Kɛwalew 9:31 - ALA KA KUMA

³¹ O tuma na, Krista ka jama tun be hɛrɛ la Zude, ni Galile ani Samari mara nunu bɛɛ la. U ka lanaya tun be taga ɲa. U tun be Matigi boɲa. Nii Senuman barika la, u tun be caya ka taga.

Jula NT of Côte d’Ivoire

³¹ Ayiwa, o wagati ra lanabagaw ta jɛnkuru* mɔgɔw tun bɛ hɛra ra Zude ni Galile ni Samari. O baraka tun bɛ bonyara, o tun bɛ tagama Matigi ɲasiran na; dɔw fana tun bɛ farara o kan lon o lon Nin Saninman* baraka ra.

LAYIDUKURA

³¹ O tuma na, Ala ka jama tun bɛ hɛrɛ la Zude, ni Galile ani Samari mara nunu bɛɛ la. U tun bɛ buguya ka taa. U taamacogo tun bɛ bonya la Matigi kan kosɛbɛ. Nii Senuman barika la, u ka koow tun bɛ sabati.

Kɛwalew 9:31 Iomraidhean Croise

Lok fɔlɔ 22:18

A y'a fɔ u ye ko: «Masaba aw ka Ala te n'aw ye wa? A ma lafiya di aw ma faan bɛɛ la wa? Tiɲɛ na, a ye jamana nin mɔgɔkɔrɔw don ne bolo, olu y'u yɛrɛ majigi Masaba n'a ka jama ye.

Lok fɔlɔ 22:9

A y'a fɔ tugu ko ne bena dencɛ sɔrɔ, k'o deen nin bena kɛ hɛrɛmɔgɔ ye, ko ale bena ɲasuma sɔrɔ a juguw bɛɛ cɛma, minw b'a lamini, a tɔgɔ bena la Solomani. Ale sababu la, Isirayɛlidenw bena hɛrɛ ni ɲasuma sɔrɔ a ka tile la.

Nehemi 5:15

O y'a sɔrɔ lasigiden minw tɛmɛna ne ɲafɛ, olu tun be to ka jama tɔɔrɔ, u tun be to ka dumuni ni duvɛn minɛ u fɛ, ani warigwɛ kuru bi naani. U ka baaradenw fana tun be to ka kuntigiya kɛ jama kan. Alaɲasiran kosɔn, ne ma sɔn k'o kɛ.

Nehemi 5:9

O kɔ, n y'a fɔ u ye ko: «Aw be fɛɛn min kɛra, o ma ɲi. Aw man kan k'aw ka kɛtaw kɛ k'o kɛɲɛ n'an ka Ala ɲasiran ye wa, janko an juguw siya wɛrɛw kana an nɛni?

Ayuba 28:28

O la, a y'a fɔ adamaden ye ko: ‹Ka siran ne Matigi ɲa, o le ye lɔnniya ye. Ka kojugu dabila, o ye hakilitigiya ye.› »

Zaburu 111:10

Lɔnniya daminɛyɔrɔ ye Matigi ɲasiran ye. Mɔgɔ minw y'a sɔrɔ, olu be koo faamu ka ɲa. Masaba tanuko ye waati bɛɛ koo ye.

Zaburu 86:11

Masaba, i ka sira yira ne la. Ne bena i ka tiɲɛko kɛ. Kɔnɔgwɛ di ne ma, n ka siran i ɲa.

Zaburu 94:13

A bena lafiɲɛyɔrɔ sɔrɔ sɛgɛn loon na, k'a sɔrɔ dingɛ le be sogira mɔgɔjugu kama.

Zanaw 1:7

Masaba ɲasiran ye lɔnniya daminɛyɔrɔ ye. Nalomanw dama le be ban lɔnniya ni ladili ma.

Zanaw 23:17

Kana kojugukɛla ɲagoya. Siran Masaba ɲa tuma bɛɛ.

Zanaw 8:13

Ka siran Masaba ɲa, o kɔrɔ ko i ka kojugu goya i yɛrɛ ye. Yɛrɛboɲa, yada, kojugu, dajugu, olu koo ka go ne ye.

