Luka 16:2 - ALA KA KUMA

² A kuntigi y'a wele k'a fɔ a ye ko: ‹Ne be min mɛnna i ka koo la, o man di. I ye baara kɛ cogo min na, o ɲafɔ ne ye, bari i tena se ka to ne ka nafolo kunna tugu.›

Jula NT of Côte d’Ivoire

² A k’a wele ka na a fɔ a ye ko: ‹Ne k’a mɛn ko i bɛ ne ta naforo cɛnna; mun kosɔn i bɛ o kɛra? Ayiwa, i ka ne ta naforo kɛ fɛn o fɛn ye, o bɛɛ jate yira ne ra; sabu i tɛna ne ta naforo mara tuun.›

LAYIDUKURA

² A ka kuntigi y'a wele k'a fɔ a ye ko: ‘Ne bɛ min mɛnna i koo la, o man di. I ye baara kɛ cogo min na, o nyafɔ ne ye, bari i tɛna se ka to ne ka nafolo kunna tugu.’

Luka 16:2 Iomraidhean Croise

Waajurikɛbaga 12:14

Bari, Ala bena mɔgɔw ɲininga u ka kɛwaliw kelen kelen bɛɛ la, hali minw kɛra dogo la, a ɲuman fara jugumanw kan.

Matiyu 12:36

Ne b'a fɔ aw ye ko Ala bena mɔgɔw kiti loon min na, u ye kuma kuntan minw bɛɛ fɔ, a bena u ɲininga u fɔkun na.

Matiyu 20:8

Baara jigira tuma min na, forotigi y'a fɔ a ka baarakuntigi ye ko a ka baarakɛla nunu wele k'u ka sara d'u ma, k'a daminɛ minw tagara laban na fɔɔ ka taga bila fɔlɔ taw ma.

Luka 12:20

Nga Ala y'a fɔ a ye ko: ‹I naloman, bii suu nin na yɛrɛ, n bena n ka kalifa minɛ i la. O tuma na, i ye nafolo min bɛɛ lajɛn ka sɔrɔ, o bena kɛ jɔn ta ye?› »

Luka 12:42

Matigi y'a jaabi ko: «Baaraden tilennin hakiliman jumɛn be yen, n'a kuntigi y'a sigi a ka baaraden tɔw kunna waasa a ka dumuni d'u ma a diwaati la?

Luka 16:1

Yezu y'a fɔ a ka kalandenw ye ko: «Cɛɛ nafolotigi dɔ tun be yen. A tun ye mɔgɔ dɔ ta k'a bila a ka nafolo kunna. Mɔgɔw y'a kɔrɔfɔ a kuntigi ye ko a b'a ka nafolo cɛn.

Luka 16:3

O kuma mɛnnin kɔ, a y'a miiri ko: ‹Ne bena mun kɛ sa? Bari ne kuntigi bena n bɔ a ka nafolo kunna. Ne te se ka sɛnɛ kɛ. Ka daalili kɛ, o bena kɛ maloya ye ne ma.

Rɔmukaw 14:12

O cogo la, an kelen kelen bɛɛ bena lɔ n'an kunko ye Ala ɲakɔrɔ.

Kor fɔlɔ 1:11

Bari n balimaw, ne y'a mɛn Kulowe ka somɔgɔw fɛ, ko bɛnbaliya be aw ni ɲɔgɔn cɛ.

Kor fɔlɔ 4:2

N'u ye baara dɔ kalifa mɔgɔ ma, u be min ɲini a fɛ, o ye tilenninya ye.

Kor fɔlɔ 4:5

O le kosɔn aw kana kɔn ka mɔgɔ jalaki waati latigɛnin ɲa, aw k'a to, Matigi ben'a ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni boɲa min ye, a bena o sɔrɔ Ala fɛ.

Kor 2nan 5:10

bari an bɛɛ ka kan ka lɔ Krista ɲakɔrɔ a k'an kiti, waasa mɔgɔ kelen kelen bɛɛ ye baara min kɛ k'u to diɲɛ na, a kɛra baaraɲuman ye wo, baarajugu lo wo, u k'o sara sɔrɔ.

Tim fɔlɔ 4:14

Ala ye see min d'i ma kirayakuma fɔwaati la, Ala ka jama ɲamɔgɔw y'u bolo la i kan tuma min na, i kana farati o la.

Tim fɔlɔ 5:24

Mɔgɔ dɔ ka hakɛ be lɔn sanni kiti ka tigɛ, nga dɔw ta be lɔn kɔfɛ le.

Piy fɔlɔ 4:10

Aw kelen kelen bɛɛ ye seko min sɔrɔ Ala fɛ, minw be danna danna, aw k'o kɛ ka tɔw mako ɲa. O la, aw bena baaraɲuman kɛ ni Ala ka nɛɛma ye.

Piy fɔlɔ 4:5

U bena na o bɛɛ ɲafɔ Ala ye, ale min labɛnnin lo ka suuw ni ɲanamanw bɛɛ kiti.

Yirari 20:12

O kɔ, ne ye suuw ye, u bɛɛ kununna, denmisɛn fara mɔgɔkɔrɔbaw kan, u tagara lɔ masasigilan ɲafɛ. Ayiwa, sɛbɛ dɔw dayɛlɛla. Nii banbali sɛbɛ fana dayɛlɛla. O tuma na, u ye mɔgɔw kiti ka kɛɲɛ n'u ka kɛwaliw ye.