Kɛwalew 7:23 - ALA KA KUMA

²³ «A ye saan bi naani sɔrɔ tuma min na, a y'a ŋaniya ta ko a be taga bɔ a baden Isirayɛlidenw fɛ.

Jula NT of Côte d’Ivoire

²³ «Musa si nana san binaani sɔrɔ wagati min na, a k’a latigɛ ko a bɛ taga a balema Izirayɛlimɔgɔw flɛ.

LAYIDUKURA

²³ “A ye saan bi naani sɔrɔ tuma min na, a y'a ;naniya ta ko a bɛ taa bɔ a baden Isirayɛlidenw fɛ.

Kɛwalew 7:23 Iomraidhean Croise

Lok 2nan 30:12

Zuda mara la fana, Masaba y'a to jama ka miiriya kɛra kelen ye ka se ka masacɛ n'a ka ɲamɔgɔw ka fɔta kɛ, ka kɛɲɛ ni ale Masaba ka kuma ye.

Ɛsidarasi 1:1

Kira Zeremi tun ye kuma min fɔ Masaba barika la, janko o koow ka kɛ, Masaba ye hakili di Pɛrɛsi masacɛ Sirusi ma, a ka masaya saan fɔlɔ la ko a ka kuma nin fɔ ani k'a kɛ sɛbɛ ye k'a ci a ka mara bɛɛ la ko:

Ɛsidarasi 1:5

A kɛra ten, gwatigi minw ye Zuda kɔmɔgɔw ye, ni Bɛnzamɛn kɔmɔgɔw, ani sarakalasebagaw, ni Levi kɔmɔgɔ tɔw, ani Masaba tun ye miiriya don mɔgɔ o mɔgɔ la, u bɛɛ wilila ka taga Zeruzalɛmu k'a ka soo lɔ.

Ɛsidarasi 7:27

Masaba, an faaw ka Ala ka tanu, ale min y'o miiriya don masacɛ dusu la fɔɔ a ye nin boɲa la Masaba ka soo kan Zeruzalɛmu.

Bɔri 35:21

Mɔgɔ o mɔgɔ dusu tun ka di, olu bɛɛ nana u yɛrɛ ma ni boɲafɛn ye k'o di Masaba ma, Ɲɔgɔnkunbɛn fanibugu lɔbaara n'a kɔnɔ baara bɛɛ kama, ani janko sarakalasebagaw ka faniw ka se ka dilan.

Bɔri 35:29

Masaba tun ye fɛɛn min fɔ Musa ye ni Musa y'o fɔ Isirayɛlidenw ye, k'u ka baara min kɛ, mɔgɔ minw dusu tun ka di, muso fara cɛɛw kan, u nana ni diyanaboɲafɛnw ye k'u di Masaba ma o baara kama.

Bɔri 4:18

Ayiwa, Musa wilila ka kɔsegi ka ta'a birancɛ Zetoro fɛ k'a fɔ a ye ko: «Ne b'a ɲini i fɛ, i k'a to ne ka taga n balimaw filɛ Ezipiti jamana na, n'u dɔw ɲanaman lo halibi.» Zetoro y'a fɔ Musa ye ko: «Taga, Ala k'i ni hɛrɛ bɛn.»

Bɔri 7:7

Musa ni Arɔn kumana masacɛ fɛ waati min na, Musa sii tun ye saan bi seegi ye, Arɔn sii tun ye saan bi seegi ni saba ye.

Zanaw 21:1

Masacɛ hakili be i ko jii woyota Masaba bolo. Yɔrɔ min man'a diya, a b'a ɲasin yen.

Kɛwalew 15:36

Waati dɔ tɛmɛnin kɔ, Pɔli y'a fɔ Barinabasi ye ko: «An ye Matigi ka kuma fɔ mɔgɔw ye dugu minw bɛɛ la, an ka taga bɔ o yɔrɔ balimaw ye k'a filɛ u ka koo be cogo min na.»

Kɛwalew 7:24

A tagar'a ye ko Ezipitika dɔ tun b'ale Musa badenw dɔ bugɔra. A baden nin tɔɔrɔko ma diya a ye. A tun b'a fɛ k'a mɔnɛ bɔ minkɛ, a ye Ezipitika nin bugɔ k'a faga.

Kor 2nan 8:16

An be Ala tanu bari a y'aw koo diya Titi ye i n'a fɔ anw.

Yakuba 1:17

An be fɛnɲuman minw bɛɛ sɔrɔ n'o dafanin lo, o be bɔ Ala le fɛ min ye tile ni kalo ani lolow dan. A te yɛlɛma, dibidibi te a ka koo si la.

Yirari 17:17

Bari, Ala le ye ŋaniya kelen d'u ma waasa u k'u ka fanga fara ɲɔgɔn kan ka baara kɛ sogo nin ye fɔɔ Ala ka kuma fɔnin bɛɛ ka dafa.