Kɛwalew 6:5 - ALA KA KUMA

⁵ O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun be Ala kan kosɔbɛ Nii Senuman tun b'a fɛ, ni Filipu, ani Porokɔri, Nikanɔri ni Timɔn, ni Parimenasi, ani Nikola ka bɔ Antiyɔsi, min donna zuwifuya la.

Jula NT of Côte d’Ivoire

⁵ O kuma diyara jama bɛɛ ye. O ka mɔgɔ minw ɲanawoloma, olugu flɛ: Etiyɛni, ale tun ye lanamɔgɔ ye, a fanin bɛ Nin Saninman na, ani Filipe, ani Porokori, ani Nikanɔri, ani Timon, ani Parimenasi, ani Nikola min tun bɔra Antiyɔsi; ale tun bɛ Yahudiyaw ta diina le ra fɔlɔ.

LAYIDUKURA

⁵ O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun bɛ Ala kan kosɛbɛ ni Nii Senuman tun b'a fɛ, ni Filipi, ani Porokɔri, Nikanɔri ni Timɔn, ani Parimenasi, ani Nikola ka bɔ Antiyɔsi, min donna Zuwifuya la.

Kɛwalew 6:5 Iomraidhean Croise

Damina 41:37

Yusufu ye min fɔ, o diyara masacɛ n'a ka kuntigiw bɛɛ ye kosɔbɛ.

Zanaw 15:1

Jaabi ɲanaman be mɔgɔ dusu suma, kuma fariman be mɔgɔ dusu wili.

Zanaw 15:23

Jabiɲuman mana bɔ mɔgɔ min daa la, o tigi nisɔn be diya. N'i ka fɔta fɔwaati ɲana, o ka ɲi dɛ!

Mise 3:8

Aa! Masaba ka Nii barika la, ne kɔni ye barika sɔrɔ, n tilennin lo, ne jaa ka gwɛlɛ ka Yakuba kɔmɔgɔw ka murutikow fɔ u ye, ka Isirayɛlidenw ka hakɛ fɔ u ye.

Matiyu 23:15

Bɔnɛ y'aw ta ye, aw sariya karamɔgɔw ni Fariziɲɛ namaramɔgɔw, aw be kɔgɔji tigɛ ka taga dugukolo faan bɛɛ la ka tuubiden ɲini. Ni dɔ sɔrɔla, aw b'a kɛ jahanamaden ye ka tɛmɛ aw yɛrɛ kan fɔɔ siɲɛ fila.

Kɛwalew 11:19

Tɔɔrɔ min tun daminɛna Etiyɛni fagalɔn na, o tun kɛra sababu ye kalanden dɔw tagara Fenisi ni Sipɔrɔ jamana na, ani Antiyɔsi dugu kɔnɔ. Nga u tun te Yezu ka kibaru diman fɔ siya wɛrɛw ye fɔɔ zuwifuw dɔrɔn.

Kɛwalew 11:20

O bɛɛ n'a ta, kalandenw dɔw bɔra Sipɔrɔ, ni Sirɛni ka taga Matigi Yezu ka kibaru diman fɔ siya wɛrɛw ye.

Kɛwalew 11:22

Krista ka jama min tun be Zeruzalɛmu, olu y'o kibaru mɛn, u ye Barinabasi ci u fɛ Antiyɔsi.

Kɛwalew 11:24

Barinabasi tun ye mɔgɔɲuman ye, a tun fanin be Nii Senuman na, a lanin tun be Yezu la kosɔbɛ. Mɔgɔ caaman lara Matigi la o la.

Kɛwalew 11:26

A y'a ye, u nana ɲɔgɔn fɛ Antiyɔsi. U ye saan kelen kɛ ɲɔgɔn fɛ o yɔrɔ la ni Krista ka jama ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o daminɛna Antiyɔsi le.

Kɛwalew 11:27

O waati la, kira dɔw bɔra Zeruzalɛmu ka taga Antiyɔsi.

Kɛwalew 13:1

Kira ni karamɔgɔw tun be Krista ka jama cɛma Antiyɔsi. Olu tun ye: Barinabasi, ni Simeyɔn, min be wele ko Nizɛri, ani Lusiyusi ka bɔ Sirɛni, ni Manayɛn, min ni *Erɔdi ye denmisɛnya kɛ ɲɔgɔn fɛ. Sɔli ka fara u kan.

Kɛwalew 15:22

O tuma na, Krista ka jama bɛɛ sɔnna. A ɲamɔgɔw ni cidenw bɛnn'a la, k'u bena mɔgɔw bɔ u cɛma ka fara Pɔli ni Barinabasi kan ka taga Antiyɔsi. U ye Zude, min be wele ko Barisabasi, ani Silasi bɔ. U fila bɛɛ tun ye kantigiw ye balimaw cɛma.

Kɛwalew 2:4

U bɛɛ fara Nii Senuman na. U y'a daminɛ ka siyakan wɛrɛw fɔ Nii Senuman barika la.

Kɛwalew 21:8

O dugusagwɛ, an bɔra k'an kuun sin Sezare. An sera yen, an jigira kibaru diman fɔbaga Filipu fɛ. Cidenw tun ye mɔgɔ wolonwula minw woloma, olu la kelen tun lo.

Kɛwalew 22:20

I tericɛ Etiyɛni fagatuma na, ne tun be n'u ye, o tun diyara n ye fana. Ne le tun b'a fagabagaw ka faniw kɔlɔsira.›

Kɛwalew 6:10

Nga u tun te sera Etiyɛni kɔrɔ, bari a tun be kuma ni hakilitigiya ye Nii Senuman barika la.

Kɛwalew 6:3

O kama balimaw, aw yɛrɛ ka mɔgɔ wolonwula woloma aw cɛma minw sɔɔn ka ɲi, ni hakili b'u fɛ, ni Nii Senuman. O la, anw bena dumuni tilanko don olu bolo.

Kɛwalew 6:8

Barika tun be Etiyɛni na, Ala ka nɛɛma tun b'a kan kosɔbɛ. A tora ka kabakobabaw kɛ mɔgɔw ɲana.

Kɛwalew 7:1

Sarakalasebagaw kuntigiba ye Etiyɛni ɲininga ko: «Mɔgɔ nunu b'i jalakila koo minw kuun kan, tiɲɛ lo wa?»

Yirari 2:15

Dɔw b'aw cɛma fana minw sɔnna Nikola kɔmɔgɔw ka kalan ma.

Yirari 2:6

Nga koo kelen b'aw la, o ka di ne ye. Nikola kɔmɔgɔw koo ka go ne ye cogo min na, u koo ka go aw fana ye ten.