Ezayi 11:10

O loon na, Zese kɔmɔgɔ bena wili ka kɛ taamasiɲɛ ye siyaw fɛ. Jamana wɛrɛw ben'a yɔrɔ ɲini. A bena to yɔrɔ min na, boɲa bena l'a kan.

Ezayi 33:6

Aw be se ka to hɛrɛ la. Lɔnniya ni hakilitigiya ye nafolo ye min be mɔgɔ kisi. Ka siran Masaba ɲa, o le ye Siyɔnkaw ka nafolo ye.

Jakariya 8:20

Masaba, Setigi ko: «Siya wɛrɛw ni dugubaba caaman mɔgɔw bena na tugu.

Kɛwalew 12:24

Ala ka kuma tun be jɛnsɛn ka taga dɔrɔn.

Kɛwalew 16:5

Dugu o dugu la, Krista ka jama jigi tun be sabatira ka taga ɲa. Loon o loon, dɔ tun be fara u kan.

Kɛwalew 2:47

U tun be Ala tanu, mɔgɔ bɛɛ tun b'u filɛ ni ɲaɲuman ye. Matigi tun ye mɔgɔ minw kisi, a tun be olu ladon jɛnkulu nin kɔnɔ loon o loon.

Kɛwalew 20:32

«Ayiwa, sisan kɔni, ne b'aw kalifa Ala n'a ka nɛɛmakuma ma, see be kuma min ye k'aw sabati, ka siniɲasigi labɛn k'a bila Ala ka mɔgɔw bɛɛ ye.

Kɛwalew 5:11

Siranya ye Krista ka jama minɛ kosɔbɛ, mɔgɔ minw bɛɛ fana y'o kibaru mɛn, olu bɛɛ siranna kosɔbɛ.

Kɛwalew 6:7

Ala ka kuma tora ka jɛnsɛn, kalandenw tora ka caya kosɔbɛ Zeruzalɛmu kɔnɔ. Sarakalasebaga caaman sɔnna ka la Yezu la.

Kɛwalew 8:1

Etiyɛni fagako tun diyara Sɔli ye. O loon kelen yɛrɛ la, u y'a daminɛ ka Krista ka jama tɔɔrɔ kosɔbɛ. U bɛɛ ye dugu bila jagoya la, ka jɛnsɛn dugudenninw na, Zude mara, ani Samari mara la, fɔɔ cidenw dɔrɔn.

Rɔmukaw 14:17

Bari Ala ka masaya te dumuni, walima minnifɛn koo ye, nga tilenninya ni hɛrɛ ani nisɔndiya koo lo Nii Senuman barika la.

Rɔmukaw 14:19

O la sa, an ka banba ka to hɛrɛ la ɲɔgɔn fɛ ani ka ɲɔgɔn dɛmɛ ka barika sɔrɔ Krista ka sira la.

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 5:5

Jigi do te taga ka mɔgɔ to bololakolon, bari Ala y'an kanu cogo min na, o b'an dusu la Nii Senuman barika la, a y'ale min d'an ma.

Kor fɔlɔ 14:12

Aw kɔni, Nii Senuman be see minw di, olu nigɛ b'aw la kosɔbɛ, o ka kɛ Krista ka jama ka ɲataga kosɔn.

Kor fɔlɔ 14:26

Ne ka mun le fɔ sa n balimaw? N'aw be lajɛnni na, ni mɔgɔ dɔ b'a fɛ ka dɔnkili la, o k'o la. Ni kalan be dɔ wɛrɛ fɛ, ale ka mɔgɔw kalan. Ni koo yirata be dɔ wɛrɛ fɛ ka bɔ Ala fɛ, o k'o fɔ. Dɔ b'a fɛ ka kuma kaan wɛrɛ la wa? O tigi k'o kɛ. Ni mɔgɔ dɔ be se k'o kɔrɔ fɔ, o tigi k'o fɔ. O koo bɛɛ ka kan ka kɛ waasa mɔgɔ bɛɛ ka taga ɲa.

Kor 2nan 10:8

Matigi ye see min d'an ma k'aw dɛmɛ ka taga ɲa, o ma d'an ma aw ka makosa kama. Hali ni ne ye n yɛrɛ boɲa o kosɔn ka tɛmɛ dɔɔni, ne te maloya n'o ye.

