛ, i ka banba k'o ɲanabɔ janko a kana taga n'i ye faamaw fɛ, faamaw kana i don polisiw bolo, olu kana i don kaso la.

Luka 18:2

A ko: «Kititigɛla dɔ tun be dugu dɔ la. Kititigɛla nin tun te siran Ala ɲa, a tun te mɔgɔ si boɲa.

Luka 18:4

Muso mɛnna o la. Kititigɛla nin tun t'a fɛ k'a ɲanabɔ. A nana se waati dɔ la, a y'a fɔ a yɛrɛ kɔnɔ ko: ‹Ne te siran Ala ɲa ani ne te mɔgɔ si boɲa, o ye tiɲɛ ye.

Luka 18:5

Nga ne bena firiyamuso nin ka koo ɲanabɔ a ye, n'o tɛ, a bena to ka na ne nii tɔɔrɔ tuma bɛɛ.› »

Sariya 27:19

‹Mɔgɔ min be lonan, walima falatɔ, walima firiyamuso ka kiti cɛn, o tigi danganin lo.› Jama bɛɛ ben'a laminɛ ko: ‹Amiina!›