Luka 17:3 - ALA KA KUMA

³ Aw k'aw yɛrɛw kɔlɔsi o koow la. «N'i balima y'i hakɛ ta, i k'a ka filiyɔrɔ fɔ a ye. N'a nimisara, yafa a ma.

Jula NT of Côte d’Ivoire

³ Aw ye aw yɛrɛ kɔrɔsi! «Ni i balema ka jurumun kɛ, a wele ka kuma ni a ye. Ni a nimisara, yafa a ma.

LAYIDUKURA

³ Aw k'aw yɛrɛw kɔlɔsi o koow ma. “N'i balima y'i hakɛ ta, i k'a filiyɔrɔ fɔ a ye. N'a nimisara, yafa a ma.

Luka 17:3 Iomraidhean Croise

Zaburu 141:5

Mɔgɔtilennin ka ne bugɔ, o ye hɛrɛ ye. A ka ne jalaki, o be i ko tulu bɔnnin ne kunna, ne te ban o la fewu. Nga ne b'i daali tugu mɔgɔjugu ka juguya kama.

Bɔri 34:12

Aw bena don jamana min na, aw k'aw yɛrɛ minɛ, aw kana bɛn n'o jamana mɔgɔw ye, janko u kana na kɛ jaan ye aw cɛma.

Zanaw 17:10

Jalaki be digi hakilitigi la ka tɛmɛ golokami ɲaa kɛmɛ kan naloman na.

Zanaw 27:5

Jalaki min be kɛ ni kɔnɔgwɛ ye, o ka fisa ni teriya ye min te ye.

Zanaw 9:8

Kana yɛrɛboɲala ladi. N'o tɛ, a ben'i kɔniya. Lɔnnikɛla ladi, i koo bena diy'a ye.

Sarakalasebagaw 19:17

«Aw kana aw balima kɔniya. N'aw mɔgɔɲɔgɔn ye hakɛ kɛ, aw k'a ladi ni kɔnɔgwɛ ye, janko aw kana na jalaki a kosɔn.

Matiyu 18:21

Piyɛri gwɛrɛla Yezu la k'a ɲininga ko: «Matigi, ni n balima be to ka ne hakɛ ta tuma bɛɛ, ne ka kan ka yafa a ma siɲɛ joli? Fɔɔ ka taga se siɲɛ wolonwula wa?»

Luka 21:34

«Aw k'aw yɛrɛw kɔlɔsi, aw kan'a to nugubagatɔya, ni dɔrɔtɔya, ani diɲɛ hamikow k'aw hakili ɲagami, n'o tɛ, laban loon bena bari aw la,

Ɛfɛsikaw 5:15

Aw k'aw yɛrɛ kɔlɔsi kosɔbɛ, aw kana kɛ nalomanw ye, nga hakilitigiw.

Sariya 4:15

«Loon min na Masaba kumana aw fɛ *Orɛbu kulu kan, k'a to tasuma kɔnɔ, aw ɲaa ma foyi ye. O la, aw k'aw yɛrɛ minɛ kosɔbɛ.

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Sariya 4:9

Nga aw k'aw yɛrɛ kɔlɔsi, ka banba, janko aw ye koo minw ye n'aw ɲaa ye, aw kana ɲinɛ o kɔ. O kana bɔ aw hakili la aw sii tile bɛɛ la. Aw k'o koo fɔ aw deenw, n'aw mamadenw ye.

Heburuw 12:15

Aw k'aw yɛrɛ minɛ waasa mɔgɔ si kana muruti ka ban Ala ka nɛɛma na. Lili si kana kɛ yirijugu ye ka wili aw cɛma ka ɲagami don ka mɔgɔ caaman halaki.

Yakuba 5:19

N badenw, n'aw dɔ filila ka tiɲɛ sira bila, ni min kɛra sababu ye k'a kɔsegi,

Zan 2nan 1:8

Aw k'aw yɛrɛ kɔlɔsi waasa aw ka baara kana kɛ fuu ye. Nga aw ka se k'a nafa sɔrɔ.