Kɛwalew 8:39 - ALA KA KUMA

³⁹ U bɔra jii kɔnɔ tuma min na, Matigi ka Nii ye Filipu ta ka bɔ yen. Cɛɛ m'a ye tugu. Nga a nisɔn diyanin tagara n'a ka sira ye.

Jula NT of Côte d’Ivoire

³⁹ O bɔra ji ra wagati min na, Matigi Nin ka Filipe ta ka taga ni a ye. Cɛ ma Filipe ye tuun, nka a ka sira ta ka taga, a ninsɔndiyanin.

LAYIDUKURA

³⁹ U bɔra jii kɔnɔ tuma min na, Nii Senuman ye Filipi fosi ka bɔ yen. Cɛɛ m'a ye tugu. Nga a nisɔn diyanin taara n'a ka sira ye.

Kɛwalew 8:39 Iomraidhean Croise

Mas fɔlɔ 18:12

Ne taanin kɔ dɔrɔn, Masaba ka Nii bena i ta ka taga n'i ye yɔrɔ wɛrɛ ne tena min lɔn. Ni ne tagar'a fɔ Akabu ye ka ban tuma min na, a bena na, n'a ma i sɔrɔ yan, a bena ne faga. Ne, i ka baarakɛla do be siran Masaba ɲa kabini ne denmisɛntuma na.

Mas 2nan 2:16

U y'a fɔ a ye ko: «Cɛfari mɔgɔ bi duuru be i ka baarakɛlaw fɛ. A to u be taga i kuntigi yɔrɔ ɲini. N'a sɔrɔ Masaba ka Nii y'a ta ka ta'a bila kulu dɔ kan, walima kɔkɛnɛ dɔ la.» Elize y'a fɔ u ye ko: «Ayi, aw kana u ci.»

Zaburu 119:111

E ka fɔtaw le ye ne niyɔrɔ ye kudayi. Tiɲɛ na, o le be ne nisɔndiya.

Zaburu 119:14

Ka tugu i ka fɔta kɔ, o be ne nisɔndiya. Ne be nisɔndiya i ko nafolo bɛɛ le be ne fɛ.

Ezayi 61:10

Ne Zeruzalɛmu nisɔn ka di kosɔbɛ Masaba barika la. Ne dusu ka di ne ka Ala sababu la. Bari, a ye kisili fani don ne kaan na, a ye tilenninya deleke don ne kaan na, i ko kɔɲɔcɛ min masirinin be ni sarakalasebaga ka kunmelekefani ɲɔgɔn ye, i ko kɔɲɔmuso min y'a yɛrɛ masiri.

Ezekiyɛli 11:1

O kɔ, Masaba ka Nii ye ne kɔrɔta ka taga ni ne ye Masaba ka soo donda la, min sinnin be kɔrɔn ɲafan fɛ. Ne ye mɔgɔ mugan ni duuru ye o donda la. Ne ye Azuri dencɛ Yazaniya ni Benayawu dencɛ Pelatiyawu ye u cɛma, olu le tun ye jama ɲamɔgɔw ye.

Ezekiyɛli 11:24

Ala Nii ye ne kɔrɔta ka taga ni ne ye Babilɔni, Isirayɛlidenw fɛ olu minw tun tagara jɔnya la. Ne ye koo nunu ye Ala Nii barika la. Fɛɛn min tun yirala ne la, o wilila sanfɛ ka ne to yen.

Ezekiyɛli 37:1

Masaba ka sebagaya sera ne ma. A ye ne ta a yɛrɛ Nii barika la ka taga ni ne ye kɔkɛnɛ dɔ cɛmancɛ la. O yɔrɔ fanin tun be mɔgɔ kolow la.

Ezekiyɛli 43:5

Ala Nii ye ne ta ka don kɔnɔnalu la. Ne y'a ye ko Masaba ka nɔɔrɔ ye Alabatoso fa.

Ezekiyɛli 8:3

A y'a bolo kɛ ka ne minɛ ne kunsigi ma. Ala Nii ye ne kɔrɔta sanfɛ, ka taga ni ne ye Zeruzalɛmu yelifɛn nin kɔnɔ fɔɔ ka taga se Alabatoso kɔnɔnalu daa la min ɲasinnin be kɔgɔdugu ɲafan fɛ. Joo min ye keliya bila Ala la, o tun be o yɔrɔ la.

Matiyu 13:44

«*Sankolo masaya be i ko nafolo dogonin, foro dɔ la. Cɛɛ dɔ tagara o sɔrɔ k'a ta k'a dogo tugu. A nisɔn diyara kosɔbɛ, fɔɔ a tagar'a bololafɛn bɛɛ feere ka segi ka taga foro nin san.

Matiyu 3:16

Yezu batizenin kɔ, a bɔra jii la. O yɔrɔnin bɛɛ, sankolo dayɛlɛla. Yezu ye Ala ka Nii jigitɔ ye a yɛrɛ kan i n'a fɔ tuganin.

Marika 1:10

Yezu bɔtɔ jii la, a ye sankolo dayɛlɛnin ye ka Nii Senuman jigitɔ ye a kan i n'a fɔ tuganin.

Kɛwalew 13:52

Kalanden minw tora u kɔ, u fanin tun be Nii Senuman na, u nisɔn tun ka di.

Kɛwalew 16:34

A ye dumuni d'u ma a ka soo. Ale n'a ka somɔgɔw bɛɛ nisɔn diyara, bari u lara Ala la.

Kɛwalew 8:29

Nii Senuman y'a fɔ Filipu ye ko a ka gwɛrɛ wotoro nin na.

Kɛwalew 8:38

A y'a fɔ ko wotoro bolibaga ka wotoro lalɔ. Ale ni Filipu jigira ka don jii kɔnɔ, Filipu y'a batize.

Kɛwalew 8:8

Dugu mɔgɔw nisɔn diyara kosɔbɛ.

Rɔmukaw 5:2

Ale Yezu barika la fana, an ye niyɔrɔ sɔrɔ nɛɛma nin na an jigi sababu la. An be nisɔndiya Ala ka nɔɔrɔ koo la, bari an jigi b'a la ko an bena o ɲɔgɔn sɔrɔ.

Filipikaw 3:3

Bari mɔgɔ minw kɛnɛkɛnɛna sɔbɛ la, o ye anw le ye, an minw be Ala bato a ka Nii barika la, k'an ka boɲa sɔrɔ Yezu Krista barika la, an minw t'an jigi la an yɛrɛ kan.

Filipikaw 4:4

Aw ka nisɔndiya tuma bɛɛ Matigi kosɔn. Halibi ne be kɔsegi k'a fɔ aw ye ko aw ka nisɔndiya.

Yakuba 4:16

Aw b'aw yɛrɛ boɲa n'aw ka kuma fufafu ye. K'a sɔrɔ o ɲɔgɔn ma ɲi.