Luka 15:5 - ALA KA KUMA

⁵ N'a y'a ye tuma min na, a b'a ta k'a bila a kaan na ni nisɔndiya ye.

Jula NT of Côte d’Ivoire

⁵ Ni a k’a ye, a jusu diyaninba bɛ a la a kan na.

LAYIDUKURA

⁵ N'a y'a ye tuma min na, a b'a ta k'a bila a kaan kan ni dusudiya ye.

Luka 15:5 Iomraidhean Croise

Ezayi 62:12

U bena u wele ko Siya senuman, Masaba ye minw kunmabɔ. U bena i wele ko Madiyadugu, Dugu min labilanin tɛ.

Ezayi 62:5

Kanbelen be sunguru furu cogo min na, i kɔnɔ mɔgɔw bena i furu ten. Maminɛcɛ be nisɔndiya a ka maminɛmuso kosɔn cogo min na, i ka Ala bena nisɔndiya i kosɔn ten.

Ezayi 63:9

u ka tɔɔrɔwaatiw bɛɛ la. A ma mɔgɔ si ci ka na u kisi, ale yɛrɛ le y'u kisi. A b'u kanu, a be makari u la, o la, a y'u kunmabɔ. A y'u ɲun, a y'u ta fɔlɔfɔlɔ tilew bɛɛ la.

Ezekiyɛli 18:23

Aw be miiri ko mɔgɔjugu ka saya ka di ne ye wa? Ne Matigi, Masaba b'a fɔ ko n'a yɛlɛmana k'a ka sirajuguw bila ka to nii na, o le ka di ne ye.

Ezekiyɛli 33:11

Ayiwa, i k'a fɔ u ye ko ne Matigi, Masaba ko: Ne tɔgɔ kosɔn, mɔgɔjugu sayako man di ne ye fewu, ne b'a fɛ a k'a ka sirajugu bila ka kisi le. Aw ye yɛlɛma! Aw ye yɛlɛma k'aw ka sirajuguw bila! Isirayɛlidenw, mun kosɔn aw b'a fɛ ka sa?

Mise 5:4

Ale lo bena na ni hɛrɛ ye. Ni Asirikaw nana don an ka jamana kɔnɔ, k'an ka yɔrɔ barikamanw minɛ, an bena kuntigiw ci k'u kɛlɛ. An bena ɲamɔgɔ caaman ci k'u kɛlɛ.

Mise 7:18

Ala, i ɲɔgɔn te batofɛnw cɛma, ele min be hakɛ yafa, ni min filila, e b'o ye k'a to yen. I ka mɔgɔw tɔɔ min tora, olu kanu kama, olu minw ye i ta ye, i diminin tena to u kɔrɔ tuma bɛɛ, nga ka makari u la, o ka d'i ye.

Sofoni 3:17

Masaba i ka Ala b'i fɛ. Kɛlɛmasaŋana lo, a be see d'i ma. A nisɔndiyanin lo i kosɔn kosɔbɛ. A ka kanuya kama, a tena foyi fɔ i ye. A bena dɔɔn kɛ ka nisɔndiya kosɔbɛ i kosɔn.»

Luka 15:32

Nga an ka kan ka nisɔndiya ka ɲanagwɛ, bari i dɔgɔnin min filɛ nin ye, a kɛra i n'a fɔ a sara ka kunun, a tun tununa, nga a yera.› »

Luka 15:4

«Ni saga kɛmɛ be aw dɔ fɛ, ni kelen tununa, a ten'a tɔɔ bi kɔnɔntɔn ni kɔnɔntɔn nunu to kongo kɔnɔ ka taga kelen nin yaala fɔɔ k'a ye wa?

Luka 15:6

N'a kɔsegira ka se soo tuma min na, a b'a teriw n'a sigiɲɔgɔnw wele k'a fɔ u ye k'u ka nisɔndiya ɲɔgɔn fɛ, bari ko ale y'a ka sagatununin ye.

Luka 19:9

O la, Yezu ko: «Kisili sera soo nin kɔnɔ bii, bari ale fana ye Ibrayima ka deen dɔ ye.

Luka 23:43

Yezu y'a jaabi ko: «Tiɲɛ na, ne b'a fɔ i ye, i bena kɛ ne fɛ arijana na bii yɛrɛ.»

Yuhana 15:11

Ne y'o koo nunu fɔ aw ye janko aw ka nisɔndiya sɔrɔ ne fɛ, ani aw ka nisɔndiya kosɔbɛ.

Ɛfɛsikaw 2:10

An ye Ala bulonɔ ye, a y'an dan Yezu Krista barika la kɛwaliɲumanw kama, Ala ye minw latigɛ kabini fɔlɔfɔlɔ janko an k'o kɛ.

Ɛfɛsikaw 3:7

Ala ye nɛɛma kɛ ne ye a ka sebagaya barika la, ka ne kɛ kibaru diman nin fɔbaga ye.

Tes fɔlɔ 1:5

An be kibaru diman min fɔra, an m'o fɔ aw ye i n'a fɔ kuma gwansan dama, nga an y'a fɔ ni Nii Senuman ka sebagaya ye. An ye fɛɛn minw kɛ aw ka ɲa kama, aw b'o lɔn.

Tim 2nan 2:26

O la, u bena u yɛrɛ sɔrɔ ka bɔ Sutana ka jɔɔ la, min tun y'u minɛ janko a ka to k'a sago kɛ n'u ye.

Heburuw 12:2

An k'an ɲaa lɔnin to Yezu kan ale min ye an ka lanaya bɔyɔrɔ ye, n'a laban ye. A sɔnna ka tɔɔrɔ gwengwenlɔgɔ kan, a ma maloya yɛrɛ jati, bari nisɔndiya min tun b'a kɔnɔna, a ɲaa tun b'o la. Sisan, a siginin be Ala kinibolo la.

Piy fɔlɔ 1:5

Setigi Ala be aw minw mara aw jigi kosɔn fɔɔ ka taga se kisili loon yɛrɛ yɛrɛ ma. Ala y' min latigɛ n'o bena kɛ diɲɛ laban tuma na.