Kɛwalew 9:39 - ALA KA KUMA

³⁹ O yɔrɔnin bɛɛ, Piyɛri tugura u kɔ ka taga. U sera tuma min na, u yɛlɛla ni Piyɛri ye sangaso kan. Dɔrɔkasi tun ye fani minw dan k'a to nii na, firiyamusow bɛɛ tun be to ka kasi n'u b'o yira Piyɛri la.

Jula NT of Côte d’Ivoire

³⁹ Piyɛri wurira ka taga ni o ye. A sera yi minkɛ, o tagara ni a ye bon kɔnɔ sankaso san fɛ. Muso cɛ saninw bɛɛ nana Piyɛri lamini, ka to ka kasi. Ka Tabita ɲanaman to ni o ye, a tun bɛ derege fitiniw ni deregeba minw lalaga, o ka o bɛɛ yira Piyɛri ra.

LAYIDUKURA

³⁹ O yɔrɔnin bɛ, Piyɛri tugura u kɔ ka taa. U sera tuma min na, u yɛlɛla ni Piyɛri ye sangaso kan. Dɔrɔkasi tun ye fani minw dan k'a to nii na, firiyamusow bɛɛ tun bɛ to ka kasi n'u b'o yira Piyɛri la.

Kɛwalew 9:39 Iomraidhean Croise

Sam 2nan 1:24

Isirayɛlidenmusow, aw ka kasi Sayuli kosɔn, ale min tun be to k'aw masiri ni fani ɲanamanw ye, ale min tun be sanu kɛ k'aw ka faniw cɛɛ ɲa.

Zanaw 10:7

Mɔgɔtilennin ka koo be to mɔgɔw hakili la. Nga mɔgɔjugu kɔni tɔgɔ be tunu bugubugu.

Waajurikɛbaga 9:10

I bolo be se ka koo o koo kɛ, o kɛ n'i yɛrɛ ka fanga ye. Bari, lahara min ye i taayɔrɔ ye, baarako, ni jatiminɛ, ni lɔnniya, ani hakilitigiya te o yɔrɔ la.

Matiyu 17:17

Yezu y'a fɔ ko: «Aw bii mɔgɔw kɔni, aw ka jugu, aw te la Ala la. Ne bena to n'aw ye k'aw ka koo muɲu fɔɔ tuma jumɛn? Aw ye na ni deen nin ye yan.»

Matiyu 26:11

Aw bena to ni fantanw ye tuma bɛɛ. Nga ne tena to n'aw ye tuma bɛɛ.

Marika 14:8

A y'a seko le kɛ. A kɔnna ka ne fari kasa diya ni tulu nin ye ne suu donko kama.

Luka 24:44

O kɔ, a y'a fɔ u ye ko: «Tuma min na ne tun ma sa ban, koo minw fɔra Musa ka sariya, ni kiraw ka kitabuw, ani Dɔnkiliw Ala ye kitabu la ne ka koo la, ne tun y'a fɔ aw ye ko wajibi lo o bɛɛ ka kɛ.»

Yuhana 12:8

Aw bena to ni fantanw ye tuma bɛɛ, nga ne tena kɛ n'aw ye tuma bɛɛ.»

Yuhana 17:12

Ka ne to n'olu ye yan, i ye minw woloma k'o di ne ma, ne y'o bɛɛ mara i barika la, k'u tanga juguman ma, fɔɔ min tun latigɛra halaki ma. O fana kɛra janko min fɔra i ka kuma na, o ka kɛ.

Kɛwalew 1:13

U sera dugu kɔnɔ tuma min na, u tun be sangaso min kɔnɔ ka kɔrɔ, u yɛlɛla yen. Minw tun be yen, u tɔgɔw filɛ: Piyɛri, ni Zan, ni Zaki ani Andere, Filipu, ni Toma, Baritelemi ani Matiyo, Alife dencɛ Zaki, ni Simɔn u be min wele Fasodenŋana, ani Zude min faa tɔgɔ ko Zaki.

Kɛwalew 20:35

Ne y'a yira aw la cogo bɛɛ la ko an ka kan ka sigɛn ten, ka se ka dɛsɛbagatɔw dɛmɛ. O la, an hakili be to Matigi Yezu yɛrɛ ka dalakuma nin na ko: ‹Nisɔndiya be mɔgɔ sɔnni na ka tɛmɛ sɔrɔli kan.› »

Kɛwalew 6:1

Kalandenw tora ka caya. Waati dɔ la, zuwifu minw bɔra yɔrɔ wɛrɛ, n'u be girɛkikan fɔ, olu tora ka tɔw kɔrɔfɔ k'u te to k'u mako don olu ka firiyamusow la kosɔbɛ dumuni tilantuma na loon o loon.

Kɛwalew 8:2

Mɔgɔɲuman dɔw ye Etiyɛni suu don k'a sanga kɛ kosɔbɛ.

Kɛwalew 9:41

Piyɛri y'a bolo minɛ k'a wili, a sɔrɔla ka Krista ka jama ni firiyamusow wele k'a yira u la.

Kor 2nan 8:12

Bari see min b'i ye, n'i y'i yɛrɛ di ka sɔnni kɛ ka kɛɲɛ n'o ye, o le ka ɲi. Ni fɛɛn t'i bolo, baasi tɛ.

Ɛfɛsikaw 4:28

Mɔgɔ min be soɲali kɛ, o tigi kana soɲali kɛ tugu, nga o tigi ka baara kɛ ka ɲa, janko a ka se ka sɔrɔli kɛ ka dɔ di dɛsɛbagatɔw ma.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Tes fɔlɔ 4:13

N balimaw, mɔgɔ minw sara, an t'a fɛ aw ka to olu ka koo lɔnbaliya la, waasa aw dusu kana kasi i n'a fɔ mɔgɔ tɔw, jigi te minw fɛ.

Tim fɔlɔ 5:3

Mɔgɔ te firiyamuso minw fɛ, i ka olu minɛ ni boɲa ye.

Tim fɔlɔ 5:5

Min kɛra firiyamuso ye sɔbɛ la, mɔgɔ te a fɛ ka janto a la, ale b'a jigi bɛɛ la Ala kan. A be Ala daali ka dɛmɛ ɲini suu fara tile kan.

Zan fɔlɔ 3:18

Ne deenw, an kan'a fɔ an daa la dɔrɔn ko an tɔɲɔgɔn koo ka di an ye. Nga an k'a yira tiɲɛ na n'an ka kɛwaliw ye.