Kɛwalew 6:7 - ALA KA KUMA

⁷ Ala ka kuma tora ka jɛnsɛn, kalandenw tora ka caya kosɔbɛ Zeruzalɛmu kɔnɔ. Sarakalasebaga caaman sɔnna ka la Yezu la.

Jula NT of Côte d’Ivoire

⁷ Ala ta Kuma tun bɛ sera yɔrɔ caman na. Lanabagaw tun bɛ cayara Zeruzalɛmu kosɛbɛ. Sarakalasebaga* caman fana tun bɛ sɔnna Kibaro Diman* kuma ma.

LAYIDUKURA

⁷ Ala ka kuma tora ka jɛnsɛn, kalandenw tora ka caya kosɛbɛ Zeruzalɛmu kɔnɔ. Sarakalasebaga caaman sɔnna ka la Yezu la.

Kɛwalew 6:7 Iomraidhean Croise

Lok 2nan 29:34

Sarakalasebagaw tun man ca. U tun te se ka saraka jɛnita begɛn nunu bɛɛ boso minkɛ, u balima Levi kɔmɔgɔ tɔw y'u dɛmɛ fɔɔ ka taga baara ban, ani fɔɔ ka taga se sarakalasebaga tɔw ka yɛrɛsaniya waati ma. Levi kɔmɔgɔ tɔw tun jijara k'u yɛrɛ saniya ka tɛmɛ sarakalasebagaw kan.

Lok 2nan 30:24

Zuda masacɛ Ezekiyasi tun ye tura waa kelen, ni saga waa wolonwula d'u ma. A ka ɲamɔgɔw tun ye tura waa kelen d'u ma fana, ani begɛnmisɛn waa tan. Sarakalasebaga caaman y'u yɛrɛ saniya.

Zaburu 132:16

Ne ben'a ka sarakalasebagaw kisi. Ne ɲasiranbagaw bena nisɔndiyapɛrɛn kɛ.

Zaburu 132:9

I ka sarakalasebagaw ka to tilenninya la, i ɲasiranbagaw ka nisɔndiyapɛrɛn kɛ.

Matiyu 19:30

Nga ɲamɔgɔ caaman bena kɛ kɔmɔgɔw ye, kɔmɔgɔ caaman bena kɛ ɲamɔgɔw ye.

Luka 2:34

Simeyɔn ye duba kɛ u ye. O kɔ, a y'a fɔ a bamuso Mariyamu ye ko: «A filɛ, deen nin bena kɛ sababu ye Ala bena Isirayɛliden caaman jalaki, ka sɔn caaman fana na. A bena kɛ taamasiɲɛ ye, mɔgɔw bena ɲɔgɔn sɔsɔ min koo la.

Yuhana 12:42

O bɛɛ n'a ta, kuntigi caaman lara a la, nga *Fariziɲɛw ɲasiran kosɔn u tun te sɔn k'u yɛrɛ yira, u tun be siran ko u bena u niin bɔ kalanso koo la.

Kɛwalew 12:24

Ala ka kuma tun be jɛnsɛn ka taga dɔrɔn.

Kɛwalew 13:8

Jinamoricɛ Barizezu, n'u b'a tɔgɔ wele ko Elimasi, girɛkikan na, ale wilila ka muruti Barinabasi ni Sɔli ma. A tun t'a fɛ masacɛlankan ka la Yezu la.

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Kɛwalew 19:20

Matigi ka kuma tun be yiriwa a yɛrɛ ka sebagaya fɛ ten.

Kɛwalew 2:47

U tun be Ala tanu, mɔgɔ bɛɛ tun b'u filɛ ni ɲaɲuman ye. Matigi tun ye mɔgɔ minw kisi, a tun be olu ladon jɛnkulu nin kɔnɔ loon o loon.

Kɛwalew 21:20

A lamɛnbagaw bɛɛ ye barika la Ala ye. O kɔ, u y'a fɔ a ye ko: «An balimacɛ, i ɲaa b'a la ko zuwifuw caaman be yan minw lara Yezu la. U be Musa ka sariyaw bato kosɔbɛ.

Kɛwalew 6:1

Kalandenw tora ka caya. Waati dɔ la, zuwifu minw bɔra yɔrɔ wɛrɛ, n'u be girɛkikan fɔ, olu tora ka tɔw kɔrɔfɔ k'u te to k'u mako don olu ka firiyamusow la kosɔbɛ dumuni tilantuma na loon o loon.

Rɔmukaw 1:5

Ne ye nɛɛma sɔrɔ ale lo barika la ka kɛ ciden ye, waasa ka siya wɛrɛw dɛmɛ u k'u jigi la Krista kan ka mɛnni kɛ a fɛ, janko a tɔgɔ ka boɲa.

Rɔmukaw 16:26

Nga sisan a yirala kɛnɛ kan, siya wɛrɛw bɛɛ be se k'a lɔn kiraw ka sɛbɛ barika la, ka kɛɲɛ ni waati bɛɛ Ala ka cii ye, janko u ka se ka la Ala la ka mɛnni kɛ a fɛ.

Galasikaw 1:23

U tun y'a mɛn dɔrɔn ko mɔgɔ min tun be olu tɔɔrɔla fɔlɔfɔlɔ n'a tun b'a fɛ o koo ka dabila pewu, ko ale fana b'o koo fɔra sisan.

Galasikaw 6:10

O la, ni koɲumankɛ see b'an ye tuma min na, an k'o kɛ mɔgɔ bɛɛ ye kɛrɛkɛrɛ ni y'a la Krista kɔmɔgɔw.

Kɔlɔsikaw 1:6

O le sera diɲɛ yɔrɔ bɛɛ la, n'a be baara kɛra yen kosɔbɛ, i n'a fɔ a b'a kɛra aw fɛ cogo min na. Kabin'a sera aw fɛ, aw sɔnn'a ma, o le y'aw dɛmɛ ka Ala ka nɛɛma lɔn sɔbɛ la.

Tes 2nan 1:8

A bena na ni tasuma ye, ka mɔgɔw ɲaa gwan minw ma Ala lɔn ani minw ma sɔn an Matigi Yezu ka kibaru diman ma.

Tim 2nan 2:9

O kibaru diman fɔli kosɔn, ne be sigɛn na, u ye ne siri ni jɔrɔkɔ ye, i n'a fɔ kojugukɛla. Nga mɔgɔ si te se ka Ala ka kuma fɔli bali.

Heburuw 11:8

Ala y'a fɔ Ibrayima ye ko a ka bɔ ka taga jamana dɔ la, ko ale bena o tigiya d'a ma. Ibrayima lara Ala la minkɛ ka sɔn a ta ma, a wilila ka taga k'a sɔrɔ a tun t'a tagayɔrɔ lɔn.

Heburuw 5:9

O le y'a to a ka koo bɛɛ dafara ten tuma min na, mɔgɔ minw bɛɛ be mɛnni kɛ a fɛ, a kɛra olu bɛɛ kisibaga ye tuma bɛɛ.

Zude 1:20

Nga aw kɔni, ne teriw, aw ka jija ka taga ɲa aw jigi ka to Ala kan sɔbɛ la, ani ka Ala daali Nii Senuman barika la.

Zude 1:3

Ne teriw, ne tun y'a laɲini kosɔbɛ ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija janko lanaya kana cɛn. Ala y'e min di a ka jama ma siɲɛ kelen, o ɲɔgɔn tena kɛ tugu.