Luka 11:2 - ALA KA KUMA

² A y'a fɔ u ye ko: «N'aw be Ala daali tuma min na, aw k'a fɔ ko: ‹An Faa, i tɔgɔ ka boɲa. I ka masaya ka na.

Jula NT of Côte d’Ivoire

² Yesu k’a fɔ o ye ko: «Ni aw b’a fɛ ka Ala daari, aw y’a fɔ ko: An Fa Ala, i tɔgɔ saninman ye bonya mɔgɔ bɛɛ fɛ. I ta Masaya* ye na.

LAYIDUKURA

² A y'a fɔ u ye ko: “N'aw bɛ Ala dali tuma min na, aw k'a fɔ ko: ‘An Faa, i sago ka kɛ. I ka kɛ an ka masa ye.

Luka 11:2 Iomraidhean Croise

Mas fɔlɔ 8:43

k'i to i sigiyɔrɔ la sankolo la, lonan nin ye fɛɛn min ɲini i fɛ, i k'o kɛ a ye, janko dugukolo kan siyaw bɛɛ k'i lɔn ani ka siran i ɲa i n'a fɔ i ka jama Isirayɛli, ani k'a lɔn ko ne ye soo min lɔ, ko i tɔgɔ le b'a kan.

Mas 2nan 19:19

Sisan Masaba an ka Ala, an bɔsi Senakeribu bolo, janko dugukolo kan siyaw bɛɛ k'a lɔn ko ele Masaba kelenpe le ye Ala ye.»

Lok 2nan 20:6

k'a fɔ ko: «Masaba an faaw ka Ala, ele le te sankolo kɔnɔ Ala ye wa? Ele le be siyaw ka jamanaw bɛɛ kunna. Setigiya ni fanga b'i bolo, mɔgɔ si te se ka lɔ i ɲa.

Zaburu 103:20

Masaba ka mɛlɛkɛw, aw ka barika la a ye, aw minw b'a ka fɔta kɛ ni barika ye, aw minw b'a ka kuma bato tigitigi.

Zaburu 108:5

Bari i ka ɲumanya ka bon i ko sankolo, e ka tiɲɛ be se sankabaw ma.

Zaburu 11:4

Masaba b'a ka soo kɔnɔ, a ka masasigilan be sankolo la. A ɲaa be adamadenw na, a b'u ka koow sɛgɛsɛgɛra.

Zaburu 57:11

Bari, e ka ɲumanya ka bon i ko sankolo. E ka tilenninya be se sankaba kɔnɔ.

Waajurikɛbaga 5:2

Bari, kuma caaman be na ni kumakolonfɔ ye. Hami caaman fana be na ni sikow ye.

Ezayi 63:16

Ele lo ye an Faa ye. Ibrayima t'anw lɔn do, Isirayɛli t'anw lɔn fana. Ele, Masaba le ye an Faa ye. Ele le ye an kunmabɔbaga ye, kabini tumajan, o le y'i tɔgɔ ye.

Ezekiyɛli 36:23

Aw ye ne tɔgɔba min cɛn siya wɛrɛw cɛma, ne bena nɔɔrɔ la o kan. Ni ne y'o kɛ u ɲana aw sababu la, u ben'a lɔn ko ne ye Masaba le ye. Ne Matigi, Masaba le ko ten.

Daniyɛli 2:28

Nga, Ala min be sankolo la, n'a be kodogoninw yira, a ye koo nata yira masacɛ Nabukodonozɔri la. I ka siko, n'i ye fɛɛn minw ye k'i to i ka dilan kan, o filɛ nin ye:

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Daniyɛli 7:18

Nga Fɛɛn bɛɛ kuntigi ka jama bena masaya sɔrɔ min tena bɔsi u la abada.›

Daniyɛli 7:27

Mara minw bɛɛ be dugukolo kan, olu ka masaya, n'u ka fanga, n'u ka boɲa bena di Fɛɛn bɛɛ kuntigi ka jama ma. O jama nin ka masaya bena kɛ waati bɛɛ koo ye. Faamaw bɛɛ bena baara kɛ o ye, ani ka mɛnni kɛ o fɛ.›

Oze ta kitabu 14:2

Isirayɛlidenw, aw ka kɔsegi Masaba aw ka Ala ma. Aw ka fili le y'a to aw benna.

Sarakalasebagaw 10:3

Musa y'a fɔ Arɔn ye ko: «Masaba kaan tun be nin koo le ma a kumatuma na. A tun ko: ‹Mɔgɔ minw be gwɛrɛ ne la, olu k'u janto ne ka Alaya la. Boɲa ka kan ka la ne kan bɛɛ ɲana.› » Arɔn ma foyi fɔ.

