Luka 11:9 - ALA KA KUMA

⁹ «Ayiwa, ne b'a fɔ aw ye ko aw k'aw ka makoyafɛn daali Ala fɛ, a bena o d'aw ma. Aw mako be fɛɛn min na, aw k'o ɲini, aw ben'o sɔrɔ. Aw ka daa kɔkɔ, daa bena yɛlɛ aw ye,

Jula NT of Côte d’Ivoire

⁹ «O kosɔn ne b’a fɔ aw ye ko: Aw ye daariri kɛ, a bɛna di aw ma; aw ye ɲinini kɛ, aw bɛna a ye; aw ye da gbasi, da bɛna yɛlɛ aw ye.

LAYIDUKURA

⁹ “Ayiwa, ne b'a fɔ aw ye ko aw k'aw ka makoyafɛn dali Ala fɛ, a bɛna o d'aw ma. Aw mako bɛ fɛɛn min na, aw k'o nyini, aw bɛn'o sɔrɔ. Aw ka daa kɔkɔ, daa bɛna yɛlɛ aw ye,

Luka 11:9 Iomraidhean Croise

Zaburu 118:5

Ka ne to dusukasi la, ne ye Masaba daali, a ye ne jaabi, a ye ne wasa.

Zaburu 27:4

Ne be min ɲini Masaba fɛ, n be fɛɛn min fɛ sɔbɛ sɔbɛ la. O ye ne ka to a fɛ n sii bɛɛ la, n ka se k'a ka ɲumanya ye, ani ka ladili ɲini a fɛ.

Zaburu 27:8

E ye min fɔ, ne be miiri o le la, e ko: «Aw ka ne yɔrɔ ɲini.» Ne b'i yɔrɔ ɲinina, Masaba.

Zaburu 34:10

Aw minw ye Masaba ta ye, aw ka siran a ɲa, bari foyi te dɛsɛ a ɲasiranbaga la.

Zaburu 34:4

Aw ka Masaba makiri ni ne ye, an k'a tɔgɔ tanu ɲɔgɔn fɛ.

Zaburu 50:15

I ka ne daali i degun loon na, ne bena i bɔ, e bena ne boɲa.»

Dɔnkiriw 5:6

Ne ye daa yɛlɛ n kanubaga ye, o y'a sɔrɔ a y'a kɔɔ don, a tagara. Ne tun te n yɛrɛ kala ma tugu, n bɔr'a kɔ. Ne y'a yɔrɔ ɲini ka dɛsɛ, n m'a ye. Ne y'a wele ka dɛsɛ, a ma ne laminɛ.

Ezayi 45:19

Ne ma kuma dogo la, yɔrɔ dibinin dɔ la dugukolo kan. Ne m'a fɔ Isirayɛlidenw ye ko: ‹Aw ka ne yɔrɔ ɲini yɔrɔlakolon la!› Koo min ye tiɲɛ ye, ne Masaba b'o le fɔ. Min tilennin lo, n b'o le fɔ.

Yeremi 29:12

N'aw nana ne daali, ne bena mɛnni kɛ aw fɛ.

Yeremi 33:3

‹I ka ne daali, ne bena i jaabi. N bena kobabaw yira i la, minw dogonin be, i te minw lɔn.›

Daniyɛli 9:3

O la, ne ye suun don ka dusukasifani don, ka bugurigwɛ kɛ n yɛrɛ kan, ka n ɲaa sin Matigi Ala ma k'a daali kosɔbɛ.

Matiyu 21:22

N'aw lara ne la, n'aw ye fɛɛn o fɛɛn daali Ala fɛ, a bena o d'aw ma.»

Matiyu 21:31

O deen fila nunu cɛma, jumɛn le ye a facɛ sago kɛ?» U y'a jaabi ko deen fɔlɔ kɛ. Yezu y'a fɔ u ye ko: «Ne b'a fɔ aw ye tiɲɛ na ko lɛnpominɛlaw ni kakalamusow bena kɔn ka don aw ɲa Ala ka masaya kɔnɔ.

Matiyu 6:29

O n'a ta bɛɛ, ne b'a fɔ aw ye ko masacɛ Solomani n'a ka faamaya bɛɛ, a ma fani sɔrɔ min ka cɛɲa ye feeren nunu ta bɔ.

