Kɛwalew 8:5 - ALA KA KUMA

⁵ O cogo la, Filipu fana sera dugu dɔ la Samari mara la, ka Ala ka Mɔgɔ wolomanin koo fɔ u ye.

Jula NT of Côte d’Ivoire

⁵ O ra, Filipe tagara Samari dugu dɔ ra, ka taga Kisibaga* Yesu Kirisita ta ko waajuri kɛ o mɔgɔw ye.

LAYIDUKURA

⁵ O cogo la, Filipi fana sera dugu dɔ la Samari mara la, ka Ala ka Mɔgɔwolomanin koo fɔ u ye.

Kɛwalew 8:5 Iomraidhean Croise

Kɛwalew 1:8

Nga ni Nii Senuman jigira aw kan tuma min na, aw bena fanga sɔrɔ ka se ka n ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taga se diɲɛ faan bɛɛ la.»

Kɛwalew 21:8

O dugusagwɛ, an bɔra k'an kuun sin Sezare. An sera yen, an jigira kibaru diman fɔbaga Filipu fɛ. Cidenw tun ye mɔgɔ wolonwula minw woloma, olu la kelen tun lo.

Kɛwalew 5:42

Loon o loon, Yezu min ye Ala ka Mɔgɔ wolomanin ye, cidenw tun be to ka taga ale ka kibaru diman fɔ mɔgɔw ye Alabatosoba kɔnɔ, ani u yɛrɛ ka soow kɔnɔ.

Kɛwalew 6:5

O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun be Ala kan kosɔbɛ Nii Senuman tun b'a fɛ, ni Filipu, ani Porokɔri, Nikanɔri ni Timɔn, ni Parimenasi, ani Nikola ka bɔ Antiyɔsi, min donna zuwifuya la.

Kɛwalew 8:1

Etiyɛni fagako tun diyara Sɔli ye. O loon kelen yɛrɛ la, u y'a daminɛ ka Krista ka jama tɔɔrɔ kosɔbɛ. U bɛɛ ye dugu bila jagoya la, ka jɛnsɛn dugudenninw na, Zude mara, ani Samari mara la, fɔɔ cidenw dɔrɔn.

Kɛwalew 8:26

Matigi ka mɛlɛkɛ kumana Filipu fɛ ko: «Filipu, i labɛn ka taga worodugu ɲafan fɛ. Sira min be bɔ Zeruzalɛmu ka taga Gaza, i k'o minɛ, a taamabagaw man ca.»

Kɛwalew 8:30

Filipu bolila ka gwɛrɛ, k'a ye ko cɛɛ be kira Ezayi ka kitabu kalanna. A y'a kaan to a ma ko: «I be yɔrɔ min kalanna ten wo, i b'a kɔrɔ lɔn wa?»

Kɛwalew 8:40

Filipu nan'a ye ko ale be Azɔti. A tora ka taga duguw la, ka kibaru diman fɔ o yɔrɔw la, fɔɔ ka na se Sezare.

Kɛwalew 8:6

Mɔgɔw ye Filipu ka kabakokɛninw kibaru mɛn ani k'u ye fana, u bɛɛ jɛnna k'a lamɛn kosɔbɛ.

Kɛwalew 9:20

O yɔrɔnin bɛɛ, Sɔli y'a daminɛ ka mɔgɔw kalan kalansow kɔnɔ ko Yezu ye Ala Deen ye.

Kor fɔlɔ 1:23

An be Krista gwengwenko fɔra. O kɛra kunnacɛnko ye zuwifuw fɛ, ka kɛ nalomanyako ye siya wɛrɛw fɛ.

Kor fɔlɔ 2:2

Ka ne to aw cɛma, n tun t'a fɛ aw ka fɛɛn wɛrɛ lɔn, fɔɔ Yezu Krista dama, n'a gwengwenko lɔgɔ kan.

Kor fɔlɔ 3:11

bari mɔgɔ si te se ka soo juu wɛrɛ sigi min be danna fɔlɔta la min ye Yezu Krista ye.