Kɛwalew 8:1 - ALA KA KUMA

¹ Etiyɛni fagako tun diyara Sɔli ye. O loon kelen yɛrɛ la, u y'a daminɛ ka Krista ka jama tɔɔrɔ kosɔbɛ. U bɛɛ ye dugu bila jagoya la, ka jɛnsɛn dugudenninw na, Zude mara, ani Samari mara la, fɔɔ cidenw dɔrɔn.

Jula NT of Côte d’Ivoire

¹ Sɔli fana tun sɔnna Etiyɛni fagako ma. O lon na, kɔni tɔɔrɔba sera lanabagaw bɛɛ ma Zeruzalɛmu; o tɔɔrɔ bonyakojugu fɛ, lanabagaw bɛɛ janjanna ka taga Zude mara ni Samari mara ra. Ciradenw* dɔrɔn le tora Zeruzalɛmu.

LAYIDUKURA

¹ Etiyɛni ka fagako kɔni tun diyara Sɔli ye. O loon kelen yɛrɛ la, u y'a daminɛ ka Ala ka jama tɔɔrɔ kosɛbɛ. U ye dugu bila jagoya la, ka jɛnsɛn kongoduguw la, Zuda mara, ani Samari mara la, fɔɔ cidenw dɔrɔn.

Kɛwalew 8:1 Iomraidhean Croise

Nehemi 6:3

O la, n ye mɔgɔ dɔw ci u fɛ k'a fɔ u ye ko: «Baaraba be ne fɛ, ni n b'a kɛra, ne tena se ka taga aw fɛ. Ni ne bɔra ko n be taga aw fɛ, baara nin bena lɔ.»

Daniyɛli 6:10

O la, masacɛ Dariyusi y'a bulonɔ bila sariya sɛbɛ nin kan.

Daniyɛli 6:23

Ne ka Ala y'a ka mɛlɛkɛ ci ka na jara nunu daa siri, u ma foyi kɛ ne la, bari a y'a ye ko ne ma kojugu kɛ, ne fana ma foyi cɛn ele masacɛ fɛ.»

Matiyu 22:6

Tɔɔ nunu ye baaradenw minɛ k'u tɔɔrɔ kosɔbɛ ani k'u faga.

Matiyu 23:34

Ayiwa, aw ye mɛnni kɛ. Ne bena n ka cidenw ci aw ma, hakilitigiw ani mɔgɔkalanninw. Aw bena dɔw faga ka dɔw gwengwen lɔgɔ kan, ka dɔw bugɔ ni golokami ye kalansow kɔnɔ, ani aw bena tugu dɔw kɔ ka taga u tɔɔrɔ dugu wɛrɛw la.

Matiyu 5:13

«Aw ye diɲɛ kɔgɔ ye. Nga ni kɔgɔ timiya bɔra a la, mun b'a kɛ kɔgɔ ye tugu? A te foyi ɲa tugu. A ka ɲi ka fili, mɔgɔw ka taama a kan.

Yuhana 15:20

Aw y'aw hakili jigi ne ka kuma nin na. N tun y'a fɔ aw ye ko baaraden man fisa n'a kuntigi ye. N'u ye ne tɔɔrɔ, u bena aw fana tɔɔrɔ. N'u ye ne ka kuma bato, u bena aw fana ta bato.

Yuhana 16:2

U bena aw gwɛn ka bɔ kalansow kɔnɔ, waati dɔ bena se, mɔgɔ minw bena aw faga, olu bena miiri k'u ye Ala sago le kɛ.

Kɛwalew 1:8

Nga ni Nii Senuman jigira aw kan tuma min na, aw bena fanga sɔrɔ ka se ka n ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taga se diɲɛ faan bɛɛ la.»

Kɛwalew 13:1

Kira ni karamɔgɔw tun be Krista ka jama cɛma Antiyɔsi. Olu tun ye: Barinabasi, ni Simeyɔn, min be wele ko Nizɛri, ani Lusiyusi ka bɔ Sirɛni, ni Manayɛn, min ni *Erɔdi ye denmisɛnya kɛ ɲɔgɔn fɛ. Sɔli ka fara u kan.

Kɛwalew 13:36

«K'a sɔrɔ, Dawuda ka tile la, a ye Ala sago kɛ. O kɔ, a sara, u y'a suu don a bɛmaw sudonyɔrɔ la. A suu tolila.

