Luka 16:9 - ALA KA KUMA

⁹ Yezu tagara ɲa ni kuma ye k'a fɔ ko: «Ne b'a fɔ aw ye ko aw ka teriw ɲini ni diɲɛ nafolo ye, waasa n'o nana ban tuma min na, olu ka se k'aw kunbɛn arijana na.

Jula NT of Côte d’Ivoire

⁹ Yesu ko: «Ne b’a fɔ aw ye ko ni aw ka dunuɲa ta naforojugu ta ka mɔgɔw dɛmɛ, ka teriw ɲini ni o ye, lon min na ni aw ta dunuɲalatigɛ nana ban, o bɛna kɛ sababu ye k’a to aw ye baraji sɔrɔ Ala fɛ arijana ra.

LAYIDUKURA

⁹ Yezu taara nya ni kuma ye k'a fɔ ko: “Ne b'a fɔ aw ye ko aw ka teriw nyini ni dinyɛ nafolo ye, waasa n'o nana ban tuma min na, olu ka se k'aw kunbɛn arijana na.

Luka 16:9 Iomraidhean Croise

Zaburu 73:26

Ne farikolo be se ka sigɛn, n hakili be se ka ɲagami. Nga Ale lo be fanga di ne ma, ale lo ye ne niyɔrɔ ye tuma bɛɛ.

Zanaw 14:24

Nafolo ye lɔnnikɛlaw ka sara ye. Naloman ta ye nalomanya ye.

Zanaw 19:17

Ka koɲuman kɛ dɛsɛbagatɔ ye, o ye jurudon ye Masaba la, min be koɲuman juru sara.

Zanaw 23:5

I ɲaa latɔ a kan, a tunutɔ lo. A be i ko gaman b'a fɛ, i n'a fɔ sɛgɛn, ka van sankolo kɔnɔ.

Waajurikɛbaga 11:1

I k'i ka dumuni fili jii sanfɛ, a mɛn o mɛn, i ben'a sɔrɔ tugu.

Ezayi 57:16

Ne tena mɔgɔw jalaki tuma bɛɛ, ne diminin tena to waati bɛɛ. N'o tɛ, mɔgɔw tun bena sa ne ɲakɔrɔ, ne tun ye minw dan.

Daniyɛli 4:27

masacɛ ko: «Babilɔni duguba! Ne ye min sigi ni n ka fanga, ni n ka sebagaya ye, k'a kɛ masadugu ye ne ka kunkɔrɔta kama, ale te nin ye wa?»

Matiyu 19:21

Yezu y'a fɔ a ye ko: «N'i b'a fɛ i ka koow bɛɛ ka dafa, taga k'i bololafɛnw feere k'o wari tilan fantanw cɛ, o la, i bena nafolo sɔrɔ sankolo la. O kɔ, na tugu ne kɔ.»

Matiyu 6:19

«Aw kana nafolo caaman lajɛn aw yɛrɛw ye diɲɛ nin kɔnɔ, bari bagabaga ni tumuw be cɛnni kɛ, soonw fana be daaw kari ka don ka fɛɛnw cɛ.

Matiyu 6:24

«Mɔgɔ si te se ka baara kɛ kuntigi fila ye, bari a bena kelen kɔniya ka kelen kanu, walima a bena nɔrɔ kelen na k'a mako bɔ kelen na. O cogo la fana, aw te se ka nafolo kanu, ka baara kɛ Ala ye.

Luka 11:41

Fɛɛn min b'aw ka minanw kɔnɔ, aw y'o di dɛsɛbagatɔw ma, o la, aw ka koo bɛɛ bena saniya.

Luka 12:33

«Aw k'aw bololafɛnw feere k'a wari tilan fantanw cɛ. Nafolo min be Ala fɛ sankolo la, aw k'o ɲini. O nafolo nin te cɛn ka ye, a te ban, soonw te se yen, bagabaga te se k'a cɛn.

Luka 14:14

N'i y'o kɛ, i bena duba sɔrɔ, bari olu te se k'i ka juru sara, nga Ala bena i sara sini.»

Luka 16:11

N'aw ma kɛ mɔgɔsɔbɛw ye nin diɲɛ nafolo koow la, jɔn le bena nafolosɔbɛ kalifa aw ma?

Luka 16:13

«Mɔgɔ si te se ka baara kɛ kuntigi fila ye, bari a bena kelen kɔniya ka kelen kanu, walima a bena nɔrɔ kelen na k'a mako bɔ kelen na. Aw te se ka nafolo kanu, ka baara kɛ Ala ye fana.»

Luka 16:4

Ni ne gwɛnna ka bɔ baara nin na tuma min na, ne bena min kɛ mɔgɔ dɔw ka se ka ne dɛmɛ, ne y'o lɔn.›

Kɛwalew 10:31

A y'a fɔ ko: ‹Kɔrinɛyi, Ala y'i ka daaliliw jaabi, i ye dɛmɛ min kɛ dɛsɛbagatɔw ye, o diyara a ye.

Kɛwalew 10:4

Siranya fɛ, Kɔrinɛyi y'a ɲaa basa a la, k'a jaabi ko: «Mun kɛra Matigi?» Mɛlɛkɛ y'a jaabi ko: «I be Ala bato minkɛ, an'i be dɛmɛ min kɛ fantanw ye, o diyara Ala ye. A hakili b'i la.

Kor 2nan 4:17

Waati dɔɔni tɔɔrɔ minw b'an sɔrɔ, o te foyi ye. An bena boɲa min sɔrɔ o tɔɔrɔ nin kosɔn, o ka bon haali.

Zude 1:21

Aw ka to Ala ka kanuya la, k'aw jigi la an Matigi Yezu Krista ka makari kan, ka nii banbali kɔnɔ.