Kɛwalew 9:20 - ALA KA KUMA

²⁰ O yɔrɔnin bɛɛ, Sɔli y'a daminɛ ka mɔgɔw kalan kalansow kɔnɔ ko Yezu ye Ala Deen ye.

Jula NT of Côte d’Ivoire

²⁰ O wagati yɛrɛ ra Sɔli ka kɛ waajuri kɛ ye karansow kɔnɔ, k’a fɔ o ye ko Den min bɔra Ala ra*, ko o ye Yesu le ye.

LAYIDUKURA

²⁰ O yɔrɔnin bɛ Sɔli y'a daminɛ ka mɔgɔw kalan Alabatosow kɔnɔ ko Yezu ye Ala Deen ye.

Kɛwalew 9:20 Iomraidhean Croise

Zaburu 2:12

Aw k'a Dencɛ boɲa janko a kana dimi, aw kana bari ka sa, bari a dimi man gwɛlɛ. Mɔgɔ minw bɛɛ b'u yɛrɛ kalifa a ma, olu dagamunin lo.

Zaburu 2:7

Ne bena Masaba ka kolatigɛnin fɔ. A ko ne ma: «I ye ne Dencɛ ye, ne le y'i wolo bii.

Matiyu 27:43

A y'a jigi bɛɛ la Ala kan k'a fɔ ko ale ye Ala Deen ye. An k'a filɛ sisan ni Ala ben'a kisi.»

Matiyu 27:54

Sɔlidasi kuntigi min tun be Yezu kɔlɔsira n'a ka sɔlidasiw ye, olu ye dugukolo ye a yɛrɛyɛrɛla, ani koo minw kɛra o waati la, u y'o bɛɛ ye, u siranna kosɔbɛ. U y'a fɔ ko tiɲɛ na, cɛɛ nin tun ye Ala Deen ye.

Matiyu 4:3

Sutana gwɛrɛla a la k'a fɔ a ye ko: «N'i ye Ala Deen ye, a fɔ ko kabakuru nunu ka yɛlɛma ka kɛ buru ye.»

Yuhana 1:49

Natanayɛli y'a jaabi ko: «Karamɔgɔ, i ye Ala Deen ye, i ye Isirayɛli ka masa ye.»

Yuhana 19:7

Zuwifu nunu y'a fɔ ko sariya be olu fɛ, k'olu ka sariya la a ka kan ka faga, bari a y'a yɛrɛ kɛ Ala Deen ye.

Yuhana 20:28

Toma y'a fɔ a ye ko: «Ne Matigi ni n ka Ala!»

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka nii banbali sɔrɔ a barika la.

Kɛwalew 13:14

Olu kɔni tora Pɛrize ka taga ɲafɛ ka se Antiyɔsi, min be Pisidi jamana na. Lafiɲɛlon sera, u tagara don kalanso kɔnɔ ka sigi.

Kɛwalew 13:33

ko a y'o koo nin kɛ an ye sisan, an minw y'u ka deenw ye, bari, a ye Yezu kunun a sanin kɔ. A kɛra ten, kitabu min be wele Dɔnkiliw Ala ye kitabu, a sɛbɛnnin be o dɔnkili filanan na ko: ‹I ye ne Dencɛ ye, ne le y'i wolo bii.›

Kɛwalew 13:46

Pɔli ni Barinabasi hakili sigininba y'a fɔ u ye ko: «Ala ka kuma ka kan ka fɔ aw zuwifuw le ye fɔlɔ. Nga aw do be bann'a la, o b'a yira ko aw man kan ni nii banbali ye. N'o lo, an b'an ɲaa sin siya wɛrɛw ma,

Kɛwalew 13:5

U bɔra yen ka na se Salaminɛ, u ye Ala ka kuma fɔ zuwifuw ka kalansow kɔnɔ. Zan Mariki tun be n'u ye ka to k'u dɛmɛ.

Kɛwalew 14:1

Pɔli ni Barinabasi sera Ikoniyɔmu, u donna zuwifuw ka kalanso kɔnɔ fana ka mɔgɔw waaju, fɔɔ zuwifuw ni siya wɛrɛw caaman lara Yezu la.

Kɛwalew 16:13

Lafiɲɛlon sera, an bɔra dugu kɔfɛ ka taga kɔɔ dɔ faan fɛ. An y'a miiri ko an bena zuwifuw ka Ala batoyɔrɔ sɔrɔ yen. An tagara muso dɔw lajɛnnin sɔrɔ, an sigira k'u waaju.

Kɛwalew 17:10

O loon kelen sufɛ, balima minw tun be Tesaloniki, olu bɔra ni Pɔli ni Silasi ye k'u ka taga Bere. U sera yen tuma min na, u tagara zuwifuw ka kalanso kɔnɔ.

Kɛwalew 17:17

O la, a y'a daminɛ ka kuma ni zuwifuw ni mɔgɔtuubininw ye kalanso kɔnɔ. Loon o loon, a tun be taga forobayɔrɔ la ka kuma jama fɛ.

Kɛwalew 17:2

Pɔli tagara u fɛ lafiɲɛlon na, i n'a fɔ a tun be deli k'a kɛ yɔrɔ tɔw la cogo min na. A ye lɔgɔkun saba kɛ u fɛ, ka to ka ɲɔgɔn sɔsɔ ka Ala ka kuma fɔ u ye lafiɲɛlon o lafiɲɛlon.

Kɛwalew 18:19

U sera Efɛzi tuma min na, a y'a taamaɲɔgɔnw to yen ka ta'a kelen kalanso kɔnɔ ka baro kɛ ni zuwifuw ye.

Kɛwalew 18:4

Lafiɲɛlon o lafiɲɛlon, Pɔli tun be mɔgɔw waaju kalanso kɔnɔ. A tun be jija waasa ka se zuwifuw ni girɛkiw kɔrɔ.

Kɛwalew 19:8

O kɔ, Pɔli tora ka taga kalanso kɔnɔ, ka to yen n'a be mɔgɔw kalan Ala ka masaya koo la fɔɔ kalo saba. A tun be jija waasa ka se a lamɛnbagaw kɔrɔ.

Kɛwalew 8:36

K'u to sira kan, u sera jii dɔ yɔrɔ la. Cɛɛ ko: «Jii filɛ nin ye, mun be se k'i bali ka ne batize?» [

Kɛwalew 8:37

Filipu y'a jaabi ko: «N'i lara Yezu la kosɔbɛ, ne be se k'i batize.» Cɛɛ ko: «Ne lara a la ko Yezu Krista ye Ala Deen ye.»]

Kɛwalew 9:22

O n'a ta bɛɛ, Sɔli kɔni tun be barika sɔrɔla ka taga ɲa. A tun be waajuli kɛ ko Yezu ye Ala ka Mɔgɔ wolomanin ye fɔɔ ka Damasi zuwifuw dabari ban, u m'a lɔn u bena min fɔ a ye.

Rɔmukaw 1:4

Nii Senuman y'a yira ko an Matigi Yezu Krista ye Ala Dencɛ ye, o sebagaya lɔnna a kununni fɛ a sanin kɔ.

Galasikaw 1:16

A y'a Dencɛ yira ne la, waasa ne k'a koo fɔ siya wɛrɛw ye. O la, o yɔrɔnin bɛɛ, ne ma adamaden ka ladili kɔnɔ.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Yirari 2:18

«Sɛbɛ ci Krista ka jama ka mɛlɛkɛ ma Tiyatiri k'a fɔ u ye ko: Ala Dencɛ, min ɲadenw be i n'a fɔ tasuma, n'a seenw be i n'a fɔ zira konin, ale ko: