Kɛwalew 6:3 - ALA KA KUMA

³ O kama balimaw, aw yɛrɛ ka mɔgɔ wolonwula woloma aw cɛma minw sɔɔn ka ɲi, ni hakili b'u fɛ, ni Nii Senuman. O la, anw bena dumuni tilanko don olu bolo.

Jula NT of Côte d’Ivoire

³ O le kosɔn, an balemaw, aw ye mɔgɔ wolonfla ɲanawoloma aw cɛ ra, o ye kɛ mɔgɔsɔbɛw ye, minw hakiri ka bon, ani minw fanin lo Nin Saninman* na; an bɛna olugu bla domuniko ɲanabɔri ra.

LAYIDUKURA

³ O kama, aw yɛrɛ ka mɔgɔ wolonwula woloma aw cɛma minw sɔɔn ka nyi, ni hakili b'u fɛ, ni Nii Senuman. O la, anw bɛna dumuni tilanko don olu bolo.

Kɛwalew 6:3 Iomraidhean Croise

Bɔri 18:21

I ka mɔgɔsɔbɛ dɔw woloma fana jama cɛma, minw be siran Ala ɲa, lanamɔgɔw, mɔgɔ te se ka minw daa san, k'u kɛ kuntigiw ye jama kunna, dɔw ka kɛ mɔgɔ waa kelen kelen kunna, dɔw ka kɛ mɔgɔ kɛmɛ kɛmɛ kunna, dɔw ka kɛ mɔgɔ bi duuru duuru kunna, ani dɔw ka kɛ mɔgɔ tan tan kunna.

Ezayi 28:26

K'a sɔrɔ a ka Ala le be koo ɲayira a la, k'a lalɔnniya.

Ezayi 28:6

Mɔgɔ min be sigi kititigɛ kama, a be tilenninya hakili d'o ma. Mɔgɔ minw be kɛlɛ kɔnɔ dugu donda la, a be fanga di olu ma.

Matiyu 23:8

Nga aw kɔni, aw kana sɔn u b'aw wele karamɔgɔ, bari aw bɛɛ ye balimaw ye, aw bɛɛ ka karamɔgɔ ye kelen ye.

Yuhana 21:23

O kuma le kosɔn, kalandenw tora k'a fɔ ɲɔgɔn ye k'o kalanden nin tena sa tugu, nga Yezu tun m'a fɔ ko kalanden nin tena sa. A tun ko: «Hali ni ne b'a fɛ a ka to yen fɔɔ ne ka kɔsegi ka na, e ka mun le b'o la?»

Kɛwalew 1:15

O loonw na, kalanden mɔgɔ kɛmɛ ni mugan ɲɔgɔn lajɛnnin tun be yen. Piyɛri wilila ka lɔ u cɛma k'a fɔ ko:

Kɛwalew 1:21

«O kama, mɔgɔ minw tun tugunin b'an kɔ kabini Matigi Yezu be n'an ye,

Kɛwalew 10:22

U y'a jaabi ko: «Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a be siran Ala ɲa, zuwifu jama bɛɛ b'a tɔgɔɲuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.»

Kɛwalew 15:23

U ye sɛbɛ min don olu bolo, a sɛbɛnnin tun b'o la ko: «Aw kalanden minw te zuwifuw ye n'aw siginin bɛ Antiyɔsi, Siri jamana na, ani minw be Silisi jamana na, aw balima cidenw, ni Krista ka jama ɲamɔgɔw b'aw fo.

Kɛwalew 16:2

Balima minw tun be Lisitɔrɔ ani Ikoniyɔmu, u tun b'a tɔgɔɲuman fɔ.

Kɛwalew 2:4

U bɛɛ fara Nii Senuman na. U y'a daminɛ ka siyakan wɛrɛw fɔ Nii Senuman barika la.

Kɛwalew 22:12

«Cɛɛ dɔ tun b'o yɔrɔ la, a tɔgɔ tun ko Ananiyasi, a tun be Ala ka sariyaw bato kosɔbɛ, a tɔgɔɲuman tun be zuwifuw bɛɛ daa la o yɔrɔ la.

Kɛwalew 28:14

ka taga balima dɔw sɔrɔ yen. Olu y'a ɲini an fɛ ko an ka lɔgɔkun kelen kɛ n'u ye. A kɛra cogo min na an sera Ɔrɔmu, o le ye nin ye.

Kɛwalew 6:2

O la, ciden tan ni fila nunu ye kalandenw bɛɛ lajɛnnin wele k'a fɔ u ye ko: «Anw man kan ka to dumuni tilanko la, ka Ala ka kuma fɔko bila gɛrɛfɛ.

Kɛwalew 6:5

O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun be Ala kan kosɔbɛ Nii Senuman tun b'a fɛ, ni Filipu, ani Porokɔri, Nikanɔri ni Timɔn, ni Parimenasi, ani Nikola ka bɔ Antiyɔsi, min donna zuwifuya la.

Kɛwalew 6:6

O y'u yira cidenw na, olu y'u bolo la u kuun na kelen kelen ka Ala daali u ye.

Kɛwalew 9:30

Balimaw y'o kibaru mɛn, u bɔra n'a ye k'a bila sira Sezare. K'a to o yɔrɔ la, u y'a bila ka taga Tarisi.

Kor fɔlɔ 12:8

Nii Senuman ye see di dɔ ma ka kuma ni hakilitigiya ye, ka see di dɔ wɛrɛ ma ka koo fɔ ni lɔnniya ye.

Kor fɔlɔ 16:3

Ni ne sera aw fɛ yen, n bena bataki sɛbɛn k'o di aw ka jigilamɔgɔw ma aw ye minw woloma, k'u ci ka taga ni bolomafara nin ye Zeruzalɛmu.

Ɛfɛsikaw 5:18

Aw kana fa duvɛn na, o be mɔgɔ mako sa, aw ka fa Nii Senuman na.

Sariya 1:13

Hakili be aw ka mɔgɔ minw fɛ, n'u be koo lɔn fana, n'u jatinin lo aw cɛma, aw k'olu dɔw woloma ka bɔ Isirayɛlidenw burujuw la. Ne bena olu sigi aw kunna.»

Tim fɔlɔ 5:10

Ani a tɔgɔɲuman ka fɔ a ka kɛwaliɲuman kosɔn, a ka kɛ muso ye min y'a deenw lamɔ ka ɲa, ka kɛ lonan ladonbaga ye. A ka kɛ Ala ka mɔgɔw dɛmɛbaga ye. A ka kɛ mɔgɔ ye min y'a hakili to dɛsɛbagatɔw la k'u dɛmɛ, ani ka kɛwaliɲuman sifa bɛɛ kɛ.

Yakuba 1:17

An be fɛnɲuman minw bɛɛ sɔrɔ n'o dafanin lo, o be bɔ Ala le fɛ min ye tile ni kalo ani lolow dan. A te yɛlɛma, dibidibi te a ka koo si la.

Zan 3nan 1:12

Demetiriyusi kɔni, mɔgɔ bɛɛ b'ale tɔgɔɲuman fɔra. U do be tiɲɛ le fɔra. Anw fana b'a tɔgɔɲuman fɔ. I b'a lɔn ko an be min fɔ, ko tiɲɛ lo.