Marika 11:24

O le y'a to, ne b'a fɔ aw ye ko n'aw ye fɛɛn o fɛɛn daali Ala fɛ, aw ka la a la ko aw bena o sɔrɔ, aw ben'a sɔrɔ.

Marika 13:37

Ne be min fɔra aw ye, mɔgɔ bɛɛ seen b'a la: Aw labɛnnin ka to.»

Luka 11:10

bari mɔgɔ o mɔgɔ man'a makoyafɛn daali Ala fɛ, Ala ben'a di o tigi ma. Min man'a makoyafɛn ɲini, o tigi b'o sɔrɔ. Daa bena yɛlɛ daa kɔkɔbaga ye.

Yuhana 14:13

Aw mana fɛɛn o fɛɛn daali ne tɔgɔ la, ne bena o kɛ, janko ka boɲa la Faa kan, a Dencɛ barika la.

Yuhana 15:16

A ma kɛ ko aw le ye ne woloma, ne le y'aw woloma k'aw bila janko aw ka taga baara caaman kɛ, ani o baara nafa ka to, janko aw mana fɛɛn o fɛɛn daali n Faa fɛ ne tɔgɔ la, a k'o di aw ma.

Yuhana 15:7

N'aw tora ne fɛ, ani ne ka kuma tora aw kɔnɔ, aw be fɛɛn min fɛ, aw k'o daali aw bena o sɔrɔ.

Yuhana 4:10

Yezu y'a jaabi ko: «Ala be min di mɔgɔ ma, n'i tun be o lɔn, ani mɔgɔ min ko i k'ale sɔn jii la, n'i tun b'o fana lɔn, e yɛrɛ le tun bena kɔn k'ale daali. A tun bena jii d'i ma min bena nii banbali d'i ma.»

Rɔmukaw 2:7

Mɔgɔ minw jijanin lo ka baaraɲuman kɛ n'u be boɲa, ni kunkɔrɔta ani nii banbali le ɲinina, a bena nii banbali di olu ma.

Kor 2nan 6:2

bari a fɔra Ala ka kuma na ko: «Waati bɛnnin na, ne y'i lamɛn. Kisili loon na, ne y'i dɛmɛ.» Ayiwa, o waati bɛnnin ye sisan le ye, kisili loon le ye bii ye.

Heburuw 11:6

Mɔgɔ koo te se ka diya Ala ye n'o tigi ma l'a la. Bari mɔgɔ min b'a fɛ ka gwɛrɛ Ala la, fɔɔ a ka l'a la ko a be yen, ani ko a b'a yɔrɔ ɲinibagaw wasa.

Heburuw 4:16

O tuma na sa, an k'an jigi la a kan, ka gwɛrɛ a ka masasigilan yɔrɔ la ni hakilisigi ye, a ka nɛɛma kosɔn janko a ka makari an na, ka nɛɛma kɛ an ye, k'an dɛmɛ an dɛsɛ tuma na.

Yakuba 1:5

N'o y'a sɔrɔ n'aw dɔ dɛsɛnin lo hakilitigiya la, o tigi k'a daali Ala fɛ, a ben'a d'a ma. A tigɛ man gwɛlɛ, a be mɔgɔ bɛɛ sɔn ka ɲa. A t'an sɔngɔ ka sɔrɔ k'an sɔn.

Yakuba 5:15

O daalili min be kɛ k'u jigi to Matigi kan, o bena banabagatɔ kisi, Matigi ben'a kɛnɛya. N'o y'a sɔrɔ a ye hakɛ kɛ, a bena o yafa sɔrɔ.

Zan fɔlɔ 3:22

An mana fɛɛn o fɛɛn daali a fɛ, an b'o sɔrɔ bari an b'a ka sariya bato k'a sago kɛ.

Yirari 2:24

Aw tɔw, aw minw be Tiyatiri n'aw ma sɔn ka kɛ a kɔmɔgɔw ye, aw minw ma Sutana ka gundo ɲini k'a lɔn, aw kɔni, n tena koo wɛrɛ la aw kan.