Kɛwalew 7:52 - ALA KA KUMA

⁵² Kira jumɛn tɛmɛna n'aw faaw m'a tɔɔrɔ? Minw ye Mɔgɔsɔbɛ nin nako fɔ, u ye olu faga. Aw fana ye mɔgɔsɔbɛ nin kɔniya k'a faga a ma mɛn.

Jula NT of Côte d’Ivoire

⁵² Cira juman le bɛ yi, aw bɛmaw ma min tɔɔrɔ? Minw ka Ala ta mɔgɔ terennin nako kibaro fɔ, aw ka olugu faga. Sisan aw nana o mɔgɔ terennin fana janfa k’a faga.

LAYIDUKURA

⁵² Kira jumɛn tɛmɛna n'aw faaw m'a tɔɔrɔ? Minw ye Mɔgɔsɛbɛ nin nako fɔ, u ye olu faga. Aw fana ye Mɔgɔsɛbɛ nin kɔniya k'a faga a ma mɛn.

Kɛwalew 7:52 Iomraidhean Croise

Mas fɔlɔ 19:10

A y'a fɔ ko: «Masaba, Setigi Ala, e koo ka di ne ye kosɔbɛ fɔɔ n te se ka Isirayɛlidenw cogo filɛ. U banna i ka layidu la, u y'i ka sarakabɔyɔrɔw cɛn, k'i ka kiraw faga ni murujan ye. Ne kelenpe le tora, u fana b'a fɛ ka ne faga.»

Mas fɔlɔ 19:14

A y'a jaabi ko: «Masaba, Setigi Ala, e koo ka di ne ye kosɔbɛ fɔɔ n te se ka Isirayɛlidenw cogo filɛ. U banna i ka layidu la, u y'i ka sarakabɔyɔrɔw cɛn, k'i ka kiraw faga ni murujan ye. Ne kelenpe le tora, u fana b'a fɛ ka ne faga.»

Lok 2nan 36:15

Masaba u faaw ka Ala tora k'u lasɔmi a ka cidenw sababu la, bari a ka jama makari y'a minɛ, ni a tun b'a fɛ a yɛrɛ ka sigiyɔrɔ ka to yen.

Lok 2nan 36:16

Nga u ye Masa Ala ka ciden nunu lɔgɔbɔ, k'a ka kuma mafiɲɛya, ani ka yɛlɛ a ka kiraw ma, fɔɔ a dimin'a ka jama kɔrɔ, cogo ma sɔrɔ k'o dimi ban.

Nehemi 9:26

«O bɛɛ n'a ta, u wilila ka muruti i ma, i ye sariya min sigi u ye, u y'o bila kɔfɛ. U ye i ka kiraw faga, e tun ye minw ci janko olu k'u dɛmɛ u ka kɔsegi i ma. A kɛra ten, u ye kojuguba kɛ i la.

Yeremi 2:30

«Ne y'aw bugɔ, nga o ma foyi ɲa. Aw ma sɔn o kololi ma. Aw ka murujanjanw ye kiraw faga i ko jara fariman.

Yeremi 20:2

a ye kira Zeremi bugɔ k'a minɛ ka ta'a siri Masaba ka soo donda la min be sanfɛ, u be min wele ko Bɛnzamɛn ka daa.

Yeremi 26:15

Nga aw k'a lɔn ko n'aw ye ne faga, mɔgɔ jalakibali joli b'aw kan, ani dugu nin mɔgɔw. Bari, Masaba le ye ne ci tiɲɛ na, ka na kuma nunu bɛɛ fɔ aw ye.»

Yeremi 26:23

U ye Uriyawu minɛ yen ka n'a di masacɛ Yoyakimu ma, a y'a faga k'a suu fili foroba kaburu kɔnɔ.

Jakariya 9:9

*Siyɔnkaw, aw ye ɲanagwɛ kosɔbɛ! Zeruzalɛmukaw ka nisɔndiya ka mankan kɛ! Aw ka masacɛ natɔ filɛ aw fɛ! Mɔgɔtilennin lo, setigi lo, mɔgɔmajiginin lo. A be fali kan, a be faliden kan.

Matiyu 5:12

Aw ka nisɔndiya kosɔbɛ, bari aw bena tɔnɔba sɔrɔ sankolo la. Kira minw tɛmɛna aw ɲa, u ye olu fana tɔɔrɔ ten.

Luka 6:23

N'o be kɛ tuma min na, aw ka ɲanagwɛ ka panpan nisɔndiya fɛ, bari aw bena tɔnɔba sɔrɔ sankolo la. U faaw fana tun ye kiraw tɔɔrɔ ten.

Yuhana 16:10

Min ye tilenninyako ye, u filila, bari ne be taga n Faa fɛ aw tena ne ye tugu.

Kɛwalew 2:23

Ala tun y'a ka koo latigɛ cogo min na, a kɛra ten fana. Aw y'a don kojugukɛlaw bolo janko u k'a faga, olu y'a gwengwen lɔgɔ kan k'a faga.

Kɛwalew 22:14

A y'a fɔ ne ye ko: ‹An faaw ka Ala y'i woloma k'i kɛ a ta ye, janko i k'a sago lɔn, i ɲaa ka la a ka Mɔgɔɲuman kan, ka mɛnni kɛ ale yɛrɛ daa la,

Kɛwalew 3:18

N'o tɛ, Ala tun y'a fɔ a ka kiraw barika la kabini fɔlɔ, ko a bena mɔgɔ min woloma k'a bila ka na, k'o bena tɔɔrɔ. A do kɛra ten.

Kɛwalew 3:24

Kira minw tɛmɛna ka kɔrɔ, k'a ta Samuyɛli ma, ani minw tugur'a kɔ, olu bɛɛ fana y'an ka bii tile koo fɔ ka tɛmɛ.

Kɛwalew 4:10

O la, aw y'aw tulo malɔ ka ɲa ani k'a faamu, Isirayɛli jama bɛɛ fana k'a faamu ko Yezu Krista Nazarɛtika nin barika lo, aw tun ye min gwengwen lɔgɔ kan. Ala y'a kunun. Ale barika la cɛɛ nin kɛnɛyara.

Tes fɔlɔ 2:15

O zuwifu nunu le ye Matigi Yezu ani kiraw faga, ani olu le y'an tɔɔrɔ fana, o koo man di Ala ye, mɔgɔ bɛɛ le ye olu jugu ye.

Tim 2nan 3:4

U bena kɛ janfaciw ni dusutigiw ye. U bena kɛ mɔgɔw ye yɛrɛboɲa bena fanga sɔrɔ minw kan. Diɲɛ koo bena diya u ye ka tɛmɛ Ala kan.

Piy fɔlɔ 1:11

Krista tun bena tɔɔrɔ ni boɲa min sɔrɔ, a ka Nii min tun be u fɛ, ale tun b'o koo yira u la, olu tun b'a fɛ k'o waati n'a kɛcogo lɔn.

Zan fɔlɔ 2:1

Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.

Yirari 3:7

«Sɛbɛ ci Krista ka jama ka mɛlɛkɛ ma Filadɛlifi k'a fɔ u ye ko: Dawuda ka konnigɛ be min bolo, ale ye Senuman ye tigitigi, ale min be daa yɛlɛ ni mɔgɔ si te se k'a tugu, n'a y'a tugu, mɔgɔ si te se k'a yɛlɛ, ale ko: