Kɛwalew 5:41 - ALA KA KUMA

⁴¹ Cidenw nisɔn diyanin bɔra kiti tigɛyɔrɔ la, bari Ala ye boɲa la u kan min kɛra u lɔgɔbɔko ye Yezu tɔgɔ kosɔn.

Jula NT of Côte d’Ivoire

⁴¹ Ciradenw tagara ka bɔ kititigɛjama kɔrɔ, o bɛ ɲagarira k’a ye ko Ala ka o bonya la olugu kan, k’a to o ye olugu dɔgɔya Yesu tɔgɔ kosɔn.

LAYIDUKURA

⁴¹ Cidenw nisɔn diyanin bɔra kiti tigɛyɔrɔ la, bari Ala ye bonya la u kan o min kɛra u lɔgɔbɔko ye Yezu tɔgɔ kɔsɔn.

Kɛwalew 5:41 Iomraidhean Croise

Ezayi 51:7

Aw minw be tilenninya lɔn, n ka sariya be aw minw kɔnɔ, aw k'aw tulo malɔ ne fɛ. Aw kana siran adamadenw ka dɔgɔya ɲa, aw kan'a to u ka nɛnili k'aw jaa tigɛ.

Ezayi 61:10

Ne Zeruzalɛmu nisɔn ka di kosɔbɛ Masaba barika la. Ne dusu ka di ne ka Ala sababu la. Bari, a ye kisili fani don ne kaan na, a ye tilenninya deleke don ne kaan na, i ko kɔɲɔcɛ min masirinin be ni sarakalasebaga ka kunmelekefani ɲɔgɔn ye, i ko kɔɲɔmuso min y'a yɛrɛ masiri.

Ezayi 65:14

U dusu diyanin bena pɛrɛn, aw dusu kasinin bena kule. Aw nii tɔɔrɔnin bena kasi kosɔbɛ.

Ezayi 66:5

Aw minw be siran Masaba ɲa ka sɔn a ka kuma ma, aw y'aw tulo malɔ a ka kuma na. Aw balima minw b'aw kɔniya, n'u b'aw gwɛn ne kosɔn, olu b'a fɔ ko: «Masaba k'a ka setigiya yira, o la, an bena aw nisɔndiyatɔ ye.» Ayiwa, olu le bena maloya.

Luka 6:22

Ni mɔgɔw b'aw kɔniya ka ban aw la, k'aw nɛni ani k'aw tɔgɔjugu fɔ Mɔgɔ Dencɛ kosɔn, o tuma na, aw dagamunin lo.

Yuhana 15:21

U bena o bɛɛ kɛ aw la ne kosɔn bari u ma ne cibaga lɔn.

Kɛwalew 21:13

Nga a y'an jaabi ko: «Mun na aw be kasira ten, n'aw b'a fɛ ka ne jigi tigɛ? Ka ne siri, o te foyi ye ne fɛ. Ne ka sa yɛrɛ Zeruzalɛmu, Matigi Yezu tɔgɔ kosɔn, ne labɛnnin lo o kama.»

Kɛwalew 5:21

U ye mɛlɛkɛ ka kuma bato. Sɔgɔma joona, u sera Alabatosoba kɔnɔ k'a daminɛ ka mɔgɔw kalan. O tuma na, sarakalasebagaw kuntigiba n'a ka dakɔrɔsigiw tagara u ka ɲɔgɔnyeyɔrɔ la. U ye zuwifuw ka kititigɛlaw bɛɛ lajɛn, ka sɔlidasiw bila k'u ka taga cidenw bɔ kaso la ka na n'u ye.

Rɔmukaw 5:3

O dama tɛ, an be nisɔndiya an ka tɔɔrɔkow la, bari an b'a lɔn ko tɔɔrɔ be na ni muɲuli ye.

Kor 2nan 12:10

O le kosɔn, ne be nisɔndiya ne ka dɛsɛ koow la, u be ne nɛnina wo, ne dusu kasira wo, u be ne tɔɔrɔla wo, ne be nisɔndiya hali ni nisɔngoyako lo Krista kosɔn, bari ne y'a lɔn ko waati min na ne barika dɛsɛra, o waati yɛrɛ la ne be fanga sɔrɔ.

Filipikaw 1:29

Aw minw kɛra Krista ta ye, Ala ye nɛɛma min kɛ aw ye, o ye nin ye: A y'a kɛ aw y'aw jigi la a kan, o dama tɛ, aw be sigɛn sɔrɔ a kosɔn fana.

Heburuw 10:34

Aw sigɛnna ni kasodenw ye u ka tɔɔrɔw la. Aw sɔnna k'aw ka bololafɛnw to u bɔsibagaw bolo ni nisɔndiya ye. Bari, aw ko nafolo wɛrɛ b'aw fɛ min ka fisa n'o ye n'a te ban abada.

Heburuw 12:2

An k'an ɲaa lɔnin to Yezu kan ale min ye an ka lanaya bɔyɔrɔ ye, n'a laban ye. A sɔnna ka tɔɔrɔ gwengwenlɔgɔ kan, a ma maloya yɛrɛ jati, bari nisɔndiya min tun b'a kɔnɔna, a ɲaa tun b'o la. Sisan, a siginin be Ala kinibolo la.

Yakuba 1:2

N badenw, kɔrɔbɔli sifa o sifa mana se aw ma, aw k'aw yɛrɛ jati mɔgɔdagamuninw ye.

Zan 3nan 1:7

Bari u bɔra Krista le tɔgɔ la. O le y'a to u ma sɔn ka Alalɔnbaliw ka dɛmɛ foyi minɛ.