Kɛwalew 2:47

U tun be Ala tanu, mɔgɔ bɛɛ tun b'u filɛ ni ɲaɲuman ye. Matigi tun ye mɔgɔ minw kisi, a tun be olu ladon jɛnkulu nin kɔnɔ loon o loon.

Kɛwalew 22:20

I tericɛ Etiyɛni fagatuma na, ne tun be n'u ye, o tun diyara n ye fana. Ne le tun b'a fagabagaw ka faniw kɔlɔsira.›

Kɛwalew 26:10

Ne tun y'o baara daminɛ Zeruzalɛmu. Ne yɛrɛ tun ye mɔgɔ caaman minɛ k'u don kaso la, bari sarakalasebagaw kuntigiw tun y'o see di ne ma. O kasoden nunu fagako tun ka di ne ye fana.

Kɛwalew 5:18

wilila ka ciden nunu minɛ jama ɲana k'u don kaso la.

Kɛwalew 5:20

u ka taga Alabatosoba kɔnɔ, ka kisili kuma fɔ mɔgɔw ye.

Kɛwalew 5:33

Cidenw ka kuma nunu ye kititigɛlaw dusu gwan fɔɔ u y'a fɔ k'u ka kan ka faga.

Kɛwalew 5:40

U ye cidenw wele k'u bugɔ ni golokamiw ye ka ban, u ye kangari la u ye k'u kana Yezu tɔgɔ wele abada. U y'u bila ka taga.

Kɛwalew 7:38

Ka Isirayɛlidenw kafonin to kongokolon kɔnɔ, ale Musa le tun b'u ka koow ɲafɛ. Ale lo tun ye mɛlɛkɛ ka dalaminɛ ye an bɛmaw ka ɲɔgɔn lajɛnwaatiw la Sinayi kulu gɛrɛfɛ, ka Ala ka kuma fɔ an ye min be nii di.

Kɛwalew 7:54

Etiyɛni ka kuma nunu digira kititigɛlaw la fɔɔ k'u ɲaa wulen.

Kɛwalew 7:58

k'a talontalon ka bɔ n'a ye dugu dafɛ, k'a daminɛ k'a bon ni kabakuruw ye. A fagabagaw tun y'u ka faniw kalifa kanbelen dɔ ma min tɔgɔ ko Sɔli.

Kɛwalew 8:14

Cidenw tora Zeruzalɛmu k'a mɛn ko Samarikaw sɔnna Ala ka kuma ma minkɛ, u ye Piyɛri ni Zan ci u fɛ.

Kɛwalew 8:2

Mɔgɔɲuman dɔw ye Etiyɛni suu don k'a sanga kɛ kosɔbɛ.

Kɛwalew 8:4

Minw tun bolila ka bɔ Zeruzalɛmu, ni olu sera yɔrɔ o yɔrɔ, u tun be Yezu ka kibaru diman fɔ o yɔrɔ la.

Kɛwalew 8:5

O cogo la, Filipu fana sera dugu dɔ la Samari mara la, ka Ala ka Mɔgɔ wolomanin koo fɔ u ye.

Kɛwalew 9:31

O tuma na, Krista ka jama tun be hɛrɛ la Zude, ni Galile ani Samari mara nunu bɛɛ la. U ka lanaya tun be taga ɲa. U tun be Matigi boɲa. Nii Senuman barika la, u tun be caya ka taga.

Rɔmukaw 1:32

U be Ala ka koo latigɛnin lɔn, ko ni mɔgɔ min b'o koo ɲɔgɔn kɛ, o tigi ka kan ni saya ye. O bɛɛ n'a ta, u be to k'o kɛ, ka sɔn o kɛbagaw ta ma fana.

Filipikaw 1:12

Ne balimaw, ne b'a fɛ aw ka min faamu, o filɛ nin ye: koo minw ye ne sɔrɔ, o kɛra sababu ye kibaru diman tagara ɲa.

Heburuw 11:27

Musa ka lanaya kosɔn, a ma siran masacɛ ɲa ka bɔ Ezipiti jamana na. A jijara kosɔbɛ i n'a fɔ a ɲaa be Ala la, mɔgɔ ɲaa te min na.