Kor 2nan 12:19

Aw be miiri kabini tumajan, ko an be tiɲɛ le ɲinina, o tɛ wa? Ayi dɛ, ne terisɔbɛw, an b'a fɛ aw ka se ka taga ɲa le. O le y'a to Krista barika la, an b'an ka kuma fɔ Ala ɲakɔrɔ.

Kor 2nan 13:10

O le y'a to ne be to yɔrɔjan na, ka sɛbɛ ci aw ma, waasa ni ne sera aw fɛ, ne kana fariya aw ma ni kuntigiya ye Matigi ye min di ne ma. A y'o di waasa ne k'aw dɛmɛ ka taga ɲa, a m'o di ne ma k'aw mako sa.

Kor 2nan 7:1

Ne teriw, dadili nin kɛra an ye minkɛ, o kama, an k'an yɛrɛ saniya ka bɔ nɔgɔ sifa bɛɛ la, farisogo ta, ni dusu ta. An ka kɛ mɔgɔdafaninw ye Ala ɲasiran barika la.

Ɛfɛsikaw 4:12

A y'o kɛ waasa k'a ka mɔgɔw labɛn u ka se ka baara kɛ, janko Krista farisogo ka barika sɔrɔ.

Ɛfɛsikaw 4:16

Ale barika la, farikolo yɔrɔ bɛɛ be ɲɔgɔn minɛ ka ɲa, ka kɛ kelen ye. Bɛɛ n'a ka baara, o la a farisogo bɛɛ lajɛnnin be boɲa ka barika sɔrɔ kanuya la.

Ɛfɛsikaw 4:29

Kumajugu kana bɔ aw si daa la, fɔɔ kumaɲuman, min be se k'a mɛnbagaw dɛmɛ ani k'u mako ɲa cogo dɔ la.

Ɛfɛsikaw 5:21

Krista ɲasiran kosɔn, aw k'aw yɛrɛ majigi ɲɔgɔn ye.

Sariya 12:10

Nga a bena jamana min di aw ma, aw bena Zurudɛn baji tigɛ fɔlɔ ka sɔrɔ ka sigi yen. A bena lafiɲɛ di aw ma k'aw kisi aw juguw bɛɛ ma minw b'aw lamini na. Aw bena to hɛrɛ la yen.

Filipikaw 2:1

Ni jigitugu be sɔrɔ Krista fɛ, ni jagwɛlɛya be sɔrɔ a ka kanuya la, ni jɛnɲɔgɔnya be aw ni Nii Senuman cɛ, ni ɲumanya ni hinɛ be sɔrɔ a la,

Kɔlɔsikaw 1:10

O la, aw taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaraɲuman sifa bɛɛ kɛ, ani ka Ala lɔn kosɔbɛ.

Tes fɔlɔ 5:11

O la aw ka ɲɔgɔn jigi tugu, ani ka ɲɔgɔn dɛmɛ, i n'a fɔ aw b'a kɛra ka ban cogo min na.

Tim fɔlɔ 1:4

U be fɔlɔfɔlɔko minw fɔ u kunfɛ ani mɔgɔw buruju fɔko, i k'a fɔ u ye k'u k'o dabila, o be sɔsɔli le caya. Ala sago te se ka kɛ ten, a be se ka kɛ lanaya le barika la.

Heburuw 4:9

Ayiwa, lafiɲɛlon ɲanaman maranin be Krista ka jama ye.

Yosuwe 21:44

Masaba ye hɛrɛ kɛ u ye u faan bɛɛ la, i n'a fɔ a tun y'a daa di cogo min na u faaw ma. U jugu si ma se ka lɔ u ɲafɛ, Masaba y'u juguw bɛɛ don u bolo.

Zude 1:20

Nga aw kɔni, ne teriw, aw ka jija ka taga ɲa aw jigi ka to Ala kan sɔbɛ la, ani ka Ala daali Nii Senuman barika la.

Kititigɛbagaw 3:30

K'a ta o loon na, mowabuw tora Isirayɛlidenw ka fanga kɔrɔ. A kɛra ten, jamana nin tora hɛrɛ la saan bi seegi kɔnɔ.