Luka 1:70 - ALA KA KUMA

⁷⁰ i ko a tun ye o kuma don a ka fɔlɔfɔlɔ kiraw daa la cogo min na

Jula NT of Côte d’Ivoire

⁷⁰ Ala ta cira saninmanw tun ka o ko le fɔ kabini wagatijan. Ala tun ka layiri ta an ye

LAYIDUKURA

⁷⁰ i n'a fɔ a tun ye o kuma don a ka fɔlɔfɔlɔ kiraw daa la cogo min na

Luka 1:70 Iomraidhean Croise

Damina 12:3

Mɔgɔ min mana duba kɛ i ye, ne bena o tigi ta ɲa. Min mana i danga, ne bena o ta cɛn. E le barika la, dugukolo kan siyaw bɛɛ bena hɛrɛ sɔrɔ.»

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Damina 49:10

Masaya tena bɔ Zuda ka somɔgɔw bolo, masabere tena bɔ u bolo, fɔɔ ni a tigi yɛrɛ yɛrɛ nana, siyaw ka kan ka sɔn ale min ta ma.

Sam 2nan 23:2

Masaba ka Nii b'a ta fɔ ne barika la, a ka kuma be ne daa la.

Yeremi 23:5

Masaba ko: «Loonw be na, ne bena mɔgɔtilennin bɔ Dawuda kɔmɔgɔw la min bena sigi masaya la, ka jamana mara ni hakilitigiya ye. A bena tilenninya ni hɔrɔnya kɛ jamana kɔnɔ.

Yeremi 30:10

Ne ka baarakɛlaw Yakuba kɔmɔgɔw, aw kana siran. Isirayɛlidenw, aw kan'a to aw hakili be ɲagami. Ne Masaba le ko ten. Bari ne bena aw kisi ka bɔ jamanajan la. Aw deenw minɛna ka taga yɔrɔ min na, ne bena u kisi ka bɔ yen. Yakuba kɔmɔgɔw bena segi ka na. U bena to lafiya ni hakilisigi la. Mɔgɔ si te na na u hakili ɲagami tugu. Ne Masaba le ko ten.

Marika 12:36

Dawuda yɛrɛ y'a fɔ Nii Senuman barika la ko: ‹Matigi Ala y'a fɔ ne Matigi ye ko: Sigi ne kinibolo fɛ fɔɔ ne k'i juguw cɔnkɔn i seen kɔrɔ.›

Luka 24:44

O kɔ, a y'a fɔ u ye ko: «Tuma min na ne tun ma sa ban, koo minw fɔra Musa ka sariya, ni kiraw ka kitabuw, ani Dɔnkiliw Ala ye kitabu la ne ka koo la, ne tun y'a fɔ aw ye ko wajibi lo o bɛɛ ka kɛ.»

Kɛwalew 28:25

Olu ma bɛn u ni ɲɔgɔn cɛ. Sanni u ka faran, Pɔli ye kuma kelen fɔ ko: «Nii Senuman ye kira Ezayi ci ka na min fɔ aw faaw ye, o ye tiɲɛ ye kosɔbɛ. A tun y'a fɔ a ye ko:

Rɔmukaw 1:2

Ala yɛrɛ tun y'o kibaru diman nin koo fɔ a ka kuma na a ka kiraw barika la,

Heburuw 3:7

O kama, Nii Senuman y'a fɔ ko: «N'aw y'a kaan mɛn bii,

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Piy 2nan 1:21

A ma kɛ i n'a fɔ kirayakuma bɔra mɔgɔw fɛ, nga Nii Senuman yɛrɛ le y'a don u daa la u tora ka kuma Ala tɔgɔ la.

Piy 2nan 3:2

Kiraw ye kuma minw fɔ ka tɛmɛ, aw k'aw hakili to o la, an'an Matigi, n'an kisibaga ka ciiw la, a ka cidenw y'e minw lase aw ma.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.