Kɛwalew 7:36 - ALA KA KUMA

³⁶ Musa ye kabako ni taamasiɲɛw kɛ Ezipiti jamana kɔnɔ, ka Isirayɛlidenw bɔ, ka Buruku kɔgɔji cɛtigɛ n'u ye, ka to ka kabako ni taamasiɲɛw kɛ u ɲana fɔɔ saan bi naani, kongokolon kɔnɔ.

Jula NT of Côte d’Ivoire

³⁶ Ale Musa kelen le ka o labɔ Misiran jɔnya ra, ka tagamasiyɛnw ni kabakow kɛ Misiran jamana kɔnɔ, ani o tɛmɛtɔ Kɔgɔjiwulen cɛ ma, ani kongo kɔnɔ ka se fɔ san binaani.

LAYIDUKURA

³⁶ Musa ye kabako ni taamasinyɛw kɛ Ezipiti jamana kɔnɔ, ka Isirayɛlidenw bɔ, ka kɔgɔji tigɛ n'u ye, ka to ka kabako ni taamasinyɛw kɛ u nyana fɔɔ saan bi naani, kongo kɔnɔ.

Kɛwalew 7:36 Iomraidhean Croise

Nehemi 9:10

I ye taamasiɲɛw ni kabakow kɛ Ezipiti masacɛ la, n'a ka dakɔrɔsigiw n'a ka jamana deenw bɛɛ la, bari u tun be kojugu minw kɛ an faaw la u ka yɛrɛboɲa kɔnɔ, e tun y'o ye. E fana tun y'a kɛ i tɔgɔ bɔra i n'a fɔ a be cogo min na bii.

Zaburu 95:10

O waati mɔgɔ nunu y'u nigɛ bɔ ne la saan bi naani kɔnɔ. O la, ne y'a fɔ ko: «Jama nin dusu ka gwɛlɛ. U te ne ka koo lɔn.»

Zaburu 95:8

aw kana aw dusu gwɛlɛya i ko a kɛra Meriba cogo min na, i ko min kɛra Masa, kongokolon kɔnɔ.

Bɔri 12:41

O saan kɛmɛ naani ni bi saba dafa loon yɛrɛ la, Masaba ka jamaw bɛɛ bɔra Ezipiti.

Bɔri 14:21

Musa y'a bolo wili kɔgɔji sanfɛ. O suu bɛɛ la, Masaba y'a kɛ fɔɲɔba dɔ bɔra kɔrɔn fɛ ka kɔgɔji fiyɛ k'a kɔsegi. Kɔgɔji cɛ tigɛra fila ye, kɔdingɛ jara.

Bɔri 16:35

Isirayɛlidenw ye maanɛ dumu saan bi naani kɔnɔ, fɔɔ ka taga se tuma min na u sera mɔgɔw sigiyɔrɔ la jamana dɔ kɔnɔ. U ye maanɛ dumu fɔɔ ka taga se Kanaan jamana donyɔrɔ ma.

Bɔri 3:20

O la, n bolo bena se Ezipitikaw ma ka kabako sifa bɛɛ kɛ u cɛma k'u tɔɔrɔ. O kɔ, a ben'a to aw be taga.

Bɔri 33:1

Masaba y'a fɔ Musa ye ko: «I bɔra ni jama min ye Ezipiti, i ni olu ka wili ka bɔ yan. Ne ye layidu ta Ibrayima ni Isiyaka ani Yakuba ye jamana min koo la, ko ne ben'a di u kɔmɔgɔw ma, i ka taga yen.

Yuhana 4:48

Yezu y'a fɔ a ye ko: «N'aw ma kabakobabaw kɛnin ye, aw te la ne la fewu.»

Kɛwalew 13:18

K'u to kongokolon kɔnɔ, a y'u mako ɲa fɔɔ saan bi naani ɲɔgɔn.

Kɛwalew 7:42

O la, Ala y'a kɔɔ sin u ma, u tora lolow batoli la, i n'a fɔ a sɛbɛnnin be kiraw ka kitabu kɔnɔ cogo min na ko: ‹Isirayɛlidenw, aw ye begɛnw faga ka saraka bɔ ne ye saan bi naani kongokolon kɔnɔ wa?

Sariya 8:4

Kabini saan bi naani kɔnɔ, aw ka faniw ma cɛn, aw seenw ma funu.

Heburuw 3:8

aw kana aw dusu gwɛlɛya i ko muruti waati la, kɔrɔbɔlilon na kongokolon kɔnɔ.

Heburuw 3:9

O yɔrɔ la, aw faaw murutira ne Ala ma ka n kɔrɔbɔ. K'a sɔrɔ ne ye koo min bɛɛ kɛ saan bi naani kɔnɔ, u y'o ye.

Heburuw 8:9

O ni kɔrɔman nin tena kɛ kelen ye, n y'e min sigi n'u faaw ye loon min na ne y'u minɛ ka bɔ n'u ye Ezipiti jamana na. Nga, u ma ne ka bɛɛn bato minkɛ, o la, ne fana ye n mako bɔ u la. Ne Matigi le ko ten.