Kɛwalew 8:25 - ALA KA KUMA

²⁵ Piyɛri ni Zan tun be min lɔn Yezu ka koo la, u y'o fɔ mɔgɔw ye ka ban, u kɔsegitɔ Zeruzalɛmu, u tora ka Yezu ka kibaru diman fɔ Samari mara dugu caaman na.

Jula NT of Côte d’Ivoire

²⁵ Piyɛri ni Yuhana ka seereya kɛ, ka Matigi ta Kibaro Diman fɔ mɔgɔw ye minkɛ, o sekɔra ka taga Zeruzalɛmu; o tagatɔ ka Kibaro Diman fɔ Samari dugumisɛnw caman na ka taga.

LAYIDUKURA

²⁵ Piyɛri ni Zan tun bɛ min lɔn Yezu koo la, u y'o fɔ mɔgɔw ye ka ban, u kɔsegitɔ Zeruzalɛmu, u tora ka Yezu ka kibaru diman fɔ Samari mara dugu caaman na.

Kɛwalew 8:25 Iomraidhean Croise

Matiyu 10:5

Yezu y'o mɔgɔ tan ni fila nunu ci tuma min na, a y'a fɔ u ye ko: «Aw kana taga siya wɛrɛw fɛ. Aw kana taga Samari mara dugu si la.

Luka 16:28

bari dɔgɔcɛ duuru be ne fɛ. A ka taga u lasɔmi waasa olu fana kana na nin tɔɔrɔ yɔrɔ la.›

Yuhana 15:27

Aw fana, aw bena ne koo fɔ, bari aw tun be ni ne ye kabini ne ka baara daminɛ na.

Kɛwalew 1:8

Nga ni Nii Senuman jigira aw kan tuma min na, aw bena fanga sɔrɔ ka se ka n ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taga se diɲɛ faan bɛɛ la.»

Kɛwalew 13:12

Ayiwa, koo min kɛra, masacɛlankan y'o ye, an'a ye kuma min mɛn Matigi ka koo la, a kabakoyara haali. A lara Yezu la.

Kɛwalew 18:5

Silasi ni Timote nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira zuwifuw la ko Yezu le ye Ala ka Mɔgɔ wolomanin ye.

Kɛwalew 20:21

N y'a fɔ zuwifuw, ni siya wɛrɛw ye, k'u ka nimisa ka faran u ka kojuguw la k'u ɲasin Ala ma, ka la an Matigi Yezu la.

Kɛwalew 28:23

U bɛnna loon wɛrɛ la. O loon, zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun be ka Yezu ka koo don u dusu la. O kama, a tun be Musa ka sariya ani kiraw ka kitabuw kɔnɔnakumaw ɲafɔ u ye.

Kɛwalew 28:28

«Ayiwa, ne Pɔli b'a fɔ aw ye ko Ala ka kuma bena fɔ siya wɛrɛw le ye sisan. Olu ben'a lamɛn, ka kisi.» [

Kɛwalew 28:31

A tun be Ala ka masaya koo fɔ u ye, ka mɔgɔw kalan Matigi Yezu Krista ka koow la ni jagwɛlɛya ye, mɔgɔ si tun t'a bali.

Kɛwalew 8:40

Filipu nan'a ye ko ale be Azɔti. A tora ka taga duguw la, ka kibaru diman fɔ o yɔrɔw la, fɔɔ ka na se Sezare.

Piy fɔlɔ 5:12

Ne ka kuma damani nunu n be minw cira aw ma, Silivɛn le y'o sɛbɛn. N b'a jati n badensɔbɛ ye. N b'a fɛ k'aw ladi, k'a yira aw la ko Ala ka nɛɛma tigitigi lo ne ye min koo fɔ aw ye, aw bolo lanin be min kan.