Sarakalasebagaw 22:23

Tura, walima sagajigi min farisogo yɔrɔ dɔ t'a cogo la, walima min cɔrɔkɔnin lo, i be se k'o bɔ diyanasaraka ye, nga i ye dajuru min ta ne ye, a tena kɛ o sara saraka ye.

Habakuki 2:14

Masaba ka sebagaya bena lɔn diɲɛ yɔrɔ bɛɛ la i ko jii be baa la cogo min na.

Matiyu 10:32

«Ni mɔgɔ min y'a fɔ mɔgɔw ɲana ko ale ye ne ka mɔgɔ ye, ne Faa min be sankolo la, ne fana ben'a fɔ ale ɲana k'o tigi ye ne ka mɔgɔ ye.

Matiyu 3:2

A tun b'a fɔ mɔgɔw ye ko: «Aw ye nimisa ka faran aw ka kojuguw la, bari *sankolo masaya waati surunyana.»

Matiyu 5:16

Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.

Luka 11:1

Loon dɔ, Yezu tun be Ala daalila yɔrɔ dɔ. A tilara tuma min na, a ka kalandenw la kelen y'a fɔ a ye ko: «Matigi, an dege Aladali la i n'a fɔ Zan y'a taw dege cogo min na.»

Rɔmukaw 1:7

Ala ye aw minw wele ka kɛ a ka jama ye, n'aw koo ka d'a ye n'aw be Ɔrɔmu dugu kɔnɔ, ne be bataki nin ci aw bɛɛ ma. An Faa Ala n'an Matigi Yezu Krista ka nɛɛma ni hɛrɛ kɛ aw ye.

Rɔmukaw 8:15

Aw ye Nii min sɔrɔ, ale t'aw bila jɔnya ni siranya la, Nii Senuman lo. Ale lo barika la aw kɛra Ala ka deenw ye, ani ale barika la an b'a fɔ Ala ye ko Baba, an Faa.

Kor fɔlɔ 1:3

An Faa Ala n'an Matigi Yezu Krista ka nɛɛma ni hɛrɛ kɛ aw ye.

Kor 2nan 1:2

An Faa Ala n'an Matigi Yezu Krista ka nɛɛma ni hɛrɛ kɛ aw ye.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Ɛfɛsikaw 1:2

an Faa Ala, ni an Matigi Yezu Krista ka nɛɛma ni hɛrɛ kɛ aw ye.

Filipikaw 1:2

An Faa Ala, n'an Matigi Yezu Krista ka nɛɛma ni hɛrɛ kɛ aw ye.

Filipikaw 4:20

An Faa Ala tɔgɔ ka tanu tuma bɛɛ. Amiina.

Kɔlɔsikaw 1:2

an be bataki nin ci Krista ka jama ma Kɔlɔsi dugu kɔnɔ, aw minw kɛra balimasɔbɛw ye Krista barika la, an Faa Ala ka nɛɛma ni hɛrɛ kɛ aw ye.

Tes fɔlɔ 1:1

Ne Pɔli ni Silivɛn ani Timote be bataki nin ci Ala ka jama ma, min be Tesaloniki, aw minw jigi be an Faa Ala, ani Matigi Yezu Krista kan, Ala ka nɛɛma ni hɛrɛ kɛ aw ye.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Tes 2nan 2:16

An Matigi Yezu Krista yɛrɛ, n'an Faa Ala, min y'an kanu n'a b'an jaa gwɛlɛya tuma bɛɛ, ani ka jigiɲuman d'an ma, a ka nɛɛma kosɔn,

Yirari 11:15

Mɛlɛkɛ wolonwulanan y'a ka buru fiyɛ, kumakanbabaw bɔra sankolo la ka to k'a fɔ ko: «Sisan, diɲɛ ka masaya kɛra an Matigi n'a ka Mɔgɔ wolomanin ta ye. A bena to masaya la tuma bɛɛ.»

Yirari 15:4

Jɔn le tena siran i ɲa, Matigi? Jɔn le tena i tɔgɔ boɲa? I kelen le ka ɲi. Siyaw bɛɛ bena na e bato, bari e y'i ka tilenninya yira kɛnɛ kan.»

Yirari 19:6

O tuma na, ne ye kumakanba dɔ mɛn, i n'a fɔ jamaba kumakan, walima jiba woyokan, walima saan pɛrɛnkan. O kumakan nin ko: «Aleluya! Bari an Matigi, Setigi Ala sigira a ka masasigilan kan.

Yirari 20:4

O kɔ, ne ye masasigilanw ye. Mɔgɔ minw nana sigi u kan, see dira olu ma ka kiti tigɛ. Mɔgɔ minw tun fagara Yezu ni Ala ka kuma kosɔn, ani minw tun banna ka Sogo nin taamasiɲɛ bila u teen, walima u bolo kan, k'a jaa bato, ne ye olu bɛɛ fana kununnin ye, u sigira ni Krista ye masaya la saan waa kelen.