Kɛwalew 7:5 - ALA KA KUMA

⁵ Nga Ala ma foyi di Ibrayima ma o jamana nin kɔnɔ, hali seen layɔrɔ yɛrɛ. Nga a y'a daa di Ibrayima ma ko ale bena yan jamana tigiya don ale n'a kɔmɔgɔw bolo, k'a sɔrɔ deen tun t'a fɛ.

Jula NT of Côte d’Ivoire

⁵ Nka Ala tun ma yɔrɔ si di a ma nin jamana kɔnɔ k’a kɛ a ta ye, hali senlayɔrɔ. Nka Ala ka layiri ta a ye ko nin jamana bɛna kɛ a denw ta ye ale kɔ fɛ, k’a sɔrɔ den tun tɛ Iburahima yɛrɛ fɛ o wagati ra.

LAYIDUKURA

⁵ Nga Ala ma foyi di Ibrayima ma o jamana nin kɔnɔ, hali seen layɔrɔ yɛrɛ. Nga a y'a daa di Ibrayima ma ko ale bɛna yan jamana nin tigiya don ale n'a deenw bolo, k'a sɔrɔ deen tun t'a fɛ.

Kɛwalew 7:5 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 13:15

I ɲaa be jamana min na, ne bena o bɛɛ di e n'i kɔmɔgɔ ma a ka to aw bolo kudayi.

Damina 15:18

O loon na, Masaba ye layidu ta Abramu ye ko: «Ne be jamana nin d'i kɔmɔgɔw ma, k'a ta Ezipiti baa ma, fɔɔ ka taga se baa belebele ma, min ye Efarati baa ye,

Damina 16:2

Sarayi y'a fɔ Abramu ye ko: «Masaba ma ne sɔn deen la. O la, taga la ni ne ka jɔnmuso ye, n'a sɔrɔ ne bena deenw sɔrɔ ale fɛ.» Abramu sɔnna Sarayi ka kuma ma.

Damina 17:8

I nana sigi Kanaan jamana min kɔnɔ, ne bena o bɛɛ di e, n'i kɔmɔgɔw ma, a ka kɛ aw ta ye kudayi. Ne bena kɛ u ka Ala ye.»

Damina 23:4

«Ne ye lonan ye aw fɛ, n siginin be yan fɔlɔ. Aw ka sudonyɔrɔ di ne ma yan janko ne ka se ka n muso suu don.»

Damina 26:3

Sigi jamana nin kɔnɔ yan, ne bena to i fɛ ka i dɛmɛ. Ne bena mara nunu bɛɛ d'i n'i kɔmɔgɔw ma. Ne ye layidugwɛlɛn ta i faa Ibrayima ye koo min na, ne bena o kɛ.

Nehemi 9:8

E tun y'a ye ko a kɛra mɔgɔsɔbɛ ye i ɲana, o la i bɛnna n'a ye ko i bena kanaanw ni itiw ani amoriw ni periziw, ani zebuziw ni girigasiw ka jamanaw d'a kɔmɔgɔw ma. E do y'o kɛ, bari e tilennin lo.

Ezekiyɛli 33:24

«Adamaden, mɔgɔ minw siginin be tomo nin na Isirayɛli jamana na, olu b'a fɔra ko: ‹Ibrayima kelen tun lo, o bɛɛ n'a ta, a ye jamana nin tigiya kɛ. Anw ka ca, jamana nin dira anw ma!›

Sariya 10:11

A y'a ɲini ne fɛ ko n ka wili ka bila jama nin ɲa, ka don n'u ye jamana nin kɔnɔ, ale tun ye o min layidu ta u bɛmaw ye ko a ben'a di u ma.

Sariya 11:9

Aw k'u bato janko aw ka sijan sɔrɔ jamana nin kɔnɔ, Masaba tun ye min layidu ta aw bɛmaw ye, ani u kɔmɔgɔw, ko a ben'a di aw ma. Nɔnɔ ni lii ka ca o yɔrɔ la kosɔbɛ, jamana diman lo.

Sariya 2:5

Aw kana u kɛlɛ, bari ne tena foyi d'aw ma u ka mara la, hali seen layɔrɔ yɛrɛ. Ne ye Seyiri kuluyɔrɔ di Ezawu ma ka kɛ a ta ye.

Sariya 34:4

Masaba y'a fɔ ko: «A filɛ, ne ye jamana min layidu ta Ibrayima, ni Isiyaka, ani Yakuba ye, tuma min na ne y'a fɔ u ye ko, ne bena jamana nin di aw kɔmɔgɔw ma, n b'a yira i la, nga i tena don yen.»

Sariya 9:5

A ma kɛ ko aw ka tilenninya kosɔn lo aw bena don ka jamana nin minɛ dɛ, walima aw ka ɲumanya barika la. Nga Masaba aw ka Ala bena siya nunu gwɛn ka bɔ aw ɲa u ka juguya le kosɔn. A ye layidu min ta aw bɛma Ibrayima, ni Isiyaka, ani Yakuba ye, waasa o ka dafa.